KORONAVİRUSA YOLUXANLARIN SAYI - CANLI STATİSTİKA

Hulusi Akar: “Azərbaycanlı qardaşlarımıza var gücümüzlə dəstək olmağa davam edəcəyik”

Hulusi Akar: “Azərbaycanlı qardaşlarımıza var gücümüzlə dəstək olmağa davam edəcəyik”
18:36
14.07.2020
1941
Siyasət
A
“Ermənistanın Azərbaycanın Tovuz bölgəsinə həyata keçirdiyi hücumu şiddətlə qınayırıq. Hücumu dəf edərkən şəhid olan azərbaycanlı qardaşlarımıza Allahdan rəhmət, yaralılara təcili şəfa, qardaş Azərbaycan xalqına başsağlığı diləyirik”.

“CNN Türk”ün məlumatına görə, bu sözləri Türkiyənin Milli Müdafiə naziri Hulusi Akar Azərbaycan - Ermənistan sərhədində baş verən hadisələrə münasibət bildirərkən deyib.

“Dağlıq Qarabağı qanunsuz şəkildə işğal edən və illərdir təcavüzkar mövqe nümayiş etdirən Ermənistana qarşı Azərbaycan Silahlı Qüvvələrinin yanında dayanmağa, “tək millət, iki dövlət” deyə qəbul etdiyimiz azərbaycanlı qardaşlarımıza var gücümüzlə dəstək olmağa davam edəcəyik”, - deyə Hulusi Akar bildirib.

ŞƏRH YAZ
0

“Karantin rejimindən xilas olmaq vətəndaşlardan asılıdır” — Deputat

“Karantin rejimindən xilas olmaq vətəndaşlardan asılıdır”
21:20
Bu gün
109
Siyasət
A
“Başda Azərbaycan Prezidenti İlham Əliyev və Birinci vitse-prezident Mehriban xanım Əliyevanın birbaşa rəhbərliyi altında hökumətin koronavirusa qarşı mübarizəsi istiqamətində görülən işlər öz müsbət nəticəsini verməkdədir. Son həftələrdə müşahidə edilən müsbət dinamika bunu deməyə əsas verir”.

Bunu “Ölkə.Az”a açıqlamasında  Milli Məclisin Səhiyyə komitəsinin üzvü Müşfiq Məmmədli deyib.
Millət vəkilinin sözlərinə görə, həyata keçirilən tədbirlərin nəticəsidir ki,  son bir neçə həftədə  virusdan sağalanların  sayı  yoluxanlardan kəskin surətdə fərqlənməkdədir.

