KORONAVİRUSA YOLUXANLARIN SAYI - CANLI STATİSTİKA

Kalsium, maqnezium, sink — Orqanizm üçün faydaları

Kalsium, maqnezium, sink
02:50
28.05.2020
3762
Maraqlı
A

Kalsium, maqnezium və sink orqanizmdəki bir çox proses üçün vacib olan 3 mineraldır.

Son zamanlar kalsium-maqnezium-sink qarışığı olan mineral əlavələr sümüklərini bərkitmək istəyən, ümumilikdə isə sağlamlığına önəm verən insanlar tərəfindən daha çox istifadə olunur.

Kalsium, maqnezium və sinkin faydaları

Kalsium sümüklərdəki mineral ehtiyatlarının 99%-dən çoxunu təşkil edən əsas elementdir. Davamlı olaraq sümük toxumalarını bərpa edir. Buna görə də yetərli kalsium qəbuluna hər gün diqqət etməliyik.
Sink də sümük bərpasına kömək edir və sümüyün məhv olmasına təsir edən hüceyrələrin meydana gəlməsinin qarşısını alır.

Nəhayət, maqnezium D vitamininin aktiv formaya çevrilməsində əsas rol oynayır. Bu da orqanizmdə kalsiumun yaranmasına kömək edir.

Maqnezium və sink beyindaxili proseslər üçün əsas elementlərdir

14.800-dən çox insan arasında aparılan araşdırma zamanı müəyyən olunub ki, maqnezium qəbul etmək depressiyaya meylli insanlarda narahatlıq hissini azalda bilir. Bu insanların maqnezium qəbul etməyənlərlə müqayisədə depressiyaya məruz qalma ehtimalı 26% daha azdır. 

Maqnezium və sink immun sistemini gücləndirir və iltihabı prosesləri azaldır. İltihab normal orqanizmdə immun sisteminə lazımlı "cavab" olsa da, xroniki hal alması sağlamlığa zərər verir, xərçəng və ürək xəstəlikləri başda olmaqla, bir sıra xəstəliklərin inkişafına təkan verir.

Maqnezium qəbulu, C-reaktiv protein (CRP) və interleukin 6 (IL-6) kimi xroniki iltihabın dərəcəsini azaldır.

Sink bir çox immun hüceyrənin inkişafı və fəaliyyətində mühüm rol oynayır. Bu mineralın qəbul edilməsi infeksiyalarla mübarizəyə və yaraların sağalmasına kömək edir.

Maqnezium və sink qan şəkərini tənzimləyir

1360-dan çox diabetli insanın iştirak etdiyi tədqiqatın təhlilləri göstərir ki, sink əlavəsi HbA1c səviyyəsini metforminlə eyni dərəcədə azaldır. Bundan əlavə, maqnezium diabetli insanlarda qan şəkərini normaya salmağa kömək edir, bədənin insulin dirəncini artırır.

Maqnezium və sink yuxu keyfiyyətini yaxşılaşdırır

Tədqiqatlar göstərir ki, maqnezium sinir sistemini stimullaşdırır, bu da insanın özünü sakit və rahat hiss etməsinə kömək edir.

Bundan əlavə, insan və heyvanlar üzərində aparılan tədqiqatlar sink əlavələrinin də yuxu keyfiyyətini yaxşılaşdırdığını sübut edib.

ŞƏRH YAZ
0

Kimlərə yemiş yemək olmaz?

Kimlərə yemiş yemək olmaz?
07:05
Bu gün
746
Maraqlı
A
Şəkər xəstəsi, kəskin xora xəstəliyi, həmçinin hamilə və uşaq əmizdirən qadınlara yemiş yemək tövsiyə olunmur.

"Ölkə.Az" bildirir ki, bunu Rusiya İstehlakçı hüquqlarının müdafiəsi və insan rifahına nəzarət üzrə Federal Xidməti (“Rospotrebnadzor”) açıqlayıb.

Mütəxəssislərin sözlərinə görə, yemiş ağır məhsul hesab olunur. Onunla əsas yemək qəbulları arasında qidalanmaq daha məqsədəuyğundur, lakin acqarına və ya yeməkdən dərhal sonra yemək məsləhət görülmür.

Qeyd olunub ki, yemişin əsas zərərli maddələri onun qabığındadır.

Mütəxəssislər həmçinin yemişi su, turşudulmuş süd məhsulları, süd və alkoqol ilə istehlak etməyi tövsiyə etmirlər, çünki bu, mədə pozuntusuna gətirib çıxara bilər.

Bildirilib ki, ən keyfiyyətli yemişlər avqustun sonu – sentyabrın əvvəli yetişir.

ŞƏRH YAZ
0

Yeməyi bu yağla qızartmayın

Yeməyi bu yağla qızartmayın
21:47
06.08.2020
1548
Maraqlı
A
Yeməklərin qızardılması üçün kərə yağını istifadə etməmək məsləhət görülür.

"Ölkə.Az" “Sputnik”ə istinadən xəbər verir ki, tövsiyəni həkim-dietoloq İrina Berejnaya verib.

Ekspert quru tava və ya qrildən istifadə etməyi də tövsiyə edir.

“Təzə kərə yağı məqbul miqdarda təhlükəsizdir. Həmçinin xolesterinin maddələr mübadiləsinə mənfi təsir göstərmədiyi də məlum olub”, - dietoloq vurğulayıb.

Bununla belə, İ.Berejnayanın sözlərinə görə, 70 dərəcədən artıq istilikdə sərbəst radikallar ortaya çıxa bilər. Onlar uzunmüddətli istifadədə onkoloji xəstəliyə yol aça bilər.

Mütəxəssis bildirib ki, xörəklərin hazırlanmasında donuz yağından da yararlanmaq olar, ancaq bununla belə, ən yaxşı seçim deyil.

“Uzunmüddətli istifadə və yüksək hərarət zamanı kalorilik artacaq və müvafiq olaraq həmin sərbəst radikallar ortaya çıxa bilər. Bununla belə, azad radikallar kərə yağından daha az miqdarda olacaq”, - o əlavə edib.

ŞƏRH YAZ
0
BAĞLA