KORONAVİRUSA YOLUXANLARIN SAYI - CANLI STATİSTİKA

Karantin günlərində Bakıda məşhur restoranda qonaqlıq baha başa gəldi — VİDEO

Karantin günlərində Bakıda məşhur restoranda qonaqlıq baha başa gəldi
13:04
04.07.2020
4571
Ölkə
A
Bakıda karantin rejimini pozan daha bir restoran aşkarlanıb.

“Real” TV xəbər verir ki, Yasamal Rayon Polis İdarəsinin 28-ci Polis Bölməsinin əməkdaşları daxil olan məlumatı yoxlamaq üçün getdikləri “Kaktus” restoranında qonaqlıqla qarşılaşıblar.

Məlum olub ki, restoranın sahibi Cavad Cavadov karantin qadağalarına məhəl qoymadan yeyib-içən dostlarını yanına dəvət edib. Əvvəlcə çay qonaqlığı ilə başlayan məclisə yenicə yeməklər gəlirmiş ki, polis əməkdaşları qonaqlığı yarımçıq qoyublar.

Restoran sahibi bir müddət dostlarından ayrı qala bilər. Çünki onun barəsində materiallar inzibati cəza təyin edilməsi üçün məhkəməyə göndərilib və onun əməli inzibati həbslə də cəzalandırıla bilər.

Məclis iştirakçıları barəsində İnzibati Xətalar Məcəlləsinin 211-ci maddəsi ilə tədbir görülərək onların hər biri 200 manat məbləğində cərimə olunublar.

Qeyd edək ki, Nazirlər Kabinetinin qərarı ilə iyunun 21-dən elan olunmuş ciddi karantin rejimi dövründə bütün ictimai iaşə obyektlərində, o cümlədən, restoran, kafe və çay evlərində müştərilərə yerində xidmət dayandırılmalıdır. (oxu.az)

Ölkə.Az

ŞƏRH YAZ
0

Çimərlik mövsümü başlayır — Dəniz qurbanı olmamaq üçün nələri etməliyik? - VİDEO

Çimərlik mövsümü başlayır
05:07
Bu gün
56
Ölkə
A
Nəhayət uzun bir aradan sonra sabahdan yenidən dupduru dəniz suyuna qovuşacağıq. Çoxunuz bəlkə də deyəcəksiniz ki, onsuz da çimərliyə gedirdik. Bu, bizim üçün yeni bir şey deyil.

"Ölkə.Az" baku.tv-yə istinadən xəbər verir ki, qaydaları pozaraq dənizdə dincələnlər var idi. Ancaq avqust ayının 5-dən etibarən Azərbaycanda çimərlik mövsümü rəsmən açılır.

FHN-in sularda xilas etmə xidmətinin əməkdaşları da iş başındadır. Artıq sahillərdə təhlükəli zonalar müəyənləşdirilib. Qadağan olunmuş əraziləri keçmək isə ölüm hallarının artmasına səbəb ola bilər.

Qadağalardan birinə daha çox diqqət etməliyik. Düzgün və dayaz yerdə çimmək…

Odur ki, hər birimizə ölümsüz-itimsiz dəniz mövsümü arzusu ilə... 

ŞƏRH YAZ
0

Bu yol İcra Hakimiyyətindən alınıb AAYDA-nın balansına verildi

Bu yol İcra Hakimiyyətindən alınıb AAYDA-nın balansına verildi
23:33
04.08.2020
368
Ölkə
A
İvanovka-Hacıhətəmli-Mollaisaqlı avtomobil yolu İsmayıllı Rayon İcra Hakimiyyətinin balansından Azərbaycan Avtomobil Yolları Dövlət Agentliyinin balansına verilib.

"Ölkə.Az" APA-ya istinadən xəbər verir ki, bu, Nazirlər Kabinetinin "İsmayıllı RİH-in balansında olan İvanovka-Hacıhətəmli-Mollaisaqlı avtomobil yolunun Azərbaycan Avtomobil Yolları Dövlət Agentliyinin balansına verilməsi barədə" qərarında əksini tapıb. 

Həmçinin "Azərbaycan Respublikasının yerli əhəmiyyətli avtomobil yollarının siyahısı"nda da dəyişiklik edilib. 

Uzunluğu 29 km olan İvanovka-Hacıhətəmli-Mollaisaqlı yolu bu siyahıya əlavə edilib

ŞƏRH YAZ
0
BAĞLA