“Epidemiyanın ortaya çıxdığı  ilk günlərdə virusun ölkəmizdə yayılmasının qarşısını almaq, vəziyyətdən az itki ilə çıxmaq üçün  Azərbaycan Prezidenti tərəfindən  zəruri qabaqlayıcı tədbirlər görüldü. Məhz bu tədbirlər nəticəsində virusa yoluxma vəziyyətini nəzarətdə saxlamaq mümkün oldu. Belə ki,  cənab Prezident və Birinci vitse-prezidentin bu vəziyyətdə yürütdüyü siyasətin ana xəttini insanların sağlamlığının qorunması  oldu. Ölkə başçısı da çıxışlarında bəyan etdi ki, əsas məqsədimiz insanların sağlamlığıdır. Bütün işlər də buna uyğun həyata keçirildi. Zəruri tibbi ləvazimatlar və avadanlıqlar, laboratoriyalar alınaraq qısa zamanda ölkəyə gərildi. Bu proses davam etməkdədir. Daha çox test keçirilməsini təmin etmək, müayinələrin aparılması üçün laboratoriyaların sayının 45-ə çatdırılması nəzərdə tutulur. Bundan əlavə olaraq xəstələrin yerləşdirilməsi üçün yeni tipli modul xəstəxanalar tikilməyə başladı və tikilən xəstəxanalar ən müasir texnologiyalarla təmin edildi. Xəsətxanaların tikilməsində əhəmiyyətli bir məqam ondan ibarət oldu ki, bu xəstəxanalar respublikanın ən müxtəlif bölgələrində və oradakı xəstəxanalara yaxın bir məsafədə tikildi.  Məsafənin yaxın olması isə xəstəxanalar arasında koordinasiya etmək mümkün oldu. Həm də regiondakı xəstələrin Bakı və Abşerona yox, bölgələrdə müalicəsini təmin etməyə imkan yaratdı.  
Burada digər bir xüsusi məqam ondan ibarət idi ki,  virusa yoluxanların sayının  artdığı bir zaman  mövcud xəstəxanalar xəstələri yerləşdirməyə imkan vermirdi.  Belə ki, çarpayı sayı həddən artıq az idi. Amma yeni xəstəxanaların tikilməsi hesabına  çarpayı sayı artırıldı və virusa yoluxanların  xəstəxana şəraitində müalicəsinə imkan yaratdı. Artıq 9 belə ən müasir tipli modul xəstəxanalar tikilərək istifadəyə verilib. 10-cu xəstəxana da bu günlər də istifadəyə veriləcək. Lakin iş bununla bitməyəcək. Bundan əlavə olaraq yaxın vaxtlarda hər biri 200 yerlik olan müasir modul tipli xəstəxananın ölkəyə gətirilməsi planlaşdırırlır.  
Bundan əlavə olaraq virusa yoluxan xəstələrin müalicəsi üçün ilk növbədə xarici ölkələrdə çalışan azərbaycanlı həkimlər ölkəmizə dəvət edildi. Bunun ardınca isə digər peşəkar həkimlər dəvət edildi. Bu xəstələrin müalicə etməklə yanaşı, təcrübə mübadiləsi baxımından da mühüm rol oynadı. Həkimlərimiz ən müasir texnologiyalardan işləmək istiqamətində peşəkarlıqlarını daha da artırdı.  Təcrübə mübadiləsi daha çox gələcək dönəmlərdə öz  bəhrəsini verəcək”- millət vəkili bildirib.
M. Məmmədli bildirib ki, məhz görülən bu işlər nəticəsində üzləşdiyimiz vəziyyətdən az itkilərlə çıxmaqdayıq: “Onu da qeyd edim ki, virusa qarşı mübarizədə həkimlərimizin çox böyük əməyi vardır. Həkimlərin yorulmaz və qəhrəmanlıq  fəaliyyəti nəticəsində Azərbaycanda bu xəstəlikdən ölənlərin sayı aşağı səviyyədədir. Görülən təxirəsalınmaz və zəruri tədbirlər artıq öz müsbət nəticəsini verməkdədir. Amma onu da unutmayaq ki, xəstəlik hələ də tam aradan qalxmayıb və bunun nə qədər davam edəcəyi bəlli deyil. Ona görə də biz insanların üzərinə çox böyük məsuliyyət düşür.   Hökumət karantin rejimini ləğv etmək istəyir və buna hazırdır. Amma dövlət vətəndaşın sağlamlığını düşündüyündən ehtiyat edir ki, vəziyyət yenidən pisləşə bilər, virusa yoluxma halı yenidən arta bilər.  Çünki may ayında yumşaldılma zamanı insanlarımızın məsuliyyətsizliyi, qaydalara riayət etməməsi nəticəsində virusa yoluxma  sayı yenidən kəskin artdı. Nəticədə hökumət yenidən karantin rejimini sərtləşdirmə yolunu seçdi. İndi də hökumət karantin rejimini yumşaltmaya hazırdır. Biz vətəndaşlar buna hazırıqmı? Yenidən virusa yoluxmanın artmasına imkan verməyəcəyikmi? Qaydalara riayət edəcəyikmi? Əgər yoluxma sayı yenidən artarsa hökumət yenidən məcburiyyət qarşısında qalaraq vətəndaşının sağlamlığını təmin etmək üçün sərt qaydaları  tətbiq etmək zorunda qalacaq. Odur ki, hər şey biz vətəndaşlardan asılıdır. İstəyirksə ki, yenidən normal həyat bərpa olunsun və pandemiyadan əvvəlki dönəmə qayıdaq tövsiyyələrə əməl edək.  Qısa zamanda cəmiyyət olaraq bu bəladan xilas olaq. O baxımdan da vətəndaş olaraq dövlət və cəmiyyət qarşısındakı məsuliyyətimizi dərk edib, tövsiyyələrə əməl etməliyik. Bununla həm yorucu karantin rejimindən, həm də xəstəlikdən xilas ola bilərik”.
Sosial layihələrin icrasına gəldikdə isə millət vəkili blidirib ki, ölkəmizdə çox böyük sosial layihələr həyata keçirilir və 2020-ci ildə bu layihələrin həcmi rekord həddə çatıb: “Bu məqsədlə dövlət büdcəsinə dəyişiklik də edildi. Cari ildə rekord sayda məcburi köçkün ailəsi evlərlə, mənzillərlə təmin olunacaq. Bu il bu imkandan 7 mindən çox köçkün ailəsi faydalanacaq. Ordu sıralarında qüsursuz xidmət etmiş 400-dən çox hərbçi dövlət tərəfindən pulsuz mənzillərlə təmin olunacaq.
Pandemiya dövrü olmasına baxmayaraq, bütün sosial proqramlar kimi, bu proqram da genişləndirilir. Dövlət başçısının tapşırığına əsasən 2020-ci ildə şəhid ailələri və müharibə əlillərinə rekord sayda - azı 1500 mənzil və fərdi ev verilməsi nəzərdə tutulub. Onlardan artıq 554 mənzil verilib. (təkcə son 20 gün ərzində 250 mənzil təqdim edilib). Digər mənzillər və fərdi evlər də ilin sonunadək veriləcək.  İndiyədək şəhid ailələrinə və müharibə əlillərinə 8142 mənzil və fərdi ev verilib”.

