KORONAVİRUSA YOLUXANLARIN SAYI - CANLI STATİSTİKA

Komitə sədri: “İnsanlarımızın immunitetinin artırılmasını düşünməliyik, yoxsa payızda ciddi yoluxma riski ilə üzləşə bilərik”

Komitə sədri: “İnsanlarımızın immunitetinin artırılmasını  düşünməliyik, yoxsa payızda ciddi yoluxma riski ilə üzləşə bilərik”
11:59
01.08.2020
3333
Siyasət
A

“Son illərdə Azərbaycanda səhiyyənin geniş bazası və güclü potensialı yaradılmasının nəticəsidir ki, bu gün pandemiya dövründə virusa yoluxan xəstələri ən müasir tipli xəstəxanlarda  müalicə alırlar. Hazırda virusa yoluxam xəstələr  ölkənin 46 klinikasında müalicə alır ki, onların  41- i son illərdə prezident İlham Əliyevin göstərişi ilə tikilib”.

 Bunu “Ölkə.Az”a açıqlamasında Milli Məclisin Əmək və sosial siyasət komitəsinin sədri Musa Quliyev deyib.

Komitə sədrinin sözlərinə görə,  Ümumdünya Səhiyyə Təşkilatı tərəfindən koronavirus pandemiyası elan olunan kimi dövlət başçımız bütün bəşəriyyət üçün böyük təhlükə olan COVİD-19 infeksiyası ilə mübarizəni öz nəzarətinə götürdü, sistemli, ardıcıl və kompleks tədbirlər həyata keçirildi. “Görülən tədbirlər və sərt karantin rejiminin tətbiqi nəticəsində bu ilin aprel ayının sonlarında epidemiya tam nəzarət altına alındı və lokallaşdı. Amma təəssüf olsun ki, may ayında karantin rejiminin yumşalması əks effekt verdi və qısa müddət ərzində yoluxma yenidən alovlandı. Xəstələnənlərin, o cümlədən, ağır xəstələrin sayı kəskin şəkildə artdı. Cənab prezident İlham Əliyevin sərəncamı ilə qısa müddətdə alınıb gətirilən və qurulan mobil tipli klinikalar xəstələrin stasionar müalicəsinin təmin olunmasında əvəzsiz rol oynadı. Əgər cənab Prezidentin önləyici addımları olmasa idi, həqiqətən də ciddi böhranla üzləşə bilərdik, necə ki, bir çox inkişaf etmiş Avropa dövlətləri xəstələri yerləşdirməyə yer, müalicə üçün cihaz və avadanlıq çatışmazlığı ilə üzləşdilər. Amma biz bu çətinliyi hiss etmədik. Çünki hələ mart ayında koronavirus pandemiyası ilə mübarizə üçün kompleks tədbirlərin görülməsi, o cümlədən, 10 ədəd mobil klinikanın yaradılması ilə bağlı dövlət başçısının sərəncam və tapşırıqları olub. Artıq bu klinikaların 9 - u istifadəyə verilib. Bununla yanaşı, qısa müddətdə koronavirusla mübarizə vasitələrinin- tibbi maska, qoruyucu kombenzonların və dezinfeksiya edici məhlulların ölkədaxili istehsalı təmin olundu”- komitə sədri qeyd edib.

M.Quliyev əlvə edib ki, Azərbaycan nəinki, özünün ehtiyaclarını ödəyə bildi, hətta 30-dan artıq dovlətə humanitar yardım da göstərmiş oldu: “Azərbaycan Prezidentinin COVİD-19- la mübarizə ilə bağlı BMT- nin xüsusi sessiyasının çağırılması təklifi ilə çıxış etməsi və bu təşəbbüsün dünyanın 130 dövləti tərəfindən dəstəklənməsi artıq yeni bir tarixi dönəmin başlanmasıdır. Bu artıq ölkəmizin gücünün və nüfuzunun dünya birliyi tərəfindən ehtiraf edilməsi, tanınması və qəbul edilməsidir! Eyni zamanda onu da qeyd etmək lazımdır ki, pandemiyadan əziyyət çəkən sahibkarlara, fiziki şəxslərə, iş yerləri müvəqqəti bağlanan insanlara dövlət tərəfindən böyük dəstək göstərilmişdir və bu dəstək bu gün də davam etməkdədir. Əlamətdar hadisədir ki, koronavirus pandemiyası ilə əlaqədar iqtisadi aktivliyin azalması, neft qiymətlərinin kəskin aşağı düşməsinə baxmayaraq, ölkəmizdə bütün sosial layihələr uğurla davam edir, bir dənə də olsun ixtisara düşən, yaxud həcmi azaldılan sosial layihə yoxdur. Əksinə , yeni iş yerlərinin açılması, özünəməşğulluq proqramının daha da genişlənməsi, ünvanlı sosial yardımla əhatə olunan ailələrin sayının artması bir daha təsdiq edir ki, Azərbaycan sosial dövlətdir və insanların sosial rifahı daim dövlət rəhbərinin diqqəti mərkəzindədir”.

