KORONAVİRUSA YOLUXANLARIN SAYI - CANLI STATİSTİKA

İnternetin zəifliyi nə ilə əlaqədardır? — KATV1-dən AÇIQLAMA

İnternetin zəifliyi nə ilə əlaqədardır?
12:24
10.07.2020
5473
Ölkə
A
“COVID-19-u məğlub etmək üçün evdə qalırıq. Televiziya və internet xidmətləri bizə dəstək olur, lakin bu da həddən artıq yüklənməyə səbəb olur”.

Bu sözlər dünən axşam saatlarında yaranmış internet problemi ilə bağlı KATV1-in yaydığı məlumatda yer alıb. 

Bildirilib ki, koronavirusun internetə təsiri barədə uzunmüddətli proqnozlar vermək hələ tezdir, lakin videoxidmətlərin aktiv istifadəsi artıq ilk problemlərə səbəb oldu. 

“Karantin günlərində trafik quruluşu çox dəyişib və şirkət internetin həcmini 40 faiz artıraraq, trafik artımına hazırlaşıb. Lakin iyulun 9-da rekord sayda yüklənmə qeydə alınıb - 53 faiz, bu, bəzi istifadəçilərimizin internetə çıxışı üçün problemlər yaratdı. 

Şirkət artıq avadanlıqların həddən artıq yüklənməsi zamanı gələcək problemlərin qarşısını almağa imkan verən tədbirlər görüb. Anlamaq lazımdır ki, ölkənin xarici və daxili trafiki internetin sürətinə və keyfiyyətinə də təsir göstərir.

Serverləri digər ölkələrdə olan xarici saytlar və tətbiqetmələr xarici trafik hesab olunur və onlara daxil olduqda ölkə daxilində internet şəbəkələri məhdud ötürmə qabiliyyətinə malikdir. 

Bir çox istifadəçimiz koronavirusun yayılması səbəbiylə evdən işləyir. Ofis işi internetin aktiv istifadəsini də əhatə edir, lakin karantin ona yanaşmanı xeyli dəyişdirdi. 

Məsələn, əvvəllər iş otaqlarında keçirilən görüşlər indi onlayn konfranslara çevrilib. Uşaqların təlimləri də internet üzərindən keçirilir. Xarici trafikin miqdarı artarsa, məlumat paketini ötürmək və almaq üçün daha çox vaxt və trafik lazımdır. Eyni problem “Zoom” videokonfransının istifadəçiləri arasında da müşahidə olunur. 

Koronavirusa görə evə qalan insanlar onlayn oyunları aktiv oynayır, internetdə filmə baxır və xəbərləri izləyirlər.

Azərbaycanda ümumi internet istehlakı 22 faiz artdı, lakin eyni zamanda ofis və mobil internet trafiki azaldı, çünki çoxları evdə internetdən (Wi-Fi) istifadə edir”.

ŞƏRH YAZ
0

Məcburi köçkünlərin yaşadığı ərazidə sürüşmə baş verib

Məcburi köçkünlərin yaşadığı ərazidə sürüşmə baş verib
19:18
Bu gün
43
Ölkə
A
Avqustun 8-də Mingəçevir şəhərindəki keçmiş turist bazasında (Turbaza), məcburi köçkünlərin müvəqqəti məskunlaşdığı ərazidə torpaq sürüşməsi baş verib.

''Ölkə.Az'' report-a istinadən xəbər verir ki, Qaçqınların və Məcburi Köçkünlərin İşləri üzrə Dövlət Komitəsindən verilən məlumata görə, Dövlət Komitəsinin nümayəndələri hadisə yerində olublar.

Hadisə nəticəsində ikisi Ağdam, biri Kəlbəcər rayonundan olmaqla 3 məcburi köçkün ailəsinin müvəqqəti yaşayış yerinə ziyan dəyib. Dövlət Komitəsi həmin yaşayış yerlərində qısa müddətdə zəruri təmir-bərpa işləri aparacaq.

Mingəçevir şəhərindəki “Turbaza” adlanan ərazidə 50-yə yaxın məcburi köçkün ailəsi yaşayır. Bu ailələrin əksəriyyəti Ağdam və Kəlbəcər rayonlarından olan məcburi köçkünlərdir. Onların yeni yaşayış sahələrinə köçürülməsi məsələsinə bölgədə məcburi köçkünlər üçün gələcəkdə yeni qəsəbələr salınarkən mövcud qaydalar çərçivəsində baxılacaqdır. 

Xatırladaq ki, indiyədək Mingəçevirdə 2004-cü ildə 412 ailəlik “Yeni həyat” qəsəbəsi, 2013-cü ildə 504 ailəlik qəsəbə, 2015-ci ildə 594 mənzilli ümumilikdə 1510 ailəlik üç qəsəbə istifadəyə verilib. 

Azərbaycan Respublikası Prezidentinin 2004-cü il 1 iyul tarixli 298 nömrəli Sərəncamı ilə təsdiq edilmiş “Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı” və Bakı şəhəri ərazisində məskunlaşmış məcburi köçkünlərin mənzil-məişət şəraitinin yaxşılaşdırılması üzrə Tədbirlər Planı – Yol xəritəsinə uyğun olaraq, məcburi köçkünlər üçün yeni yaşayış sahələri inşa edilir. 2020-ci ildə 7 mindən çox məcburi köçkün ailəsinin mənzil-məişət şəraiti yaxşılaşdırılması nəzərdə tutulub.

Ölkə.Az

ŞƏRH YAZ
0

Təhsil Nazirliyindən modul tipli məktəblərlə bağlı VACİB AÇIQLAMA

Təhsil Nazirliyindən modul tipli məktəblərlə bağlı VACİB AÇIQLAMA
19:05
Bu gün
80
Ölkə
A
Prezident İlham Əliyevin müvafiq sərəncamları ilə 2016-2019-cu illərdə ölkəmizin 45 bölgəsində ümumilikdə 293 modul tipli məktəb quraşdırılıb. 2020-ci ilin sonuna kimi daha 60 modul tipli məktəb istifadəyə veriləcək.

''Ölkə.Az'' xəbər verir ki, bununla bağlı Təhsil Nazirliyi məlumat yayıb. Bildirilib ki, dövlət başçısının 8 avqust 2020-ci il tarixli “Azərbaycan Respublikasında təhsil infrastrukturunun inkişafı ilə əlaqədar əlavə tədbirlər haqqında” sərəncamına əsasən, 13 rayonda daha 26 modul tipli məktəbin  quraşdırılması nəzərdə tutulub:

“Sərəncama əsasən, Təhsil Nazirliyinə bunun üçün yeddi milyon manat vəsait ayrılıb.

Modul tipli məktəblərin quraşdırılması ilə bölgələrdə, xüsusilə ucqar kəndlərdə qəzalı və istismar müddəti başa çatmış məktəb problemi tamamilə həll olunacaq”.

Ölkə.Az

ŞƏRH YAZ
0
BAĞLA