KORONAVİRUSA YOLUXANLARIN SAYI - CANLI STATİSTİKA

İşçini işdən çıxaranlar cəzalandırılacaq — İşəgötürənlərə xəbərdarlıq - VİDEO

İşçini işdən çıxaranlar cəzalandırılacaq
09:28
28.05.2020
2793
Ölkə
A
Koronavirusa görə əməkdaşlarını işdən çıxaran işəgötürənlər cəzalandırılacaq. Dövlət Əmək Müfəttişliyi Xidməti pandemiya ilə əlaqədar elan olunmuş karantin dövründə “Əmək müqaviləsi bildirişi” altsistemi üzərindən gündəlik nəzarət həyata keçirir.

Mövzu ilə bağlı ARB TV-nin “Günə Doğru” proqramında süjet yayımlanıb.

Mehman Abdullayev – Əmək Müfəttişliyinin əməkdaşı: “Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti pandemiya ilə əlaqədar olaraq elan olunmuş karantin dövründə əmək müqaviləsi bildirişləri alt sistemini mütəmadi nəzarətdə saxlayır. Məqsəd qanunsuz olaraq işçilərin əmək müqaviləsinə xitam verilməsinin qanunsuz ixtisarların aparılmasının qarşısının alınmasıdır”.

Bununla bağlı Xidmət altsistem vasitəsilə dəfələrlə işəgötürənlərə izahat, məlumat, xəbərdarlıq və tövsiyə xarakterli ismarıclar, bildirişlər göndərsə də, hələ də işəgötürənlər tərəfindən müəyyən qanun pozuntuları müşahidə edilir. Ekspertlər bildirir ki, ixtisar aparmaq üçün mütləq əvvəlcədən işəgötürənin əsaslandırılmış əmri olmalı, əmək məcəlləsinin 77-ci maddəsinə əsasən əvvəlcədən işçiyə xəbərdarlıq edilməlidir. Və ancaq bundan sonra lazımi təminatlara əməl etməklə ixtisarlar aparıla bilər.

Mais Əliyev – Sosial Hüquqların Araşdırılması Birliyinin sədri: “Çox təəssüflər  olsun ki, bizə edilmiş müraciətlərdə sadəcə olaraq adi bir xəbərdarlıq məktubu göndərilir. Məktubda qeyd edilir ki, ayın neçəsindən sizin ştatınız ixtisar oluanacq, lakin hansı səbəbdən, hansı obyeltiv əsaslardan olduğu məlum deyil”.

Bununla yanaşı toplanmış materiallar göstərir ki, bu günlərdə bir neçə işəgötürənlər tərəfindən yeni əmək müqaviləsi açılıb və bir neçə gün sonra həmin müqaviləyə xitam verilib.

Həsənova İlhamə - Hüquqşünas: “O tipli əmək müqavilələrinin bağlanmasının məqsədi yalnız ondan ibarət olub ki, həmin şəxslərin ölkə ərazisində hərəkət sərbəstliyi təmin olunsun”.

Bununla yanaşı müşahidələr onu göstərir ki, işəgötürənlər pandemiya şəraitində məcburi məzuniyyətdə olan işçilərə yenidən məzuniyyət vermək istəmir.

Mais Əliyev – Sosial Hüquqların Araşdırılması Birliyinin sədri: “Və məndə olan məlumata görə artıq işə götürənlər həmin işçilərin ərizələrini dəyişdirib sanki onların növbəti məzuniyyəti kimi karantin dövründə verdikləri məzuniyyəti növbəti məzuniyyət kimi rəsmiləşdirməyə başlayıblar. Təbii ki, buda düzgün deyil”.