Komitə sədri onuda bildirib ki, aparılan məqsədyönlü tədbirlər, o cümlədən, karantin qaydalarının yenidən sərtləşdirilməsi, maska rejiminin, sosial məsafənin qorunması, cərimələrin tətbiqi, ictimai qınağın və nəzarətin genişlənməsi nəticəsində son həftələr yaxşı nəticələr əldə edilməkdədir: 

“Sağalanların sayının xəstələnənləri üstələməsi bizi sevindirir, amma bu gedişat heç kəsi arxayınlaşdırmamalıdır! May ayında arxayınlaşdıq və ağır nəticəni gördük: minlərlə yoluxma, yüzlərlə ölüm! Əgər biz may ayında lazımi məsuliyyət nümayiş etdirsə idik, indiki və bəlkə də bundan sonra ola biləcək karantin məhdudiyyətlərinə ehtiyac olmayacaqdı. Amma keçənə güzəşt deyərlər və səhvlərdən nəticə çıxarmasaq daha ağır fəlakətlə üzləşə biləcəyimizi də yaddan çıxarmayaq. Tez- tez soruşurlar ayın 5- dən sonra karantin rejimi bitəcəkmi? Bu barədə son və həlledici qərarı Operativ Qərargah verəcəkdir. Bizim söylədiyimiz ancaq subyektiv fikirlərimiz ola bilər. Ancaq mən bir həkim və sosioloq kimi söyləyə bilərəm ki, biz yaxın aylar üçün karantinin yalnız yumşalmasından danışa bilərik. Nə qədər koronavirusun vaksini və spesifik müaliçəsi yoxdur, bəşəriyyət karantin məhdydiyyətləri ilə yaşamağa məhkumdur. Eyni zamanda, hər hansı formada insanlarımızın sosial və psixoloji gərginliyinin azaldılması, immunitetin artırılması üçün vacib olan hava, günəş və dəniz ehtiyaclarının ödənilməsi üçün şərait yaradılması üzərində də düşünməliyik. Əks halda oktyabr- noyabr aylarında daha ciddi yoluxma riski ilə üzləşə bilərik! Profilaktik tədbirlərin artıq keçici deyil, uzun müddətli, bəlkə də qalıcı xarakter alacağını da qəbul etmək zorundayıq. Sosial məsafənin gözlənilməsi, maska rejimi, dezinfeksiya vasitələrdən istifadə, çox adamın bir yerə toplaşmaması, qapalı məkanlarda tədbirlərin keçirilmənəsi və s. profilaktik addımlar gündəlik həyat tərzimiz olacaqdır. Və ən əsası bu qaydalara hamımız əməl etməliyik, şüurlu şəkildə, məcburiyyər və nəzarət olmadan. Mən inanıram ki, biz bu sınaqdan da uğurla, üzü ag çıxacağıq”.

Mürtəza
Ölkə.Az

ŞƏRH YAZ
0

“Azərbaycanın diplomatik nümayəndəliklərinə hücum beynəlxalq məsuliyyət yaradır”

“Azərbaycanın diplomatik nümayəndəliklərinə hücum beynəlxalq məsuliyyət yaradır”
19:10
Bu gün
122
Siyasət
A
Fərhad Mirzəyev: “Keçmiş SSRİ respublikalarının sərhədlərinin heç bir şəkildə birtərəfli qaydada dəyişdirilməsinə yol verilmir”

 Ermənistan-Azərbaycan münaqişəsinin kəskinləşdiyi bir zamanda, beynəlxalq hüquq üzrə çoxsaylı “mütəxəssislərin” meydana çıxdığını müşahidə edirik. Təəssüf ki, əksər hallarda belə “mütəxəssislərin” verdiyi rəylər dəqiqliyi və dolğunluğu ilə seçilmir və bəzən ictimaiyyətimizə yanlış fikirlər təqdim edilir.

