Hokkey üzrə dünya çempionatı da təxirə salındı
Mayın 8-də İsveçrədə start götürməli olan hokkey üzrə dünya çempionatı koronavirus pandemiyası ilə əlaqədar ləğv olunub.
"Report"un məlumatına görə, bununla əlaqədar Beynəlxalq Hokkey Federasiyası qərar qəbul edib. Səbəb kimi təşkilatçı ölkədə xəstəliyə yoluxanların sayının sürətlə artması göstərilib. Mundial mayın 24-dək davam etməli idi.
Hazırda dünyada hokkey turnirlərinin çoxu dayandırılıb və ya vaxtından əvvəl dayandırılıb.
COVID-19 2019-cu ilin sonlarında Çinin Uxan şəhərində qeydə alınıb. Martın 11-də Ümumdünya Səhiyyə Təşkilatı bu xəstəliyi pandemiya elan edib. Son məlumatlara əsasən, koronavirusla əlaqədar 10 mindən çox insan dünyasını dəyişib.
Ölkə.Az
