KORONAVİRUSA YOLUXANLARIN SAYI - CANLI STATİSTİKA

Hansı vitaminləri birgə qəbul etmək olmaz? — Az bilinən yanlışlar

Hansı vitaminləri birgə qəbul etmək olmaz?
18:11
01.08.2020
8668
Maraqlı
A
Hazırda uşaqdan böyüyə hər kəs vitamin mineral defisiti yaşayır və bu da orqanizmdə sistem və orqanların işini pozur. Bir çoxları elə özləri aptekdən ürəyi istədiyi vitamini alıb, təlimata əməl etmədən qəbul edib, faydasını gözləyir. Halbuki bir çox vitaminlərin bir-biri ilə uzlaşmadığını və əksinə birlikdə zərər etdiyini bilmir.
"Ölkə.Az" medicina.az-a istinadən hansı vitamini necə qəbul etmək barədə lazımlı informasiyanı təqdim edir:
 
Unutmayın ki, artıq içiləndə vitamin də dərd verir.
 
Bu vitaminlər uyğundur:
 
A vitamini + E və C
 
Bu vitaminlər hər biri yağda həll olunan vitaminlərdir. Ona görə bu vitaminləri qəbul etdiyiniz vaxtlar yağlı qida qəbuluna fikir verin və ya həmin gün mütləq yağ qəbul edin. Bu üçlük bir-birinə uyğundur və mane olmur. E vitamini vitaminləri qoruyur, gənclik vitaminidir, A vitamini immunitet və orqanizmin turşulaşmasına qarşı vitamindir, Cvitamini isə bu iki vitamini gücləndirən təbii katalizatordur.
 
A vitamini dəmir və sinklə də uyğundur, bu minerallarla da eyni vaxtda qəbul edilə bilər.
 
B 2 vitamini + B6 vitamini
 
Bu vitaminlər cüt qəbul olunsa yaxşıdır. B 6 vitamini tək aktiv olmayan formada sadəcə orqanizmdən keçib gedir və belə deyək, xaric olur. Məhz vitamin B 2 onu mənimsədir.
 
• Vitamin B 2 sinklə də əla uyğunlaşır, onun üçün təbii gücləndiricidir. Sinklə birgə B 2 qəbul etdikdə onun gücü artır və orqanizmi qoyur.
 
B 2 + kalsium
 
Bu vitamin kalsiumun miqdarına nəzarət edir, onun defisitinin qarşısını alır. B 2 bədəndə az olanda kalsium orqanizmdən çox çıxır.
 
Vitamin B6 + maqniy
 
Bu cütlüyü gözəl tanıyırsız, bir-birinə dayaq və köməkçidir. Vitamin maqniyin orqanizmdə mənimsənilməsini təmin edir.
 
Vitamin B 9+ Cvitamini
 
Cvitamini B 9un toxumalarda ehtiyat toplanmasına kömək edir.
 
B 12 +kalsium
 
Kalsium olmadan B 12-nin orqanizm tərəfindən mənimsənilməsi mümkün deyil
 
Vitamin C +dəmir+xrom
 
Bu üçü bir-birinin yaxşı mənimsənilməsi üçün katalizator rolunu oynayır.
 
Vitamin D+ kalsium+ fosfor
 
Dvitamini olmadan kalsiumun orqanizm tərəfindən mənimsənilməsi mümkün deyil. Bu üçünü birdən qəbul etmək olar. Əgər orqanizmdə Dvitamini azdırsa, deməli kalsium da yoxdur. Ona görə bunları ayrı-ayrı təyin etmək nəticə vermir.
 
Evitamini + selen
 
E vitamininin antioksidant təsiri məhz selenin təsiri ilə on qat artır. Bu ikisi birlikdə hüceyrə və toxumaları zədələnmədən qoruyur, yeniləyir
 
Vitamin K +kalsium
 
Bu cütlük sümüklərin möhkəmliyinə, ürək-damara cavabdehdir. K vitamini kalsiuma kömək edir ki, sümükləri qursun,bərkitsin. Eləcə də qanın düzgün laxtalanmasına cavabdehdir.
 
 
 
Bir-birinə uyğun olmayan və birgə qəbulu effektsiz vitaminlər:
 
B 1 vitamini +B2, B3
 
Bir qrupdan olan bu vitaminlər bir-birinə mənfi təsir edir və mane olub dağıdır.
 
B 9 vitamini + sink
B 12 vitamini + Cvitamini + dəmir
 
Evitamini +dəmir
 
Bu cütlüyü yazanlar çoxdur, amma dəmir preparatı ilə Evitamini birlikdə qəti yolverilməzdir.
 
Dəmir +kalsium +maqniy+sink
 
Bu üçlük dəmirin səviyyəsini azaldır, dəmir tabletlərinin mənimsənilməsini zəiflədir.
 
Sink + kalsium
Marqans +kalsium +dəmir
 
ŞƏRH YAZ
0

Şəffaf “Xiaomi” televizoru təqdim edilib

Şəffaf “Xiaomi” televizoru təqdim edilib
03:53
13.08.2020
521
Maraqlı
A
“Xiaomi” şirkəti yaradılmasının on illiyi münasibətilə “Mi TV Lux Transparent Edition” adlı şəffaf televizor təqdim edib.

"Ölkə.Az" azertac-a istinadən xəbər verir ki, söhbət kütləvi istehsal mərhələsində olan tam şəffaf televizordan gedir. O, 5,7 millimetr qalınlığında 55 düym diaqonallı şəffaf “OLED” ekranla təchiz edilib. Bundan başqa, televizor 120 giqaherslik yüksək yeniləmə tezliyinə malikdir. Həmçinin panel 10 bitlik rəng dərinliyi və “DCI-P3” rəng qammasını 93 faiz əhatə etməsi ilə xarakterizə olunur. Ekranın reaksiya vaxtı 1 milli saniyə təşkil edir.

