KORONAVİRUSA YOLUXANLARIN SAYI - CANLI STATİSTİKA

İtaliyada koronavirusdan ölüm həddinin yüksək olmasının səbəbi açıqlanıb

İtaliyada koronavirusdan ölüm həddinin yüksək olmasının səbəbi açıqlanıb
14:04
23.03.2020
3253
Dünya
A
İtaliyada koronavirusa yoluxan xəstələrin ölüm səviyyəsinin yüksək olması əhalinin əksər hissəsinin yaşlı nəslin nümayəndələri olması və testin yalnız aşkar simptomları olan şəxslərdə aparılması ilə əlaqədardır.

“Ölkə.Az” Report-a istinadən xəbər verir ki, bu barədə İtaliyanın “Corriere della Sera” qəzeti qeyd edib.

 İtaliyada ölüm sayı Çindən, həmçinin İran və Cənubi Koreyanın birlikdə göstəricisindən yüksəkdir.

Gündəlik dərc edilən məlumatlara əsasən, İtaliyada ölüm nisbəti 9% (şimaldakı Lombardiya vilayətində 12%), Çində isə 3,8% (5,8% Uhanda, 0,7% isə ölkənin digər ərazilərində) təşkil edir.

“Corriere della Sera” qəzetinin qənatincə, bu rəqəmlər həqiqi yoluxma dərəcəsinin miqyasını əks etdirmir, çünki epidemiyanın artması ilə İtaliya test aparılması strategiyasını dəyişdirdi. Fevralın 21-dən sonra Lombardiya vilayətinin balaca şəhəri Kodonioda ilk yoluxma hallarının  aşkar edilməsinin ardınca  yoluxmuş şəxslərlə təmasda olan hər kəs testdən keçirilirdi.

Lakin yoluxma sayının artması, eyni zamanda ləvazimat və heyətin çatışmamasına görə, yalnız daha aşkar və kifayət qədər ağır simptomlar müşahidə olunan insanlarda test aparılması barədə qərar qəbul edildi.

Nəhayət, nəşr qeyd edib ki, daha çox tənəffüs yollarına təsir edən bu xəstəlikdən ölüm sayının çox olması əhalinin ağ ciyərləri ilə bağlı ümumi vəziyyəti əks etdirir. Bununla əlaqədar, atmosferə atılan zərərli hissəciklərin miqdarının əhəmiyyətli dərəcədə yüksək olduğu İtaliyanın şimalındakı böyük şəhərlərdə son illərdəki əlverişsiz ekoloji vəziyyət göstərilə bilər.

Bundan başqa, ekspertlər müəyyən ediblər ki, daha ağır vəziyətlərdə xəstələr tez-tez siqaret çəkənlərdir.

Ölkə.Az

ŞƏRH YAZ
0

Daha bir ölkədə koronavirusdan ilk ölüm faktı qeydə alındı

Daha bir ölkədə koronavirusdan ilk ölüm faktı qeydə alındı
15:10
Bu gün
1356
Dünya
A
Latviyada koronavirusdan ilk ölüm faktı qeydə alınıb.

"Ölkə.Az" oxu.az-a istinadən xəbər verir ki, bu barədə Latviya televiziyası məlumat verib.

Ölkədə yoluxma hallarının ümumi sayı 493-ə çatıb. Yoluxanlardan üç nəfərin vəziyyətinin ağır olduğu bildirilir.

Ölkə.Az

ŞƏRH YAZ
0

Yaşlı kişi ispan qripi haqqında ən dəhşətli xatirələrini danışdı

Yaşlı kişi ispan qripi haqqında ən dəhşətli xatirələrini danışdı
14:51
Bu gün
1334
Dünya
A
1918-1920-ci illər arasında 50 milyon insanın ölümünə səbəb olan İspan qripi faciəsinə şahid olmuş yaşlı adam xatirələrini bölüşüb.

''Ölkə.Az'' xəbər verir ki, 1918-ci ildə dünyaya yayılan ispan qripi virusuna 500 milyon insan yoluxub və 50 milyon insan həyatını itirib. Həmin illərdə xəstəlikdən ölənlərin sayı birinci dünya müharibəsində ölənlərin sayəndan çox idi. Həmin illərdə dünyada baş verən faciəyə şahid olmuş yaşlı şəxs həmin günlərini belə xatırlayır. 

''İspan qripi yayılan illərdə səhər saat 6 da bir nəfər qapını döyüb ''Anamı itirmişəm'' dedi və ''Cənazə mərasimini siz təşkil edə bilərsiniz?'' sualını verdi. Həmin gün hava qaralana kimi həmin ailənin bütün üzvləri həyatını itirdi. Mən də virusa yoluxmuşdum lakin çox yaxşı həkimimiz var idi və məni sağaltdı. Virusa yoluxan insanın yüksək temperaturu olurdu və çox keçmədən həyatını itirirdi. Hər kəs bir nəfər kimi maska taxırdı və bütün işlər demək olar ki dayandırılmışdı. Kilsələr bağlı idi. Çünki virusun yayılmaması üçün insanlar bir-birlərində uzaq dayanmalı idilər. Xəstəliyə yoluxmayan insanların o dərəcədə kədərli xatirələri var idi ki, tamamilə susqunluğa bürünmüşdülər. Və həmin illərdə insanlar sadəcə olaraq normal həyatlarına davam etmək istəyirdilər''.

Ölkə.Az

ŞƏRH YAZ
0
BAĞLA