KORONAVİRUSA YOLUXANLARIN SAYI - CANLI STATİSTİKA

“Ermənistan beynəlxalq müstəvidə də layiqli cavabını alacaq” — Qənirə Paşayeva

“Ermənistan beynəlxalq müstəvidə də layiqli cavabını alacaq”
09:00
14.07.2020
1668
Siyasət
A
“Ötən gündən başlayaraq işğalçı Ermənistan silahlı qüvvələri təxribata əl ataraq atəşkəsi pozub. Bu onların növbəti vandalizm aktıdır”

"Ölkə.Az" bildirir ki, bu sözləri Oxu.Az-a Millət vəkili Qənirə Paşayeva iyulun 12-də Ermənistan Silahlı Qüvvələrinin Azərbaycanın Tovuz rayonu istiqamətində yerləşən postlarını atəşə tutması nəticəsində baş verən döyüşə münasibət bildirərkən deyib.

Millət vəkili bildirib ki, hər zaman olduğu kimi bu dəfə də Azərbaycan ordusu düşmənə layiqli cavabı verib və onları cavab atəşilə susdurub:

“Düşmən tərəfi əl atdığı təxribatdan sadəcə özünə ziyan verdi. Ermənistan tərəfi bu döyüşdə də çoxsaylı itki verdi. Bunu gizlətməyə çalışsalar da, mümkün olmayacaq. Təəssüf ki, bizim ordumuzun da dörd güclü, igid, cəsur hərbçisi şəhid oldu. Onların ailələri qarşısında baş əyirik. Yaralı hərbçilərimiz var, onlara Allahdan şəfa diləyirik”.

Q.Paşayeva Tovuz rayonunun Ağdam kəndinin tarixən Ermənilərin vandalizminə şahid olduğunu da vurğulayıb:

“Bu kəndin camaatı çox qəhrəman insanlardır. Kənddə yanğın törətmək üçün atəşə tutublar. Lakin əhalini qorxuda bilməyiblər. Bu kənd çox strateji kənddir. Sakinlərimiz evlərində yaşamağa davam etməklə ermənilərə psixoloji zərbə vururlar. Bütün bunlar Ermənistanın daxilində gedən iqtisadi-siyasi böhrandan diqqəti yayındırmaqdır. Onlar bu təxribatda Azərbaycanı günahlandırmağa cəhd etsələr də, heç bir şeyə nail ola bilmədilər.

Dövlətimiz siyasi yolla bütün beynəlxalq təşkilatlara bu barədə əsaslı sübutlarla məlumat verəcək. İşğalçı Ermənistan beynəlxalq müstəvidə də layiqli cavabını alacaq”.

ŞƏRH YAZ
0

Ermənilər Azərbaycanın Müdafiə Nazirliyi adına saxta "twitter" hesabı açıb

Ermənilər Azərbaycanın Müdafiə Nazirliyi adına saxta
16:56
03.08.2020
449
Siyasət
A
Ermənistan tərəfindən Azərbaycan Respublikası Müdafiə Nazirliyi adına saxta "twitter" hesabı açılıb.

"Ölkə.Az" xəbər verir ki, bu barədə APA-ya Azərbaycan Müdafiə Nazirliyinin Mətbuat Xidmətindən bildirilib.

Qeyd olunub ki, Ermənistan tərəfindən Azərbaycan Respublikası Müdafiə Nazirliyi adına saxta "twitter" hesabı açılıb: “Vətəndaşları, sosial şəbəkə istifadəçilərini və KİV nümayəndələrini həmin profilə istinad etməməyə və bu https://twitter.com/Mod saxta hesabın bağlanılması üçün şikayət etməyə çağırırıq. Bildiririk ki, Azərbaycan Respublikası Müdafiə Nazirliyinin rəsmi "twitter" hesabı bu linkdədir: https://twitter.com/wwwmodgovaz”.

ŞƏRH YAZ
0

Azərbaycan UFC prezidentinə etiraz məktubu göndərib

Azərbaycan UFC prezidentinə etiraz məktubu göndərib
14:29
03.08.2020
483
Siyasət
A
Xarici İşlər Nazirliyinin Mətbuat xidməti idarəsinin rəisi Leyla Abdullayeva UFC yarışında erməni əsilli döyüşçü Azərbaycanın işğal olunmuş ərazilərindəki qanunsuz rejimin “bayrağını” qaldırmasına münasibət bildirib.

"Ölkə.Az" xəbər verir k, L.Abdullayeva APA-ya bildirib ki, UFC yarışında erməni əsilli döyüşçünün Azərbaycanın işğal olunmuş ərazilərində işğalçı Ermənistan tərəfindən yaradılmış qanunsuz rejimin qondarma “bayrağının” qaldırılması ilə bağlı ölkəmizin ABŞ-ın Los Anceles şəhərindəki Baş Konsulluğu tərəfindən UFC prezidentinə etiraz məktubu göndərilib:

“Məktubda qanunsuz qurumun Ermənistanın hərbi təcavüzünün nəticəsindən başqa bir şey olmadığı bildirilib və ABŞ-ın Azərbaycanın ərazi bütövlüyünə dəstəyinə dair birmənalı mövqeyi UFC rəhbərliyinin diqqətinə çatdırılıb. UFC qaydalarına istinadən yalnız beynəlxalq tanınmış dövlətlərin bayraqlarının nümayiş etdirilməsinə icazə verildiyi qeyd olunaraq, yarışı siyasiləşdirmək cəhdlərinə görə erməni əsilli döyüşçüyə qarşı müvafiq nizam-intizam tədbirlərinin həyata keçirilməsi və gələcəkdə bu kimi halların təkrarlanmaması tələb edilib”.

ŞƏRH YAZ
0
BAĞLA