 

Bu səbəbdən AYNA bəzi suallara aydınlıq gətirmək məqsədilə, uzun müddət Böyük Britaniyada yaşayan və postsovet məkanına dair beynəlxalq hüquqda ərazi və sərhəd mübahisələri və münaqişələri üzrə mütəxəssis, hüquq elmləri üzrə fəlsəfə doktoru, həmyerlimiz Fərhad Mirzəyevə müraciət etdi. Qeyd edək ki, F.Mirzəyevin xaricdə postsovet məkanında mövcud münaqişələrə, o cümlədən Ermənistan-Azərbaycan, Dağlıq Qarabağ münaqişəsinə dair çoxsaylı elmi işləri dərc edilib.

 

- Ümumiyyətlə, Tovuz istiqamətində Ermənistanla Azərbaycan arasında münaqişənin kəskinləşməsi ilə bağlı vəziyyəti necə qiymətləndirirsiniz?

 

- Tovuz rayonundakı son hadisələr Azərbaycana qarşı hərbi təcavüz kimi qiymətləndirilməlidir. Bu, bilavasitə BMT Nizamnaməsində təsbit olunmuş fundamental beynəlxalq hüququn əsas prinsiplərinin pozulması deməkdir. Qeyd olunmuş halda güclə hədələmək və gücün tətbiq edilməməsi, dövlət sərhədlərinin toxunulmazlığı, dövlətlərin ərazi bütövlüyü və insan hüquqlarına və əsas azadlıqlarına hörmət prinsipləri kimi prinsiplərin pozulması açıq-aşkar yer almaqdadır. Bundan əlavə, Ermənistanın Avropa Şurası, ATƏT və digər beynəlxalq təşkilatlar çərçivəsində qoşulduğu çoxsaylı konvensiya və regional sazişləri pozduğunu da qeyd etmək lazımdır.

 

Hesab edirəm ki, Azərbaycan təcavüz hadisəsini qeydə almaq üçün dərhal beynəlxalq mütəxəssisləri dəvət etməli və beynəlxalq təşkilatlara müraciət etməli idi. Tovuzdakı Azərbaycanın mövqelərinə hücum Azərbaycana qarşı təcavüz kimi qəbul edilməlidir. Bu vəziyyətdə, beynəlxalq hüquq təcrübəsinə istinad etmək olar. BMT-nin Beynəlxalq Ədalət Məhkəməsinin, Nikaraquanın Amerika Birləşmiş Ştatlarına qarşı (1986) (Military and Paramilitary Activities in and against Nicaragua (Nicaragua v. United States of America)) məhkəmə işi xüsusi maraq kəsb edir. Qeyd olunmuş məhkəmə işində Beynəlxalq Ədalət Məhkəməsi qeyd etmişdi ki, bir dövlətin hərbi birləşmələrinin digər müstəqil bir dövlətin beynəlxalq sərhədləri boyunca ordusuna və ya ərazisinə hücum etməsi beynəlxalq hüquqda təcavüz kimi qiymətləndirilməlidir. Beləliklə, Ermənistanın hərbi birləşmələrinin Azərbaycanın Tovuz bölgəsindəki Azərbaycanın sərhəd mövqelərinə hücumu beynəlxalq hüquq baxımından Azərbaycana qarşı bir təcavüzdür.

 

Öz növbəsində, beynəlxalq hüquqa uyğun olaraq bu, BMT Nizamnaməsinin 51-ci maddəsinə uyğun olaraq Azərbaycana özünümüdafiə hüququ verir. Yəni, Azərbaycan ordusunun itkilər verərək, bu təcavüz aktına adekvat reaksiya verməsi BMT Nizamnaməsinin 51-ci maddəsinə əsasən, özünümüdafiə kimi qəbul edilməlidir. Hesab edirəm ki, BMT Nizamnaməsinə uyğun olaraq, Azərbaycan bu hadisəni təcili olaraq BMT Təhlükəsizlik Şurasının diqqətinə çardırmalı idi və bu təcavüzə Təhlükəsizlik Şurası tərəfindən baxılmasını və bununla bağlı müvafiq qərar çıxarılmasını tələb etməli idi. Əlbəttə ki, Təhlükəsizlik Şurasının bizim xeyrimizə hər hansı bir qətnamə qəbul edə biləcəyi barədə xəyallarım yoxdur, amma hər bir halda beynəlxalq hüquqla bizə verilən hər hansı bir hüququ və yaranan fürsəti əldən verməməyimizin vacib olması fikrindəyəm.

 

- Rusiya Prezidenti Vladimir Putin son müsahibələrindən birində keçmiş Sovet respublikalarının bir çoxunun SSRİ-nin dağılması zamanı çıxdıqlarından sonra, əvvəllər onlara məxsus olmayan əlavə əraziləri özlərinə əssasız olaraq götürdüklərini söylədi...

