KORONAVİRUSA YOLUXANLARIN SAYI - CANLI STATİSTİKA

"Kişi müğənnilərə qarşı bunu etmək düzgün deyil" — “Altın Kelebek”in namizədi Oksana Rəsulova

22:42
08.11.2019
9024
Maqazin
A
Gələn həftənin şənbə günü (16 noyabr) “Altın Kelebek” mükafatlandırma gecəsi ilə bağlı Bakıda təşkil olunacaq mərasimə sayılı günlər qalır.

"Ölkə.Az" bildirir ki, ötən illərdən fərqli olaraq, bu il ulduzlarımız (Xalq artist Röya Ayxan, müğənnilər Sevda Yəhyayeva, Nura Suri, Gülay Zeynalova, Murad Arif, Xəyyam Nisanov, Elçin Cəfərov, Azad Şabanov, aktrisalar Pərvin Abıyeva və Oksana Rəsulova) yalnız bir kateqoriya - “Azərbaycanın ən parlaq ulduzu” nominasiyası üzrə mübarizə aparacaq. Bizim məşhurlar arasında səsvermə hələ də davam edir.

Dekabırın 8-də İstanbulun Zorlu PSM-də keçiriləcək “Altın Kelebek”də həm Türkiyədən həm də Azərbaycandan olan namizədlərə maraq həddən artıq yüksəkdir. Türkiyənin “Oskar”ını yerli məşhurlarımızdan kimin qazanacağı sosial media əhli tərəfindən geniş müzakirə olunur.

Oxu.Az-ın əməkdaşı azərbaycanlı namizəd hind rəqslərinin mahir ifaçısı, rəqqasə və aktrisa Oksana Rəsulova ilə əlaqə yaradıb. Məşhur Azərbaycanla bağlı bir nominasiyanın olmasından narahatlıq keçirdiyini və bunda məntiq olmadığını dilə gətirdi :

“Artıq üçüncü ildir ki, Azərbaycan Türkiyənin keçirdiyi bu cür mötəbər “Altın Kelebek” mükafatlandırma mərasimində iştirak edir. Azərbaycanın hər bir ulduzu istəyər ki, “Altın Kelebek” kimi prestijli gecədə həm çıxış etsin, həm də qalib gəlsin. Xalq artistləri Röya Ayxan və Aygün Kazımova artıq bu mükafata sahibləniblər. Mən də istəyərəm ki, namizədlər arasında qalib gəlib, “Altın Kelebek” mükafatına layiq görülüm. Şanslarım az deyil. Amma etiraf etmək lazımdır ki, Röyanın şansları bizim digər ulduzlarımız arasında daha çoxdur. O, həm mahnıları, həm klipləri, həm də konsertləri ilə Türkiyədə yetərincə tanınır. Sadəcə bir məqama çox üzülürəm ki, Azərbaycan üçün nominasiya yalnız bir dənədir. O da ki, “Azərbaycanın ən parlaq ulduzu”. Çünki müğənnilər arasında aktrisalar yəni mən və Pərvin Abıyeva var. Müğənnilər üçün ayrı, aktrisalar üçün ayrı nominasiyalar olsaydı, daha məqsədəuyğun olardı. Belə olduğu təqdirdə məntiq görmürəm və məni bu hadisə narahat edir.

“Altın Kelebek”i qazanmağı mən şansa bağlayıram. Çünki sənə izləyicilər səs göndərə də bilər, göndərməyədə. Burada hər şey səsvermədən asılıdır”.

Müğənni Elçin Cəfərovun “xanım sənətçilərə təyyarə biletləri alınıb, bəylərə isə yox” açıqlaması təşkilati işlərə kölgə salıb.

“Sizin İstanbula təyyarə biletiniz, orada qalacağınız hotel nömrəsi rezervasiya olunub?” sualına Oksananın reaksiyası birmənalı olmadı.

