KORONAVİRUSA YOLUXANLARIN SAYI - CANLI STATİSTİKA

"Evdən bir neçə saatlıq çıxmışdım, mühafizə siqnalını qoşmadım" — Mahirin anası

21:36
11.09.2019
12368
Ölkə
A
Xəbər verdiyimiz kimi, Azərbaycan yığmasının və "Qarabağ" klubunun futbolçusu Mahir Emrelinin mənzili qarət olunub.

"Ölkə.Az" bildirir ki, baş vermiş oğurluq hadisəsi ilə bağlı oxu.az Mahir Emrelinin anası Elnurə Emreli ilə əlaqə yaradıb. O, evdən işlə bağlı bir neçə saatlıq çıxdığı üçün mühafizə siqnalını qoşmadığını və nəticədə oğurluq hadisəsi baş verdiyini söyləyib:

"Saytlar mənim adımdan həqiqəti əks etdirməyən məlumatlar yazıblar. Bu, evimizin oğurlanması ilə bağlı verdiyim ilk və son müsahibəmdir. Bildirmək istəyirəm ki, ev mənə məxsusdur. Oğurluq hadisəsi günorta saatlarında baş verib. Saat 12:00 radələrində işim olduğu üçün evdən çıxmalı idim. 15:00-a qədər qayıdacağımı bilirdim deyə, mühafizə siqnalını qoşmadım və evdən çıxdım. Əgər mühafizə xidmətinə qoşulsaydı, mühafizə polisi evdə hərəkətin olduğunu dərhal bilərdi. Mən də tez qayıdacağımı bildiyim üçün buna diqqət etmədim. İşdən qayıdıb gələndə gördüm ki, evimiz naməlum şəxs və ya şəxslər tərəfindən qarət olunub".

Anar Mədətov isə redaksiyamızın əməkdaşı ilə söhbətində bildirib ki, oğlu Mahir ona ev məsələsi ilə bağlı heç bir söz deməyib. Onların ailəsində "kupça" məsələsi ilə bağlı mübahisə olmayıb, hazırda isə başları oğurluq məsələsinə qarışıb. Bəzi saytlarda yazılan məlumatlar isə dezinformasiya xarakteri daşıyır.

Qeyd edək ki, məşhur futbolçu Mahir Emrelinin Sulutəpə qəsəbəsində yaşadığı evdən 20 min dollar, 17 min manat, 3 mobil telefon və beş min manatlıq qızıl əşyaları oğurlanıb.

Ölkə.Az

ŞƏRH YAZ
0

Süni tənəffüs cihazındakı xəstələrin sayı azaldı

Süni tənəffüs cihazındakı xəstələrin sayı azaldı
03:49
Bu gün
107
Ölkə
A
Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 11-nə olan statistik göstəriciləri açıqlayıb.

"Ölkə.Az" xəbər verir ki, məlumata əsasən hazırda ölkədə 2380 nəfər aktiv koronavirus xəstəsi var.

Onlardan 226 nəfər reanimasiyada, 46 nəfər isə süni tənəffüs cihazındadır.

Ümumilikdə 33 730 nəfər virusa yoluxub, 30 856 nəfər sağalıb.

Qeyd olunub ki, bu gün 6318 test edilib. Yeni yoluxma hallarının müəyyənləşdirilməsi ilə əlaqədar ümumilikdə 796 459 test aparılıb.

Qeyd edək ki, bu gün 84 koronavirusa yoluxma faktı qeydə alınıb, 3 nəfər dünyasını dəyişib, 214 nəfər sağalıb.

ŞƏRH YAZ
0

Təbii möcüzə: balqabaq tumunun faydaları

Təbii möcüzə: balqabaq tumunun faydaları
01:00
Bu gün
234
Ölkə
A
Balqabağın tumu özü qədər insan sağlamlığına müsbət təsir göstərir.

Balqabaq tumunun faydalarını təqdim edirik:

Tərkibi bir çox vitaminlərlə zəngin olan balqabaq tumu kalsium, sink, fosfor, dəmir, maqnezium, natrium, kalium kimi minerallarla zəngindir.

