KORONAVİRUSA YOLUXANLARIN SAYI - CANLI STATİSTİKA

Türkiyənin Milli Müdafiə naziri azərbaycanlı general və heyəti qəbul etdi — VİDEO

Türkiyənin Milli Müdafiə naziri azərbaycanlı general və heyəti qəbul etdi
16:04
16.07.2020
4283
Ölkə
A
Azərbaycan Respublikası Müdafiə nazirinin müavini – Hərbi Hava Qüvvələri Komandanı Ramiz Tahirov və onu müşayiət edən heyət Türkiyənin Milli Müdafiə naziri Hulusi Akarla görüşüb.

Bu barədə “HaberGlobal” məlumat yayıb.

Türkiyə Silahlı Qüvvələrinin Baş Qərargah rəisi Yaşar Gülərlə yanaşı, Quru Qoşunları Komandanı Ümit Dündar, Hərbi Hava Qüvvələri Komandanı Hasan Küçükakyüz və Dəniz Qüvvələri Komandanı Adnan Özbalın da iştirak etdiyi görüşün əvvəlində çıxış edən H.Akar hücumlardan sonra Prezident Rəcəb Tayyib Ərdoğanın Azərbaycan Prezidenti İlham Əliyev, özünün isə azərbaycanlı həmkarı Zakir Həsənovla danışaraq, hadisələri yaxından izlədiklərini bildirib.

H.Akar baş verənlərlə bağlı lazım olan hər şeyin ediləcəyini vurğulayıb:

“Azərbaycanın Tovuz bölgəsinə təşkil edilmiş alçaqcasına hücumu şiddətlə qınayırıq. Azərbaycan türkünün ağrısı bizim ağrımızdır. Orada yaşadığının istənilən çətinliyin burada da çox dərin şəkildə hiss edildiyini hamınızın bilməsini istəyirəm”.

Türkiyənin Milli Müdafiə naziri Azərbaycan sərhədlərinin toxunulmazlığının qorunması üçün qəhrəmancasına şəhid olan hərbçilərimizə Allahdan rəhmət diləyib, yaralılara tezliklə şəfa arzulayıb:

“Azərbaycanlı qardaşlarımıza başsağlığı veririk. Şəhidlərin qanlarının yerdə qalmayacağına əmin olduğumuzu da ifadə etmək istəyirəm. Dağlıq Qarabağın heç bir əsas olmadan qanunsuz şəkildə işğalını qəbul etməyimizin mümkün olmayacağını hər platformada söylədik, söyləməyə də davam edəcəyik. Bu mövzuda azərbaycanlı qardaşlarımızın, igid insanların aparacağı mübarizədə onlarla bərabər olduğumuzu cənab prezidentimiz başda olmaqla Türkiyədə mülki-hərbçi - hər kəs ifadə edir. Bütün xalqımız bu hissləri və düşüncələri bölüşür. “İki dövlət, bir millət” olduğumuza bütün qəlbimizlə inanırıq. Dilimiz, dinimiz, tariximiz, anlayışımız birdir, bərabərdir. Kədərdə və sevincdə bir və bərabərik. Cənab Prezidentimizin ilk andan etibarən ifadə etdiyi kimi, bu, həqiqətən də ermənilərin boyunu aşan bir təşəbbüsdür. Biz də deyirik ki, bu qurduqları tələnin altında qalacaq, bu tələdə boğulacaq və mütləq etdiklərinin hesabını verəcəklər”.

Türkiyəli general ölkələrimiz arasında dostluq, qardaşlıq, birlik və bərabərliyin vacib olduğuna diqqət çəkib:

“Azərbaycanlı qardaşlarımızla istənilən hücuma qarşı bundan əvvəl necə bərabər olmuşuqsa, bundan sonra olmağa davam edəcəyik. Azərbaycanlı qardaşlarımızla bir və bərabərik, ağrılarını ürəyimizdə hiss edirik, biz Türkiyə Cümhuriyyəti, Türkiyə Silahlı Qüvvələri olaraq, nə etməliyiksə bu günə qədər olduğu kimi, bundan sonra da etməyə davam edəcəyik. Bundan heç kimin şübhəsi olmasın”.

