KORONAVİRUSA YOLUXANLARIN SAYI - CANLI STATİSTİKA

Görkəmli xanəndə, mərhum xalq artisti Sara Qədimova — Bu gün onun anım günüdür - FOTO

Görkəmli xanəndə, mərhum xalq artisti Sara Qədimova
19:31
12.05.2020
6453
Mədəniyyət
A
Sara Qədimova 1922-ci il mayın 31-də Bakıda anadan olub. Bakıda doğulmağına baxmayaraq, onun uşaqlıq illəri Qarabağda, Gülablı kəndində keçib. Bu kənddə Cabbar Qaryağdıoğlu, Seyid Şuşinski, Xan Şuşinski kimi sənətkarlar tez-tez Gülablıya gələr, yerli xanəndələrlə məclislər qurardılar. Bu mühütdə böyüyən Sara xanım yaddaşında dərin iz buraxır və elə uşaqlıqdan musiqiyə böyük həvəsi yaranır.

Sara Qədimova 16 yaşında olarkən əvvəl anasını, 2 ildən sonra isə atasını itirir. Bundan sonra evin böyük övladı olduğu üçün o, dörd bacı və iki qardaşını himayəsinə götürür.

Sara xanım 22 yaşında olarkən  özündən 24 yaş böyük olan, tibb texnikumunun direktoru Qədir İslamzadə ilə ailə qurur.

Gənc Sara yetim qalmış özündən balaca qardaş və bacılarını saxlamaq xatirinə Qədir müəllimlə ailə qurmağa razılıq verir. Bu izdivacın 8 il ömrü olur.

Əmək fəaliyyətinə 1941-ci ildə Müslüm Maqomayev adına Azərbaycan Dövlət Filarmoniyasının solisti kimi başlayan Sara Qədimova nadir istedadı sayəsində qısa müddət ərzində müğənni kimi məşhurlaşır. İkinci Dünya müharibəsi illərində dahi Üzeyir Hacıbəyovun və Səməd Vurğunun yaratdığı və müğənninin cəbhədə azərbaycanlı əsgərlər qarşısında oxuduğu "Şəfqət bacısı" mahnısı qəhrəman Azərbaycan qadınının təcəssümünə çevrilib.

Sara Qədimovanın sənətkar kimi yetişməsində Hüseynqulu Sarabski, Xan Şuşinski, Seyid Şuşinski kimi qüdrətli ustadların böyük təsiri olub. O, öz sələflərinin layiqli davamçısı olaraq ömrünün sonuna kimi klassik ifaçılıq ənənələrinə sadiq qalıb.

 

Azərbaycan Dövlət Opera və Balet Teatrında aparıcı partiyalarda çıxış edən Sara Qədimovanın adı opera səhnəsində yaratdığı Leyli və Əsli obrazları ilə yadda qalıb. Onun oxuduğu "Bayatı-Şiraz", "Şur", "Şahnaz", "Qatar", "Mahur-hindi", "Xaric segah" muğamları, müxtəlif Azərbaycan xalq mahnıları ifaçılıq sənəti tariximizə qızıl hərflərlə yazılıb. Müğənninin ifasında "Qarabağ şikəstəsi" isə Azərbaycan musiqisi tarixində özünəməxsus yer tutur. Xalq musiqisinin incəliklərinə dərindən yiyələnmiş Sara Qədimova ifa üslubu ilə milli musiqi xəzinəmizi zənginləşdirən böyük sənətkarlardan olub, dərin tarixi köklərə və ənənələrə malik Azərbaycan xanəndəlik məktəbində layiqli yer tutaraq onun inkişafına öz töhfəsini verib. Dinləyicinin daxili aləminə nüfuz etmək, onda güclü emosional təsir yaratmaq bacarığı Sara Qədimova yaradıcılığının xarakterik xüsusiyyəti idi. Müğənninin altmış ildən artıq bir dövrü əhatə edən yaradıcılığının başlıca qayəsi Azərbaycan mədəniyyətinə xidmət göstərmək olub.

Sara Qədimova Azərbaycan xalq musiqisini, milli mədəniyyətimizi dəfələrlə xarici ölkələrdə böyük uğurla təmsil edib.