Mürtəza
Ölkə.Az

ŞƏRH YAZ
0

XİN erməni əsilli livanlıların işğal olunmuş ərazilərə köçürülməsi ilə bağlı məlumatlara münasibət bildirib

XİN erməni əsilli livanlıların işğal olunmuş ərazilərə köçürülməsi ilə bağlı məlumatlara münasibət bildirib
20:14
Bu gün
339
Siyasət
A
Xarici İşlər Nazirliyi (XİN) bəzi KİV-də Livanda baş vermiş partlayışdan sonra bu ölkədəki erməni əsilli livanlıların ölkəmizin işğal olunmuş ərazilərinə köçürülməsi ilə bağlı yayılan məlumatlara münasibət bildirib.

"Ölkə.Az" xəbər verir ki, XİN-in Mətbuat xidməti idarəsinin rəisi Leyla Abdullayeva bildirib ki, təcavüzkar Ermənistanın hərbi işğal altında saxladığı Dağlıq Qarabağ və ətraf ərazilərimizdəki qeyri-qanuni fəaliyyəti, o cümlədən qanunsuz məskunlaşdırma siyasəti Nazirlik tərəfindən beynəlxalq təşkilatlar çərçivəsində qaldırılır. 

“İlk dəfə deyil ki, Ermənistan bölgədəki vəziyyətdən öz mənfur məqsədləri üçün istifadə edərək bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır.

Ermənistan tərəfindən həyata keçirilən qanunsuz məskunlaşdırma faktı ATƏT-in faktaraşdırıcı missiyalarının hesabatlarında da qeydə alınıb. 

Əlbəttə, Ermənistanın bu əməlləri beynəlxalq humanitar hüququn, eləcə də 1949-cu il Cenevrə Konvensiyası və onun əlavə Protokollarının kobud pozulmasıdır. 

İşğalçı Ermənistanın məqsədi bu torpaqlarda ermənilərin sayını süni şəkildə artıraraq, ərazilərin etnik-mədəni xüsusiyyətlərinin dəyişdirilməsi və beləliklə də ilhaqçı siyasətin həyata keçirilməsidir. 

Azərbaycanın beynəlxalq tanınmış ərazilərində Ermənistanın qanunsuz məskunlaşdırma siyasəti ilə bağlı, o cümlədən Ermənistanın Livandakı faciədən öz qanunsuz məqsədləri üçün istifadə etmək niyyətləri ilə bağlı ciddi narazılığımız ATƏT-in Minsk Qrupunun həmsədrləri qarşısında qaldırılıb.

Ermənistan dərk etməlidir ki, bu qanunsuz fəaliyyət və süni məskunlaşdırma cəhdləri onun gözlədiyi nəticələri verməyəcək. İşğal olunmuş Dağlıq Qarabağ və ətraf ərazilərin Azərbaycanlı əhalisi öz evlərinə və mülklərinə geri qayıdacaq və işğalçı Ermənistan bütün qanunsuz əməllərinə görə cavab verəcək.

Azərbaycanın işğal olunmuş ərazilərində Ermənistanın məqsədyönlü məskunlaşdırma siyasətinə son qoyulması tələbimiz bundan sonra da beynəlxalq birlik qarşısında qəti şəkildə qaldırılacaq”, - deyə XİN rəsmisi vurğulayıb.

ŞƏRH YAZ
0
BAĞLA