Həsənova İlhamə - Hüquqşünas: “Məsələn, əgər bir işçi müəyyən bir məzuniyyətə gedirsə və yaxud xəstəliklə bağlı işə çıxa bilmirsə lakin onu hansısa bir işçi əvəz etməlidirsə bu halda əgər həmin hallar mövcud olmadan bir əmək müqaviləsi bağlanırsa bir həfətlik, yaxud 10 günlük artıq bu özü də kütləvi hal alırsa təbiiki, bu əmək qanunvericiliyinin müddəalarının  pozulması kimi qiymətləndirilməlidir”.

Mehman Abdullayev – Əmək Müfəttişliyi Xidmətinin əməkdaşı: “Həmin işəgötürənlərə məktublar ünvanlanmışdır aidiyyətı üzrə həmin xitamın əsaslandırılması üzrə bu cür  hallardan sui istifadə edən işəgötürənlər barəsində toplanmış materiallar hüquqi qiymət verilməsi üçün hüquq mühafizə orqanlarına göndərilir”.

Dövlət Əmək Müfəttişliyi Xidməti bir daha bütün işəgötürənlərə xəbərdarlıq edir ki, mövcud şəraitdən sui-istifadə edərək qanun pozuntusuna yol verən, “Əmək müqaviləsi bildirişi” altsisteminə yanlış məlumat daxil edən işəgötürənlərlə bağlı qanunvericiliyə uyğun məsuliyyət tədbirləri görüləcək.

ŞƏRH YAZ
0

Bu günün hava proqnozu

Bu günün hava proqnozu
06:00
Bu gün
4765
Ölkə
A
Azərbaycanda bu günə gözlənilən hava şəraiti açıqlanıb.

Milli Hidrometeorologiya Xidmətindən "Ölkə.Az"-a verilən məlumata görə, 12 iyulda Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə yağış yağacağı gözlənilir. Mülayim şimal küləyi gündüz cənub küləyi ilə əvəz olunacaq.

Havanın temperaturu Abşeron yarımadasında gecə 21-24, gündüz 29-34, Bakıda gecə 21-23, gündüz 32-34 dərəcə isti olacaq. Atmosfer təzyiqi normadan aşağı 758 mm civə sütunundan 754 mm civə sütununa enəcək, nisbi rütubət 60-70 faiz təşkil edəcək.

Abşeron çimərliklərində mülayim şimal küləyi gündüz cənub küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 23-24, Türkan, Hövsan, Sahil, Şıxda isə 24-25 dərəcə isti olacaq.

12 iyulda Azərbaycanın rayonlarında gecə və səhər şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu  düşəcəyi, gündüz əksər rayonlarda yağışın tədricən kəsiləcəyi gözlənilir. Qərb küləyi bəzi yerlərdə arabir güclənəcək. Havanın temperaturu  gecə 19-24, gündüz  30-35, dağlarda gecə 9-14, gündüz 17-22 dərəcə isti olacaq.

Ölkə.Az

ŞƏRH YAZ
0

Marketlərdə yoxlanış aparıldı — Tələbləri pozanlar aşkarlandı

Marketlərdə yoxlanış aparıldı
03:55
Bu gün
2122
Ölkə
A
Sahibkarlıq subyektlərində monitorinqlər davam edir.

