Evdəki ərzaqlarla təbii maskalar

Ev şəraitində də dərimizə qulluq etmək mümkündür. Bunun üçün evdə olan ərzaqlardan istifadə etmək kifayətdir.

"Ölkə.Az" axşam.az-a istinadən məlumat verir ki, dərinizi nəmləndirmək və qara nöqtələri təmizləmək üçün iki fərqli maskanı təqdim edir.

Dərinizi nəmləndirən banan maskası:

1 ədəd bananı, 1 yemək qaşığı bal və 10 damcı limon suyu ilə qarışdırın. Məhlulu 15 dəqiqə üzünüzdə saxladıqdan sonra ilıq su ilə yuyun.

Qara nöqtələr üçün portağal maskası:

1 çay qaşığı portağal şirəsi ilə 2 çay qaşığı sodanı qarışdırıb, 15 dəqiqə üzünüzdə saxlayın. Maskanı dərinizdən ilıq su ilə masaj edərək təmizləyin.