Gənc modelin dəhşətli ölümünün detalları

Gənc model Esmiralda Gonzales günlərlə çarpayıda bağlı vəziyyətdə qalıb, ona zorla narkotik maddə və hovuztəmizləyici dərman verilib, sonra da öldürülərək gölə atılıb.

“Ölkə.Az” xarici mətbuta istinadən xəbər verir ki, hadisə ABŞ-da baş verib.

Qonşuları gənc model Esmeralda Gonzalesi sonuncu dəfə may ayında görüblər və ondan sonra ortadan yox olub. Qonşuları 24 yaşlı Esmiraldanı üzərində alt paltarla tövşüyərək getdiyini görürlər. Onu bu vəziyyətdə görən qonşular polisə xəbər verirlər. Ondan bir gün sonra Esmiralda ərtafdakı təhlükəsizlik kameralarında da görünür. Modelin lüks bir avtomobilin yanına getdiyi videoda qeyd olunur. Ondan sonra Esmiralda ortalıqda görünmür. Esmiraldanın evə gəlmədiyini görən qardaşı polisə zəng vuraraq bacısının yoxa çıxdığı barədə məlumat verir. Esmiraldanın evinə gələn polis gənc modelin evinin qapısının açıq olduğunu, evdəki işıqların yandığının şahidi olur. Aylar keçməsinə baxmayaraq polisin Esmiraldanın axtarışı ilə bağlı həyata keçirdiyi araşdırma nəticə vermir.

Bu yaxınlarda polisə bir məlumat daxil olur ki, Nevada gölündə tabutun içində bir qadın meyiti aşkar edilib. Polis hadisə ilə bağlı hərəkətə keçir. Tabutdakı cəsədin Esmiraldaya məxsus olduğu bəlli olur.

Polis hadisə ilə bağlı 45 yaşlı Kristofer Prestipino (Christopher Prestipino) adlı bir şəxsi saxlayır. Prestipino adam qaçırma, cinayət və cinayəti başqa birisiylə birgə həyata keçirməkdə ittiham olunur.

“New York Post” qəzetinin yazdığına görə, cinayətkarlar Esmeraldanı günlərlə yataqda bağlı saxlamış, ona narkotik və hovuz təmizləyən dərman veriblər. Polis həyata keçirdiyi əməliyyat zamanı Kristoferin qız dostu Kasandra Basconesdən (Cassandra Bascones) şübhələndiyindən polisə ifadə verməyə çağırır. Kasandra hadisədən xəbərsiz olduğunu dediyinə görə, müvəqqəti olaraq sərbəst buraxılıb. Lakin polis ondan şübhələnir, Kristoferin cinayəti Kasandra ilə birgə həyata keçirdiyini düşünür. Hadisə ilə bağlı araşdırma davam edir.