1950-60-cı illərdə Sara xanım qədər xarici ölkələrdə konsert verən, dünya xalqlarının mahnılarını ifa edən ikinci bir müğənni yox idi. O, 22 ölkədə Azərbaycan incəsənətini təmsil etmişdi, İran, İndoneziya, Efiopiya və Özbəkistanın dövlət mükafatlarına layiq görülmüşdü. S.Qədimova əcnəbi dillərdə 25 mahnı ifa etmiş və lentə yazdırmışdı. Bunlardan ərəbcə oxunan «Xəyalımın nuru», «Yamayilə», «Leyla», «Sili», farsca səslənən «Rəftəm ki, rəftəm», «Peşiman şodəm», «Bahori mən», İndoneziya mahnısı «Vurğunam», tacikcə ifa olunan «Məhəbbət» və başqa mahnıların adını çəkmək mümkündü.

Süleyman Dəmirəl hələ prezident olmamışdan öncə Bakıda səfərdəykən Sara xanımın ifasını dinləyir. O zaman Sara xanım Abbas Səhhətin məşhur “Könlümün sevgili məhbubu mənim, vətənimdir, vətənimdir, vətənim” qəzəlini muğam üstündə ifa edir. Bu görüşdən illər keçəndən sonra Dəmirəl Türkiyənin prezidenti olur. Bundan sonra o, Sara xanımla görüşmək üçün onu Türkiyəyə dəvət edir. Dəmirəlin Sara xanımla görüşü o vaxt mətbuatda böyük səs-küy doğur.

Sara Qədimovanın sənət aləmində ən yaxın rəfiqəsi Şövkət Ələkbərova olub. O, məşhur xanəndə Hacıbaba Hüseynovun baldızıdır.

Görkəmli xanəndə 1954-cü ildə  Azərbaycan SSR əməkdar artisti, 1965 Azərbaycan SSR xalq artisti fəxri adına layiq görülüb.

O, 2005-ci il may ayının 12-də 82 yaşında vəfat edib.

Sara Qədimovayla bağlı GİZLİNLƏR: “İşıqlar söndürüldü, maşına ...

Bahram Mansurov - Bəhram Mansurov və Sara Qədimova İran... | Facebook

Oxuyur Sara Qədimova - Küsüb getdi

Sara Qadimova Leyli Ve Mecnun 3gp mp4 mp3 flv indir

Görkəmli xanəndə, mərhum xalq artisti Sara Qədimova-96 - Polimik.az

Oxu.az - Bu gün Sara Qədimovanın doğum günüdür

Sara Qədimovanın heç yerdə olmayan arxiv videosu yayıldı:Aygün ...

Bahram Mansurov - sağdan - Bəhram Mansurov, Sara Qədimova ...

Sara Qədimova-Sara Bəbiş qızı Qədimova

Ölkə.Az

ŞƏRH YAZ
0

Böyük yaş fərqilə evlənən azərbaycanlı məşhurlar — FOTOLAR

Böyük yaş fərqilə evlənən azərbaycanlı məşhurlar
18:44
10.08.2020
14746
Mədəniyyət
A

Sosial quruluş, demək olar ki, dünyanın hər yerində işini eyni qaydada görür. Bunlardan biri də evliliklərdə yaş məsələsinə qarşı duyulan həsasslıqdır. Söhbət məşhur simalardan gedəndə isə söz-söhbətin miqyası bir az daha genişlənir. Bir neçə gün öncə özündən 32 yaş kiçik xanımla evlənən məşhur aktyor Şon Penn bu addımı ilə dünya gündəminə gəldi. Xəbər bütün ölkələrin mədəniyyət plastında ilk sıralarda yer aldı.
Kulis.az “el aləm nə deyər” səddini aşaraq aradakı yaş fərqinə əhəmiyyət vermədən ürəklərinin səsini dinləyən azərbaycanlı məşhurları təqdim edir.

Xalq artisti Nəsibə Zeynalova özündən 11 yaş kiçik olan Mütəllib Novruzovla ailə həyatı qurub. Onların bu izdivacından Xalq artisti Cahangir Novruzov dünyaya gəlib. Cütlük birlikdə uzun bir ömür keçirib.

