Kərim hər kəsi aldatdı
Müğənni Kərim Abasov dünən "İnstagram" paylaşımı ilə izləyicilərini aldadıb.
"Ölkə.Az" baku.ws-ə istinadən xəbər verir ki, o, ötən gün günorta saatlarında Lalə Mustafayevanın fotosunu paylaşaraq, aparıcının “Maşın” şouda qalib olduğunu yazmışdı: “Lalə təbrik edirəm, maşının qalibi”.
Kərim maşının əsl qalibinin Suna Kasımoğlu olduğu ortaya çıxandan sonra izləyicilərin hiddəti ilə qarşılaşıb. Sosial şəbəkə istifadəçiləri ifaçın ünvanına tənqidlər və təhqirlər yazıblar. Onlar bildirib ki, Kərim izləyici yığmaq üçün bu addımı atıb.
Xatırladaq ki, "Maşın Şou"nun qalibi Türkiyə vətəndaşı Suna Kasımoğlu olub. Son final gecəsinə aparan gecədə, səhərə yaxın aparıcı Lalə Mustafayevanın səhhəti pisləşdiyindən əlini götürməyə məcbur olub.
