KORONAVİRUSA YOLUXANLARIN SAYI - CANLI STATİSTİKA

Kişi həyat yoldaşının qohumunun evindən külli miqdarda pul oğurladı — Bakıda

Kişi həyat yoldaşının qohumunun evindən külli miqdarda pul oğurladı
13:40
22.03.2020
2178
Hadisə
A
Paytaxtın Xəzər rayonu, Mərdəkan qəsəbəsində martın 20-də evlərdən birindən 63 min manat nağd pulun qeyri-aşkar şəraitdə oğurlanması ilə bağlı “102” xidməti - zəng mərkəzinə müraciət daxil olub.

Bakı şəhər BPİ Mətbuat Xidmətindən "Ölkə.Az"a verilən məlumata görə, Astara rayon sakini, 1986-cı il təvəllüdlü G.Həsənova kirayə yaşadığı evdən axşam saatlarında bibisi oğluna məxsus pulun naməlum şəraitdə oğurlanmasını bildirib.   

Daxil olan müraciət üzrə dərhal DİN Baş Cinayət-Axtarış İdarəsi, Bakı şəhər BPİ Cinayət-Axtarış İdarəsi, Xəzər RPİ Cinayət-Axtarış şöbəsi və 1-ci Polis Şöbəsi əməkdaşlarının “isti izlər”lə keçirdiyi təxirəsalınmaz əməliyyat-axtarış tədbirləri nəticəsində, oğurluq əməlində şübhəli bilinən qəsəbə sakini, əvvəllər Cinayət Məcəlləsinin 234-cü maddəsi ilə məhkum olunan, 1985-ci il təvəllüdlü E.Nəcəfov müəyyən olunaraq tutulub.  

İlkin arşadırmalarla məlum olub ki, evdən 63000 yox, 55500 manat pul oğurlanıb. Davam etdirilən intensiv əməliyyat-axtarış tədbirləri ilə oğurlanan vəsaitin tam həcmdə aşkarlanaraq, zərərçəkmişə qaytarılması təmin olunub. Oğurluqda şübhəli bilinən şəxs G.Həsənovanın həyat yoldaşıdır.  

Faktla bağlı, Xəzər RPİ İstintaq şöbəsində Cinayət Məcəlləsinin 177.3.2-ci maddəsi ilə cinayət işi başlayıb. Şübhəli şəxs ətrafında əməliyyat-axtarış, əməliyyat-istintaq tədbirləri davam etdirilir. 

Ölkə.Az

ŞƏRH YAZ
0

Bakıda oğlan bulvarda şəkil çəkmək istədi, dənizə düşdü — VİDEO

Bakıda oğlan bulvarda şəkil çəkmək istədi, dənizə düşdü
18:07
Bu gün
140
Hadisə
A
Bakı Bulvarında 2003-cü il təvvəllüdlü Allahverdiyev Riyad Oktay oğlu dənizə yıxılıb.

"Ölkə.Az" BakuPost-a istinadən xəbər verir ki, hadisə “Dəniz Mall”ın yaxınlığında baş verib.

Dənizkənarı Bulvar İdarəsinin mühafizəçisi Mahmud Bağırzadə suya atılaraq, boğulma təhlükəsi ilə üz-üzə qalan gənci xilas edib.

R.Allahverdiyev şəkil çəkərkən müvazinətini qoruya bilmədiyi üçün dənizə yıxıldığını söyləyib.

ŞƏRH YAZ
0

30 yaşlı oğlan özünü 9-cu mərtəbədən atdı

30 yaşlı oğlan özünü 9-cu mərtəbədən atdı
14:24
Bu gün
927
Hadisə
A
Sumqayıtda intihar hadisəsi baş verib.

"Ölkə.Az" APA-ya istinadən xəbər verir ki, hadisə şəhərin 17-ci mikrorayonunda qeydə alınıb. Şəhər sakini, 1990-cı il təvəllüdlü Məmmədov Sadiq Çingiz oğlu yaşadığı binanın 9-cu mərtəbəsindən özünü atıb.

Nəticədə o aldığı xəsarətdən hadisə yerindəcə ölüb.

Məlumat görə, 30 yaşlı S.Məmmədov 10 il əvvəl avtomobil qəzası keçirib və fiziki məhdudiyyətli olub. İntiharın səbəbləri bilinmir.

Faktla bağlı araşdırma aparılır.

ŞƏRH YAZ
0
BAĞLA