KORONAVİRUSA YOLUXANLARIN SAYI - CANLI STATİSTİKA

Hamam otağında yad kişi ilə danışan bacısını öldürdü — Azərbaycanda dəhşətli namus cinayəti

Hamam otağında yad kişi ilə danışan bacısını öldürdü
00:05
17.09.2019
9534
Hadisə
A
Cəlilabad rayonunda namus üstündə bacısını öldürməkdə təqsirli bilinən 1992-ci il təvəllüdlü Hikmət Sadıqovun məhkəmə prosesi başa çatıb.

"Ölkə.Az" teleqraf.com-a istinadən xəbər verir ki, Hikmət Sadıqov bu ilin yanvarın 2-də, saat 20 radələrində yaşadığı Cəlilabad rayonu, Üçtəpə kəndində yerləşən evə gəlib.

O, həmin evdə birlikdə yaşadığı, evli olduğu halda başqa kişi ilə sevgi münasibətində olmasından şübhələndiyi bacısı Arzu Cəfərovanın evin həyətində yerləşən hamam otağında sakit səslə mobil telefon vasitəsi ilə gizli danışmasına şahid olub.

Onda bacısının başqa kişi ilə sevgi münasibəti saxlamasına dair əminlik yaranıb. Qardaş bacısını öldürmək qərarına gəlib. Bu məqsədlə o, yaşadığı evin mətbəxindən bıçaq götürüb və hamama girib. Qardaşının ora gəldiyini görən Arzu dərhal telefonu söndürüb.

Hikmət isə bacısından telefonu ona verməsini tələb edib. Arzu telefonunu qardaşına verməkdən imtina edib.

Bundan qəzəblənən Hikmət bıçaqla Arzunun əvvəlcə qarın nahiyəsinə bir dəfə, yıxılmasından sonra yerdə uzanmış vəziyyətdə olarkən sinə və boğaz nahiyəsinə çoxsaylı zərbələr vurub.

Ümumilikdə 27 bıçaq xəsarəti alan Arzu hadisə yerindən ölüb. Cinayəti törədən Hikmət polisə gələrək təslim olub.

İstintaq orqanı tərəfindən Hikmət Sadıqovun barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.

Cinayət işi Lənkəran Ağır Cinayətlər Məhkəməsində araşdırılıb. Hakim Mehdixan Abdullayevin sədrliyi ilə baş tutan iclasda təqsirləndirilən şəxsin əməli sübuta yetirilib və o, cəzasını ciddi rejimli cəza çəkmə müəssisəsində çəkməklə 16 il azadlıqdan mərhum edilib.

Hökmdən narazı qalan Hikmət Sadıqov apelyasiya şikayəti verib.

İttihamla qismən özünü təqsirli bilən Hikmət Sadıqov qeyd edib ki, xüsusi amansızlıqla qətl törətməsi nə ibtidai istintaq zamanı, nə də məhkəmə istintaqı zamanı sübuta yetirilməyib. Hadisə vaxtı öz hərəkətlərini tam dərk etmək iqtidarında olmayıb, bacısına əsəbi halda xəsarət yetirib, niyyəti zərərçəkmişə əzab vermək olmayıb.

O, əməlini Cinayət Məcəlləsinin 120.1-ci (qəsdən adam öldürmə) maddəsinə tövsif edilməsini, həmin maddənin sanksiyasında nəzərdə tutulmuş cəzadan da aşağı həddə cəza təyin olunmasını istəyib.

Hikmət Sadıqovun şikayəti araşdırılması üçün Şirvan Apelyasiya Məhkəməsinə göndərilib. Hakim Rafiq Cəfərovun sədrliyi ilə baş tutan prosesdə apelyasiya şikayətinin dəlilləri araşdırılıb, sonda apelyasiya şikayətinin qismən təmin olunması barədə qərar elan edilib.

Lənkəran Ağır Cinayətlər Məhkəməsinin hökmü dəyişdirilib və Hikmət Sadıqovun cəzası 14 ilə endirilib.

Ölkə.Az

ŞƏRH YAZ
0

Ər hamama gizli kamera yerləşdirdi — Xanımı dəhşətə gəldi, anamın və rəfiqələrimin...

Ər hamama gizli kamera yerləşdirdi
23:47
09.08.2020
2403
Hadisə
A
Türkiyənin Bolu vilayətində 7 ay öncə evlənən cütlük ilkinc olay üzündən boşanmalı olublar.

"Ölkə.Az" teleqraf.com-a istinadən xəbər verir ki, 23 yaşlı gəlin hamama yerləşdirilən saatdan şübhələnib. 

Sonradan ona məlum olub ki, saat əslində gizli kamera imiş və əri hamama (həmçinin ayaqyoluna) girən qadının rəfiqələrini izləyirmiş.

Qadın polisə müraciətində bildirib ki, hər dəfə anası və ya rəfiqəsi onlara gələndə əri saatı elektrik mənbəyinə qoşurmuş: 

"Bundan şübhələndim və bir gün ərimin telefonuna baxdım, dəhşətə gəldim. Anamın və rəfiqələrimin görüntülərini gördüm. Bunu ərimə dedikdə məni döyməyə başladı".
 
Polisə müraciətdən sonra şorgöz ərə qarşı cinayət işi açılıb.

ŞƏRH YAZ
0

Sabirabadın icra başçısının müavinini avtomobil vurdu

Sabirabadın icra başçısının müavinini avtomobil vurdu
22:17
09.08.2020
268
Hadisə
A
Sabirabadda vəzifəli şəxsin xəsarət alması ilə nəticələnən yol-nəqliyyat hadisəsi baş verib.

"Ölkə.Az" report-a istinadən bildirir ki, hadisə saat 22 radələrində Sabirabad şəhərinin Heydər Əliyev prospektində qeydə alınıb.

Avtomobil Sabirabad rayon İcra Hakmiyyəti başçısının 2-ci müavini Vahid Həsənovu vurub. Yaralı Şirvan şəhər Mərkəzi Xəstəxanasına çatdırılıb.

ŞƏRH YAZ
0
BAĞLA