 

- Bir hüquqşünas olaraq, başqa bir dövlət başçısının siyasi bəyanatlarını şərh etməkdən çəkinərdim. Ancaq tam məsuliyyətlə deyə bilərəm ki, bu, heç bir halda Azərbaycana aid deyil, çünki Rusiya imperiyasının və SSRİ-nin bir hissəsi olmağımız səbəbindən tarixi boyu biz yalnız ərazilər itirmişik, nəinki nəsə əlavə qazanmışıq. Bundan əlavə, beynəlxalq hüququ da unutmamalıyıq, çünki indi 19-cu və ya 20-ci əsrin əvvəlləri deyil və müasir beynəlxalq hüquqa əsasən, suveren dövlətlərin sərhədləri toxunulmazdır. Elmi araşdırmalarımın əksəriyyəti “uti possidetis” beynəlxalq hüquq prinsipinə həsr olunub. Bu prinsipə uyğun olaraq keçmiş SSRİ respublikalarının ittifaq dövləti çərçivəsində inzibati sərhədlərini sonradan müstəqil dövlətlərin dövlət sərhədlərinə çevirməsi razılığına gəldikləri öz təsdiqi tapır. 

 

Bütün bunlar MDB Nizamnaməsində və keçmiş Sovet İttifaqı respublikaları arasında çoxtərəfli və ikitərəfli müqavilələrlə də təsdiq olunub. Üstəlik, “Beynəlxalq müqavilələr haqqında” 1969-cil il tarixli Vyana Konvensiyasının müəyyən etdiyi beynəlxalq hüquq normalarına uyğun olaraq, keçmiş SSRİ respublikalarının sərhədlərinin heç bir şəkildə birtərəfli qaydada dəyişdirilməsinə yol verilmir. Hər hansı belə dəyişiklik yalnız ikitərəfli və ya çoxtərəfli müqavilələr əsasında tərəflərin iradəsinin ifadəsi ilə mümkündür. Müvafiq olaraq, beynəlxalq hüquq baxımından keçmiş Sovet respublikalarının beynəlxalq səviyyədə tanınmış sərhədlərinin yenidən dəyişdirilməsinə hər hansı bir çağırış sırf beynəlxalq hüquqda yol verilməzdir. Belə bir halda Ermənistanın Azərbaycanın müəyyən edilmiş beynəlxalq sərhədlərini dəyişdirmək cəhdlərinin müasir beynəlxalq hüquq normalarına uyğun olaraq heç bir əsası yoxdur.

 

- Ermənilərin soydaşlarımıza qarşı zorakılıq və bizim xaricdəki diplomatik missiyalarımıza basqınlarına hüquq prizmasından necə qiymət verərdiniz?

 

- Bu, çox mürəkkəb bir məsələ olsa da, amma yenə də beynəlxalq hüquq baxımından Azərbaycanın mövqeləri kifayət qədər əsaslıdır. Şübhəsiz ki, xaricdəki azərbaycanlılara qarşı zorakılıq tətbiq edilməsi ilə bağlı belə, ayrı-ayrı cinayət əməllərinin araşdırılması və zəruri tədbirlərin görülməsi həmin cinayətlərin baş verdiyi ölkələrin hüquq-mühafizə orqanlarının səlahiyyətinə aiddir. Yəni bu xoşagəlməz, vəhşi hərəkətlərə onların baş verdiyi dövlətlərdə oranın hüquq-mühafizə orqanları tərəfindən baxılmalıdır. Əlbəttə, Azərbaycan diplomatik nümayəndəlikləri bu cinayətlərin düzgün və ədalətli şəkildə baxılmasında fəal rol oynamalıdır. Lakin, onu qeyd edim ki, həmin dövlətlər həmvətənlərimizə qarşı cinayət törədən şəxslərin məsuliyyətə cəlb etməkdən yayınarsa və ya fəliyyətsizlik nümayiş etdirərsə, o zaman Azərbaycan irqi ayrı-seçkiliyin bütün formalarının ləğv edilməsi haqqında 1965-ci il tarixli Beynəlxalq Konvensiyanın müddəalarına və 1966-ci il tarixli İnsan Hüquqları haqqında Beynəlxalq Paktlara uyğun olaraq, o dövlətləri beynəlxalq məsuliyyətə cəlb edə bilər.

 

Azərbaycanın xaricdəki diplomatik nümayəndəliklərinə hücum məsələsi isə birbaşa beynəlxalq hüquq normaları ilə tənzimlənməlidir. Həqiqətən də, Belçika, Hollandiya və ABŞ-dakı hüquq mühafizə orqanlarının hərəkətsizliyindən irəli gələn həmin ölkələrdəki Azərbaycan diplomatik nümayəndəliklərinə hücumlara imkanının yaranması dərin məyusluq hissləri doğurur. Beynəlxalq hüquq normalarına əsasən, diplomatik və konsulluq idarələrinin ərazisi təmsil etdikləri dövlətlərin ərazisi hesab olunur və tam toxunulmazlıq hüququna malikdir.

