KORONAVİRUSA YOLUXANLARIN SAYI - CANLI STATİSTİKA

İran dünyanın ən böyük alış-veriş mərkəzini xəstəxanaya çevirdi — FOTO

İran dünyanın ən böyük alış-veriş mərkəzini xəstəxanaya çevirdi
01:58
27.03.2020
1268
Dünya
A
Qlobal pandemiya adlandırılan “COVİD-19”dan ən çox zərər görən ölkələrdən biri olan İran Tehranda yerləşən dünyanın ən böyük alış-veriş mərkəzini xəstəxanaya çevirib.

"Ölkə.Az" qafqazinfo-ya istinadən xəbər verir ki, İran dövlət televiziyasında yer alan açıqlamaya görə, koronavirusa yoluxanların müalicəsi üçün dövlət  “İran Mall”u bir müddətlik xəstəxana kimi istifadə edəcək. 

Tehranın qərb hissəsində yerləşən mərkəzə 3 min çarpayı yerləşdirilib. 

Qeyd edək ki, İranda virusun qarşısını almaq üçün karantin müddətində iri ticarət mərkəzləri bağlanılıb. Son nəticələrə əsasən, ölkədə 27,017 nəfər virusa yoluxub, 2077 nəfər isə həyatını itirib.






ŞƏRH YAZ
0

Türkiyədə koronavirus dəhşəti davam edir — 1815 yeni yoluxma, 23 yeni ölüm

Türkiyədə koronavirus dəhşəti davam edir
21:59
Bu gün
67
Dünya
A
Türkiyədə yeni növ koronavirusdan (COVID-19) ölənlərin sayı artıb.

"Ölkə.Az" xəbər verir ki, bu barədə ölkənin Səhiyyə naziri Fahrettin Koca açıqlama verib.  

“Twitter”də paylaşım edən nazir bildirib ki, son sutka ərzində ölkədə 23 nəfər bu xəstəlikdən ölüb. Beləliklə, ümumi ölənlərin sayı 131 olub. 

9982 nəfər koronavirus şübhəsi ilə testdən keçib, onlardan 1815-nin cavabı pozitiv çıxıb. Bununla da Türkiyədə koronavirusa yoluxanların sayı 9217-ə çatıb. 

Ölkədə indiyədək yoluxanlardan 568 xəstə ağır vəziyyətdədir, 105 xəstə isə sağalıb. oxu.az

Resim

ŞƏRH YAZ
0

“Bayıra çıxanda icazə kağızı almalıyıq” — Fransada təhsil alan azərbaycanlı tələbə

“Bayıra çıxanda icazə kağızı almalıyıq”
18:41
Bu gün
708
Dünya
A
“Bildiyiniz kimi, Fransa koronavirus baxımından qırmızı zonadadır. Evdən bayıra çıxmaq haqqımız yoxdur. Yalnız qısa müddətə səbəb göstərməklə bayıra çıxa bilərik. İndi maksimum bir saatlığa çıxmaq olar. Yaşayış yerindən maksimum bir km məsafəyə kimi getmək mümkündür. Bayıra çıxanda da yazılı icazə kağızı almalıyıq. Orada tarix, saat və imza göstərilməlidir. Açığı, mən 16 gündür ki, evdəyəm. Ancaq divarlar “üstümə gəldiyindən”, bu müddətdə cəmi bir saatlığa evdən çıxmışam”.

"Ölkə.Az" bildirir ki, bunu oxu.az-a Parisdə “Xəzər Araşdırma Mərkəzi”nin (Caspian Research Center) prezidenti, Fransanın Sorbon Universitetinin tələbəsi Adelya Naibova deyib. O, koronavirus səbəbindən Fransada olan durumu çatdırıb:

“Fransada ailəmlə – anam, atam, bacım və qardaşımla bir evdə yaşayıram. Yalnız valideynlərim evə ərzaq almaq üçün bayıra çıxır. Onda da böyük miqdarda ərzaq almağa çalışırlar ki, tez-tez bayıra çıxmalı olmasınlar. Nənəm də Parisdə yaşayır. Onun öz evi var. Koronavirus geniş yayıldıqdan sonra ona evdən çıxmamağı tapşırmışıq. Amma anam bir neçə gündən bir ona bazarlıq alıb aparır. Dərslərimizi evdən distant üsulla keçirik. İnternetin sayəsində işlərimizi rahatlıqla apara bilirik. Evdə otursaq da, xalq arasında həmrəylik hiss edirəm. Hər axşam saat 8-də bütün qonşular balkonlara çıxıb tibb işçilərini alqışlayır. Hamımız bir-birimizə uzaqdan da olsa, dəstək olmağa çalışırıq”. 

O bildirib ki, hazırda Fransada Azərbaycandan heç kim koronavirus səbəbindən dünyasını dəyişməyib:

“Mənim kimi Fransa vətəndaşlığı olan və ya oturum izni almış azərbaycanlılar da evdə qalmağa üstünlük verir. Amma burada oxuyan Azərbaycan vətəndaşı olan tələbələr Fransadakı səfirliyimizə müraciət edərək Bakıya aparacaq təyyarə təyin olunmasını gözləyirlər. 30 nəfərə yaxın türkəsilli insan Fransada koronavirus səbəbindən həyatını itirib. Şükür Allaha, hələ ki heç bir azərbaycanlı dünyasını dəyişməyib. Bildiyiniz kimi, Azərbaycanın Dostları Assosiasiyasının baş katibi Mirvari Fətəliyeva koronavirusa yoluxub”.

ŞƏRH YAZ
0
BAĞLA