ŞƏRH YAZ
0

Azərbaycanda yol tikintisi 20 əsrlik abidələri üzə çıxardı — VİDEO

Azərbaycanda yol tikintisi 20 əsrlik abidələri üzə çıxardı
02:51
Bu gün
120
Ölkə
A
Prezident İlham Əliyevin 31 iyul 2020-ci il tarixli sərəncamına əsasən, İsmayıllı rayonu ərazisində avtomobil yolunun tikintisinə başlanılıb.

Baku TV xəbər verir ki, yolun Kürdüvan kəndindən keçən hissəsində görülən işlər zamanı böyük daş parçaları ağır texinkanın hərəkətinə mane olub.

Ortaya çıxan tikili isə hər kəsin marağına səbəb olub. Kərpic tikililər və hörgülər tapılan tarixi abidənin əsasını təşkil edir.

Kənd sakini Əlikram İsmayılov Rayon İcra Hakimiyyətinin başçısı və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin İsmayıllı rayonu üzrə nümayəndələrinə məlumat verib. Aidiyyəti qurum üzvləri əraziyə və tarixi tapıntılara baxış keçirib.

Əraziyə ilkin baxış zamanı antik dövrə aid xeyli sayda dulusçuluq qabları və bəzək əşyaları tapılıb. Aşkarlanan maddi mədəniyyət nümunələrindən birinin üzərində ərəbcə yazıların olduğu bildirilib.

Bundan əlavə, eramızın I-III əsrlərinə aid dolça, su qabları, boşqablar və bir neçə lampa, xeyli sayda bəzək nümunələri aşkarlanıb. Eyni zamanda, ərazidən Elxanilər dövrünə aid müxtəlif pul vahidləri də tapılıb.

Rayon İcra Hakimiyyətinin başçısı əraziyə baxış keçirib, tarixi tapıntılarla yeridəcə tanış olub.

Kürdüvanın da daxil olduğu Basqal inzibati ərazi dairəsində yeddi məscidin olduğu bildirilir. Yerli sakinlərin sözlərinə görə, onlardan biri əvvəllər məhz bu ərazidə yerləşib.

Artıq nadir tapıntıların aşkarlandığı yerdə tikinti işləri dayandırılıb, oraya aparan yollar xüsusi lentlə bağlanıb. Polis əməkdaşları tərəfindən ərazinin mühafizəsi təmin edilib.

ŞƏRH YAZ
0

18 yaşlı gənc Tibb Universitetindən imtina edib, arzularının dalınca getdi — VİDEO

18 yaşlı gənc Tibb Universitetindən imtina edib, arzularının dalınca getdi
01:22
Bu gün
197
Ölkə
A
Ötən il valideynlərinin arzusu ilə 652 balla Tibb Universitetinin “Müalicə işi” fakültəsinə daxil olan 18 yaşlı Lənkəran şəhər sakini Mirənvər İsmayılov seçiminin ürəyincə olmadığını görüb.

Baku TV xəbər verir ki, bir neçə ay Tibb Univeristetinin auditoriyasında oturan gənc anidən ürəyinin səsinə qulaq asaraq, ərizə yazıb, ali məktəbdən imtina edir. 

Yenidən qəbul imtahanlarına hazırlaşmağa başlayır. Beləliklə, gənc 11-ci siniflər üçün keçirilən qəbul imtahanının birinci mərhələsində maksimum nəticə olan 300 bal toplayıb. 

O, nəinki oxuduğu məktəbin, eləcə də, respublikanın maksimum nəticə göstərən abituriyenti olub. 

Onun hədəfi isə Bakı Ali Neft Məktəbinin “İnformasiya təhlükəsizliyi” ixtisasına qəbul olmaqdır. 

Qeyd edək ki, Mirənvər İsmayılov ötən il ABŞ universitetlərinə keçirilən qəbul imtahanlarında da yüksək nəticə göstərib. Azərbaycan Tibb Univeristetinə daxil olduğu üçün orada ixtisas seçimində iştirakdan imtina edib.

ŞƏRH YAZ
0
BAĞLA