Gallery

Xalq artisti Xan Şuşinski birinci həyat yoldaşının razılığı ilə 56 yaşında özündən 30 yaş kiçik Suğra adlı xanımla ailə qurub.

Gallery

Xalq artisti Sara Qədimovanın həyat yoldaşı özündən 22 yaş böyük olub.

Gallery

Xalq artisti Tükəzban İsmayılova ikinci həyat yoldaşı tarzən Həbib Bayramovdan 3 yaş böyük olub.

Gallery

Xalq artisti Hacıbaba Bağırov özündən 38 yaş kiçik Arzu adlı xanımla ailə qurub. Cütlüyün bu evlilikdən bir qız övladları dünyaya gəlib.

GalleryXalq artisti Səyavuş Kərimi də özündən çox kiçik xanımla ailə quran məşhurlardandır.

GalleryDiktor Rafiq Hüseynov özündən 30 yaş kiçik Səbinə adlı tələbəsi ilə ailə qurub. Onların bu evlilikdən bir qız övladları dünyaya gəlib.

GalleryXalq şairi Baba Vəziroğlu ikinci dəfə özündən 22 yaş kiçik Zəminə adlı xanımla ailə həyatı qurub. Cütlüyün Kamal adlı bir oğul övladları var.

GalleryXalq artisti Ruhəngiz Musəvi özündən 12 yaş kiçik kişi ilə ailə həyatı qurub. Amma bu evliliyin ömrü uzun olmayıb.

GalleryXalq artisti Aygün Kazımovanın Rza adlı İran əsilli həyat yoldaşından 7 yaş böyük olduğu bilinir.

GalleryMüğənni Lalə Dadaşova özündən 15 il kiçik xanəndə Elçin Cəlilovla ailə həyatı qurub.

GalleryAyaz Salayev də iki dəfə ailə quran məşhurlardandır. İkinci evliliyi özündən 17 yaş kiçik tələbəsi ilə olub.

Gallery

Tanınmış aktrisa Mehriban Xanlarova illər əvvəl müğənni Lalə Dadaşovanın yaşca özündən kiçik oğlu ilə ailə həyatı qurub. Cütlüyün övladları olmadığı üçün ayrılıblar.

GalleryXalq artisti Elxan Əhədzadə ikinci dəfə özündən 28 yaş kiçik xanımla ailə qurub. Onların bu bərabərlikdən bir övladları dünyaya gəlib.

GalleryƏməkdar artist Gülər Nəbiyeva özündən 16 yaş kiçik sənət yoldaşı Eşqin Quliyevlə ailə qurub.

GalleryTanınmış müğənni Natəvan Həbibi də yaşca özündən kiçik reper Dado ilə ailə həyatı qurub. Cütlüyün bu evlilikdən Zeyd adlı bir oğlu dünyaya gəlib.

Gallery

Müğənni Xəyyam Nisanov özündən 16 yaş kiçik xanımla ailə qurub.

Gallery

ŞƏRH YAZ
0

Azərbaycanlı kinooperator VƏFAT ETDİ — FOTO

Azərbaycanlı kinooperator VƏFAT ETDİ
21:51
08.08.2020
2728
Mədəniyyət
A
AzTV-nin keçmiş əməkdaşı Kamil Babayev vəfat edib.

“Ölkə.Az” xəbər verir ki, o, avqustun 8-i infarkt keçirib. Həkimlərin bütün səyinə baxmayaraq, Babayev gecə saatlarında İstanbul şəhərində dünyasını dəyişib.

Qeyd edək ki, Kamil Babayev 1947-ci ildə anadan olub. O, uzun illər (1963-2008) AzTV-də çalışıb. K. Babayev orada əvvəl işıqçı, səs rejissoru daha sonra isə kinooperator kimi fəaliyyətini davam etdirib.  Babayev dəfələrlə cəbhə bölgəsində, Xocalıda çəkilişlərdə iştirak edib. O, 2008-ci ildən Türkiyənin İstanbul şəhərində yaşayırdı.

Allah rəhmət etsin.

ŞƏRH YAZ
0
BAĞLA