KORONAVİRUSA YOLUXANLARIN SAYI - CANLI STATİSTİKA

Həbib Nurməhəmmədov doyunca burger və steyk yeyəcək — VİDEO

Həbib Nurməhəmmədov doyunca burger və steyk yeyəcək
09:00
09.09.2019
6348
İdman
A
UFC üzrə çempionatının qalibi, Rusiyalı döyüşçü Həbib Nurməhəmmədov sonuncu döyüşdə Puaryeni məğlub etdikdən sonra pərhizi dayandırıb.

"Ölkə.Az" bildirir ki, dmançı "Instagram" "tarixçəsində" (Stories) videoçarx yerləşdirib.

Həmin kadrlarda burger, steyk və "kartof-fri" dolu qablarla bəzədilmiş masa görüntülənir. Dastin Puarye ilə döyüşdən əvvəl Həbib bəyan etmişdi ki, qələbədən sonra doyunca yeməyi planlaşdırır. Özü də o, burger və steyk yeyəcəyini demişdi.

Nurməmmədov karyerasının 28-ci qələbəsini çalıb. O, yüngül çəki kateqoriyası üzrə ikinci dəfə çempionluq titulunu qazanıb. Son döyüş üçün Həbib 70 kiloqramadək çəki atmışdı.

Ölkə.Az
ŞƏRH YAZ
0

İlham Zəkiyev və Hacı Əliyevə yeni vəzifə verildi

İlham Zəkiyev və Hacı Əliyevə yeni vəzifə verildi
18:52
Bu gün
473
İdman
A
Azərbaycan Milli Anti-dopinq Agentliyinin (AMADA) İdmançılar Məsləhətçi Komissiyasının sədr və sədr müavini seçilib.

"Ölkə.Az" xəbər verir ki, karantin rejiminin tələbləri nəzərə alınaraq, onlayn formatda keçirilən iclasda AMADA-nın direktoru Şəfəq Hüseynli və komissiyanın bütün üzvləri iştirak edib.

İclasda çıxış edən AMADA-nın direktoru Şəfəq Hüseynli bildirib ki, idmançıların hüquqlarının daha effektiv müdafiəsi və təmiz idmanın təşviqi baxımından komissiyanın aktiv fəaliyyəti vacibdir. Bunun üçün İdmançılar Məsləhətçi Komissiyasının əsasnaməsinə uyğun olaraq ilk növbədə komissiyanın sədr və sədr müavini seçilməlidir.

Komissiya üzvləri tərəfindən sədrlik üçün cüdoçu, ikiqat paralimpiya çempionu İlham Zəkiyevin, sədr müavini vəzifəsinə isə sərbəst güləşçi, üçqat dünya çempionu, Olimpiya Oyunlarının bürünc medalçısı Hacı Əliyevin namizədliyi irəli sürülüb.

Keçirilən səsvermədə hər iki təklif yekdilliklə dəstəklənib. Beləliklə, İlham Zəkiyev İdmançılar Məsləhətçi Komissiyasının sədri, Hacı Əliyev sədr müavini seçilib.

Qeyd edək ki, İdmançılar Məsləhətçi Komissiyası yanvarın 21-də təsis olunub. 12 üzv idmançıdan ibarət komissiyanın missiyası AMADA daxilində idmançıları təmsil etmək və idmançıların hüquqlarının müdafiəsi və təmiz idmanın təşviqi ilə bağlı AMADA-ya tövsiyələr verməkdir.

ŞƏRH YAZ
0

Azərbaycan Premyer Liqasında yeni mövsümün püşkü atılacaq

Azərbaycan Premyer Liqasında yeni mövsümün püşkü atılacaq
02:47
Bu gün
444
İdman
A
Bu gün Azərbaycan Premyer Liqasında 2020/21 mövsümünün püşkü atılacaq.

"Ölkə.Az" apasport.az-a istinadən xəbər verir ki, püşkatma mərasimi AFFA-nın inzibati binasında keçiriləcək.

Klub və KİV nümayəndələri üçün qapalı olacaq tədbir saat 15:00-da başlanacaq. Püşkatma zamanı yeni mövsümün 1-ci turunda qarşılaşacaq cütlər müəyyənləşəcək.

Qeyd edək ki, 4 dövrədən ibarət olacaq 2020/21 mövsümündə Premyer Liqada 8 klub - "Qarabağ", "Neftçi", "Keşlə", "Sumqayıt", "Zirə", "Sabah", "Səbail" və "Qəbələ" mübarizə aparacaq.

ŞƏRH YAZ
0
BAĞLA