İçində sümüklər və iştaha üçün əhəmiyyətli maddə - sink var. Bir stəkan balqabaq tumu gündəlik sink, dəmir və E vitamini ehtiyacımızın hamısını, yarım stəkan balqabaq tumu isə gündəlik maqnezium ehtiyacımızı təmin edir və əzələləri möhkəmləndirir. Tərkibi sinklə zəngin olan balqabaq tumu immun sistemini gücləndirir və virusların orqanizmə daxil olmasının qarşısını alaraq soyuqdəymədən qoruyur. Soyuq qış günlərində xəstəliklərdən qorunmaq üçün balqabaq tumunu qatıqla və ya salata qarışdıraraq yemək olar. Tərkibindəki maqnezium infarkt və iflic kimi xəstəliklərin də qarşısını alır.

Balqabaq tumu beyin sağlamlığı üçün çox əhəmiyyətlidir. Bir ovuc balqabaq tumu gündəlik sink ehtiyacını ödəyir, yaddaşı gücləndirir. Omeqa-3 və Omeqa-6 beyin funksiyalarının fəaliyyətinə kömək edir. Zehni inkişafa müsbət təsir edir.

Tərkibində fosfor var. Fosfor sümük inkişafına kömək olur, böyrək funksiyalarını yaxşılaşdırır.

Balqabaq tumunda olan E vitamini yaşlanmanı gecikdirir, dərinin elastikliyini bərpa edir.

İltihablara yaxşı təsir edir.

Qəbizlik problemini aradan qaldırır.

Mədə və ürək bulantısını götürür.

Bağırsaq qurdlarını tökməyə kömək edir. Uzun illərdir ki, parazitləri məhv etmək üçün balqabaq tumundan istifadə edilir.

Balqabaq tumundakı karotenoid və Omeqa-3 yağları prostat xərçəngi riskinin azalmasına kömək edir.

Oynaqların iltihabının müalicəsində müsbət təsir göstərir.

Ürək-damar sağlamlığına yaxşı təsir edir.

Balqabaq tumu həm çərəz kimi, həm də salatlara, çörək növlərinə əlavə edilə bilər. Amma istehlak edərkən çox duzlu, qovrulmuş olmamasına və miqdarına diqqət etmək lazımdır.

Hamiləlik zamanı vacibdir

Tədqiqatlara əsasən, orqanimzdə sinkin səviyyəsi aşağı olduqda, bu, doğuşla bağlı hormonlara mənfi təsir göstərir və adətən onun miqdarının artırılması məsləhət görülür. Bu baxımdan tərkibində çoxlu sink olan balqabaq tumu son dərəcə xeyirlidir. Sink, həmçinin, kişilərin reproduktiv sağlamlığında da vacib rol oynayır.

Ürəyin sağlamlığını yaxşılaşdırır

Maqniumun ən yaxşı mənbəsi sayılan balqabaq tumu qan təzyiqini tənzimləyir və ürək xəstəlikləri riskini aşağı salır. İnsan və heyvanlar üzərində aparılan tədiqatlar göstərmişdi ki, balqabaq tumundan alınmış yağ da qan təzyiqi və “pis” xolesterini aşağı salır. Bu tumun tərkibində olan maqnium, omeqa-3, antioksidant və sink ürək sağlamlığının yaxşılaşdırılması ilə sıx bağlıdır.

 

Diabet zamanı kömək edir

Tədqiqatlar göstərmişdi ki, balqabaq tumu diabet xəstəliyinin müalicəsi zamanı qanda şəkərin səviyyəsini aşağı salır. Qanda şəkərin səviyyəsinə təsiri balqabağın tərkibində olan maqniumla, eləcə də sellülozla bağlı ola bilər.

Yuxun yaxşılaşmasına kömək edir

Yenə maqnium... Bədən və şüuru rahatlamağa kömək edən maqnium bununla da yuxunun keyfiyyətini artırır və yuxuya getməni asanlaşdırır.

Prostat və sidik kisəsinin sağlamlığını yaxşılaşdırır

İnsanlar üzərində aparılan bir neçə tədqiqatlar göstərmişdi ki, balqabaq tumunun istifadəsi prostat və sidik kisəsi ilə bağlı probemlər zamanı da kömək edir.

ŞƏRH YAZ
0
BAĞLA