“MediaTek 9650” birkristallı sistemi ilə təchiz edilən qurğu “MEMC” və “Dolby Atmos” hərəkət kompensasiya texnologiyasını dəstəkləyir. Qiyməti 7100 dollar təşkil edəcək televizorun satışa çıxarılma müddəti barədə məlumat verilmir.

Qeyd edək ki, şəffaf televizorlar əvvəllər də nümayiş olunub. Belə ki, 2019-cu ildə “IFA” sərgisində “Panasonic”, 2017-ci ildə “LG”, 2016-cı ildə isə “Samsung” ilk belə qurğusunu nümayiş etdirib. Lakin hazırda söhbət ilk kommersiya istifadəsinə verilən qurğudan gedir.

ŞƏRH YAZ
0

Azərbaycanda hansı yeni ixtisaslara ehtiyac var? — Dron pilotu, "ağıllı" evlərin texniki

Azərbaycanda hansı yeni ixtisaslara ehtiyac var?
09:15
12.08.2020
607
Maraqlı
A
"İnformasiya-kommunikasiya texnologiyaları (İKT) sahəsində məlumatların statistikasının hazırlanması, süni intellekt və İKT-nin təhlükəsizliyi, kompüter texnologiyaları (proqramist, şəbəkə və sistem administratorları, frontend (veb-saytların istifadəçilərə görünən tərəfi) dizayneri, kompüter mühəndisi və s.) artıq gələcəyin peşələri hesab edilir".

"Ölkə.Az" ted.az-a istinadən bildirir ki, bunu Sosial Tədqiqatlar Mərkəzinin baş məsləhətçisi Aqşin Məmmədov deyib.

O, pandemiyanın inkişafını zərurətə çevirdiyi, gələcəyin peşələri barədə danışarkən bildirib ki, XXI əsrdə bütün sahələr əsasında yeni texnologiyaların, rəqəmliləşmənin dayandığı IV sənaye inqilabına keçidi sezmək mümkündür: "Fikrimcə, koronavirus bu keçidi bir az da tezləşdirəcək. Çünki pandemiyanın dünya siyasi sistemi, iqtisadiyyatı, təhsil və elm sisteminə təsiri göstərdi ki, artıq bəşəriyyət yeni texnoloji inkişaf mərhələsinə qədəm qoyur. COVID-19 böhranı bütün sahələrdə çətinliklər və məhdudiyyətlər gətirsə də, bizə yeni imkanları göstərdi, yeniliklərin tətbiqinə zəmin yaratdı. Süni intellekt və müxtəlif sahələrdə robotlaşmanın artması, "3D Printing", dronlardan istifadə, bərpa olunan enerjidən istifadənin, elektrikli maşınların artması, sürücüsüz nəqliyyat vasitələrinin meydana gəlməsi, ümumiyyətlə, qeyri-neft sektorunun sürətlə inkişafı, internetdən istifadənin genişlənməsi, cəmiyyətin və dövlətin onlayn texnologiyalar əsasında idarə olunması və s. yeni mərhələyə qədəm qoymağımızdan xəbər verir".

A.Məmmədov qeyd edib ki, bu gün dünyadakı proses və çağırışlarla əlaqədar əmək bazarının tələbləri də dəyişir: "Yeni ixtisaslar yaranır, onlara tələbat da artır".

Ekspertin fikrincə, onlayn fəaliyyət növlərinin aktuallaşması İKT yönümlü peşələrə daha çox ehtiyac yaradır: "Rəqəmli marketoloq, dron pilotu, 3D printer texniki, virtual reallıq üzrə dizayner, rəqəmli reabilitasiya məsləhətçisi, "ağıllı" evlərin texniki, bir az da geniş götürsək, biotibb və sintetik biologiya, genetika sahələrinin mühəndisləri, biotexnologiya və neyrotexnologiya və s. istiqamətlər üzrə ixtisaslaşmış kadrlara gələcəkdə tələbat daha çox olacaq. Bütün bunları nəzərə aldıqda hazırkı dövr bizdən artan rəqabətə tab gətirmək üçün yeni strategiyalar düşünməyi tələb edir. Çünki IV sənaye inqilabı iqtisadiyyatının rəqabət qaydaları əvvəlki dövrlərin qaydalarından fərqlənir. Burada rəqabətə tab gətirmək üçün bütün formalarda innovasiyaları tətbiq etmək lazımdır".

A.Məmmədov bildirib ki, mövcud imkanları reallığa çevirmək lazımdır: "Ölkəmizin təhsil sistemində rəqəmli texnologiyaların geniş tətbiqi, IV sənaye inqilabının çağırışlarına və əmək bazarının tələblərinə cavab verən ixtisasların müəyyənləşdirilməsi və təsnifatının aparılması zəruridir. Əsasən də İKT sahəsində kadr hazırlığına, xüsusən də kompüter elmləri, informasiya təhlükəsizliyi, süni intellekt və s. üzrə daha ixtisaslı mütəxəssislərin yetişdirilməsinə xüsusi diqqət yetirməliyik. Əks halda yarana biləcək hər hansı kritik situasiyalarda daha çox əziyyət çəkəcək və inkişafın önündə deyil, "yedəyində" addımlayacağıq"

ŞƏRH YAZ
0
BAĞLA