"Ölkə.Az" İqtisadiyyat Nazirliyinə istinadən xəbər verir ki, xüsusi karantin, zəruri sosial davranış qaydaları və sanitar-epidemioloji tələblərə əməl edilməsinə nəzarətin gücləndirilməsi məqsədilə iyulun 10-da keçirdiyi monitorinqlərdə Yasamal rayonunda “Uğur market”də, “City market”də, “Ukrayna məhsulları” mağazalarında, “İstanbul dönər”də, Səbail rayonunda “Asian Street Food” ictimai-iaşə obyektində, "Dokta" MMC-yə məxsus aptekdə, Natiq Kələntərova məxsus “Min bir xırdavat” mağazasında, Nizami rayonunda “Nağıl market”də, “Hermes market”də, “Oba market”də, Əbülfət Səfərova məxsus ərzaq mağazasında, Sabunçu rayonunda “Lyüks tikinti materialları mağazası”nda, “Real inşaat mağaza”da, “24 saat market”də, “Seyid ərzaq mağazası”nda, Nərimanov rayonunda Elnur Səlimova məxsus ərzaq mağazasında, Arif Həsənova məxsus “Şərab evi”ndə, Xətai rayonunda "Magic Powder" MMC-yə məxsus mağazada, Suraxanı rayonunda İsmayıl Cabbarlıya və Təranə İbrahimovaya məxsus ərzaq mağazalarında, Binəqədi rayonunda Sehran Qasımova məxsus telefon mağazasında, Mirəsgər Mehdizadəyə məxsus aptekdə, Qaradağ rayonunda Mirheydər Həsənova və Səbirə Nəcəfovaya məxsus mağazalarda, Xəzər rayonunda “Araz market”də, “Oba market”də, “Everest market”də, Nəsimi rayonunda “İstanbul Mall”da, Sirac Əhmədova məxsus telefon mağazasında, Ağsu rayonunda Müşfiq Ədilova və Kifayət Qədimovaya məxsus geyim mağazalarında, “Kafe Amir”də, Lənkəran rayonunda Ruslan Mirzəyevə məxsus “İnşaat malları mağazası”nda, Amil Nuriyevə və Müşfiq Qasımova məxsus mağazalarda, Balakən rayonunda “Damla uşaq geyimləri mağazası”nda, Füzuli rayonunda Coşqun Əsədova məxsus “Min bir xırdavat” mağazasında, Tuğay Bayramova məxsus ictimai-iaşə obyektində, Yevlax rayonunda “Halal market”də, “Aptek Zeytun”da, Qusar rayonunda "Antalya”, "555 Elektroniks" mağazalarında, "Estetik" gözəllik salonunda, ümumilikdə, monitorinq aparılmış 631 obyektin 213-də zəruri sosial davranış qaydalarına və sanitar-epidemioloji tələblərə əməl olunmaması hallarına rast gəlinib.

Nazirliyin əməkdaşları nəzarət tədbirləri zamanı xidmət personalının və istehlakçıların qoruyucu vasitələrdən istifadəsinin, sosial məsafənin gözlənilməsinin, marketlərə istehlakçıların məhdudiyyətli girişinin, ticarət obyektinin dezinfeksiyaedici vasitələrlə təmin olunmasının zəruriliyi bir daha sahibkarların diqqətinə çatdırıblar və tələblərin pozulması hallarına yol veriləcəyi halda, ciddi tədbirlərin görüləcəyi barədə məlumatlandırıblar.

Məlum olduğu kimi, Azərbaycan Respublikası Prezidentinin 3 iyul 2020-ci il tarixli Fərmanı ilə İqtisadiyyat Nazirliyi yanında Dövlət Vergi Xidmətinin Əsasnaməsinə dəyişiklik edilərək, sahibkarlıq fəaliyyəti subyektləri və onların vəzifəli şəxsləri tərəfindən epidemiya əleyhinə rejimin, sanitariya-gigiyena və karantin rejimlərinin tələblərinə əməl edilməsinə nəzarəti həyata keçirmək kimi əlavə səlahiyyətlər verilib.

İyulun 10-da nəzarət tədbirləri keçirilmiş obyektlərin 94-də epidemiya əleyhinə rejimin, sanitariya-gigiyena tələblərinin pozulduğu müəyyən edilib və nöqsana yol vermiş vergi ödəyiciləri barədə Inzibati Xətalar Məcəlləsinin 211.1 və 211.2-ci maddələri ilə protokollar tərtib olunub.

Qeyd edək ki, mayın 22-dən iyulun 11-dək monitorinq aparılmış 14262 sahibkarlıq subyektindən 6472-də zəruri sosial davranış qaydaları və sanitar-epidemioloji tələblərin pozulması halları aşkarlanıb.

Ölkə.Az

ŞƏRH YAZ
0
BAĞLA