“Mən heç bu barədə düşünməmişəm belə. Əslində bizim hər birimiz üçün həm təyyarə bileti alınmalı, həm də hotellərin birində qalmağımız üçün rezervasiya işləri görülməlidir. Kişi müğənnilərə qarşı bunu etmək düzgün deyil. Bu artıq ayrıseçkilikdir. Birinci dəfədir belə bir şey eşidirəm. Düzünü desəm, anlamadım. Təşkilatçılardan bunu dəqiqləşdirmək lazımdır”.

Xatırladaq ki, Azərbaycan “Altın Kelebek” mükafatlandırma gecəsində iki dəfə iştirak edib. 2017-ci ildə mükafatı Xalq artisti Röya Ayxan, 2018-ci ildə isə Xalq artisti Aygün Kazımova qazanıb. Onlar hər ikisi “Azərbaycanın ən parlaq ulduzu” nominasiyasında qalib gəliblər.

Qeyd edək ki, noyabrın 16-da “Altın kelebek”in siması məşhur aktrisa Ebru Şahin paytaxt Bakının qonağı olacaq. Təşkil olunacaq möhtəşəm gecədə ulduz namizədlərin adı açıqlanacaq. Ötən ildən fərqli olaraq, namizədlərin iştirakı ilə konsert proqramı keçirilməyəcək.

Ölkə.Az

ŞƏRH YAZ
1

"Bezmişəm, heç kim vecimə deyil" — Aysel boşanması haqda

00:21
Bu gün
364
Maqazin
A
Bloqqer Aysel Şükürova həyat yoldaşı Oqtay Əhmədovla boşanma xəbərlərinə münasibət bildirib.

"Ölkə.Az" axsam.az-a istinadən xəbər verir ki, Aysel ünvanına deyilən tənqidlərə önəm vermədiyini qeyd edib. O bildirib ki, bundan sonra həyatını 3 oğluna həsr edəcək:

"İlk və son açıqlamanı edirəm, onu da mənə görə doğrudan narahat olanlar üçün... Əsəblərim yerində deyil. Xahiş edirəm, heç kim mənə heç nə atmasın. Onsuz da hər şeydən bezmişəm. Başımı qatıram, işlərimlə məşğul oluram, 3 oğlum var, onlar üçün yaşayıram. Nə qədər ömrüm varsa, onlara ayıracam. Daha mübahisələrə girməyəcəm. Kim nə istəyir yazsın, onsuz geri çevirirəm, özümdə deyiləm, müalicə alıram.

Yaxınlarımdan xahiş edirəm, mənə heç nə yazmasınlar, vecimə deyil. 27 yaşım var, həyatda hər şeyi özüm edirəm, edəcəm də. Çalışdığım qədər tutunmağa çalışıram həyata. O da 3 uşağa görə. Bu mənim şəxsi həyatımdır, kiməsə açıqlama verməyə borcum yoxdur. Necə istəyirəm yaşayıram, başqası mənim nə vecimə".

Qeyd edək ki, Aysel və Oqtay 400 minlik toy xəbəri ilə məşhurlaşmışdı. Onlar rəsmi boşanma üçün məhkəməyə müraciət ediblər. Aysel 1,1 milyonluq İnstaqram səhifəsindən əri ilə olan bütün fotolarını silib. Ayselin birinci nikahdan bir, Oqtayla evliliyindən isə əkiz oğulları var.

ŞƏRH YAZ
0

"Mən "hə!" dedim" — Sevdanın nikahından FOTOLAR

23:29
09.08.2020
1163
Maqazin
A
Özünəməxsus tərzi ilə sevilən ifaçı Sevda Yahyayevadan yeni xəbər var.

"Ölkə.Az" xəbər verir ki, tanınmış müğənni öz İnstaqram səhifəsində nikahından fotoları izləyiciləri ilə bölüşüb. Rəsmlər qısa zamanda bəyənilib, sənət dostları təbriklərini və xoş sözlərini rəy bölməsində bildiriblər.

Qeyd edək ki, Sevda Zakir Bayramov adlı həkimlə ailə həyatı qurub. Onun yoldaşı “Leyla Şıxlinskaya” klinikasında genetik-laborant olaraq çalışır. big.az




 
ŞƏRH YAZ
0
BAĞLA