 

Diplomatik əlaqələr haqqında 1961-ci il tarixli Vyana Konvensiyasının 22-ci maddəsinin 2-ci bəndinə qeyd olunur ki, "Nümayəndəliyi (Azərbaycanın diplomatik və konsulluq missiyaları) hər cür hücumlardan və zərər vurulmasından qorumaq və nümayəndəliyin sakitliyinin pozulmasının və ya şərəfinin təhqir olunmasının qarşısını almaq üçün lazımi tədbirlər görmək yerləşmə dövlətinin (bizim halda Belçika, Hollandiya və ABŞ) xüsusi vəzifəsidir”. Qeyd etmək lazımdır ki, bu ölkələrin hamısı Azərbaycanla birlikdə “Diplomatik əlaqələr haqqında” 1961-ci il tarixli Vyana Konvensiyasının iştirakçılarıdır. Bu, Azərbaycana həmin dövlətləri “Diplomatik əlaqələr haqqında” Vyana Konvensiyasının tələblərinə əməl etməməyə görə beynəlxalq məsuliyyətə cəlb etmək hüququnu verir.

 

Deyilənlərə sübut olaraq, beynəlxalq hüquqda mövcud olan məhkəmə presedentinə istinad etmək məqsədəuyğun olardı. Bu, məhz ABŞ-ın İrandakı səfirliyinə hücumla bağlı İrana qarşı 1980-ci ildə Beynəlxalq Ədalət Məhkəməsində başladığı iş olar bilər (United States Diplomatic and Consular Staff in Tehran (United States of America v. Iran). Qeyd olunan işdə “Diplomatik əlaqələr haqqında” 1961-ci il tarixli Vyana Konvensiyasına uyğun olaraq ABŞ-ın Tehrandakı səfirliyinə hücum və ələ keçirilməsi ilə bağlı ABŞ-ın İrana qarşı irəli sürdüyü  iddialara dair olaraq, Beynəlxalq Ədalət Məhkəməsi, diplomatik nümayəndəliklərin toxunulmazlığı və qorunmasının məhz yerləşmə ölkəsinin öhdəsinə düşdüyünü və bunu görə məsuliyyət daşıdığını müəyyən etmişdi.

 

Lakin son günlərdə Belçika və ABŞ-dan günahkarların həbs edildiyi və istintaqın başlanması haqqında xəbərlər alırıq. Ümid edək ki, günahkarlar məsuliyyətə cəlb ediləcək və cəzalandırılacaq. Və qeyd etdiyimiz kimi, Azərbaycan beynəlxalq hüquq normaları ilə müəyyən olunmuş hüquqlarından istifadə etmək məcburiyyəti ilə üzləşməyəcək.

 

Ölkə.Az

ŞƏRH YAZ
0

Kiyevdə erməninin azərbaycanlı tələbələrə silahlı hücumunun görüntüləri ortaya çıxıb — VİDEO

Kiyevdə erməninin azərbaycanlı tələbələrə silahlı hücumunun görüntüləri ortaya çıxıb
18:07
Bu gün
345
Siyasət
A

Xəbər verildiyi kimi, iyulun 24-də saat 21:30-da (Bakı vaxtı ilə saat 22:30-da) Kiyevdə dörd azərbaycanlı tələbəyə hücum edilib. Rəsmi şəkildə hücumun Ukraynadakı erməni diasporunun nümayəndəsi tərəfindən həyata keçirildiyi məlum olub.

Etibarlı mənbələrdən Media.Az-a daxil olan məlumata görə, o, 21 noyabr 1980-ci il təvəllüdlü Opinisyan Edqar Zavenoviçdir.

Tapança ilə silahlanan şəxs soyuqqanlı şəkildə tələbələrimizə atəş açıb, bundan sonra isə 50-RV-100 dövlət nömrə nişanlı “Mercedes Gelandewagen” markalı maşınla hadisə yerindən uzaqlaşıb.

Hücum nəticəsində iki azərbaycanlı yaralanıb. Onları Kiyevdəki 8 saylı şəhər klinik xəstəxanasına çatdırılıblar. Azərbaycan vətəndaşı Nicat Kərimov ayağından güllə yarası alıb. Oxşar xəsarət alan ikinci zərərçəkən Azər Abbasova hadisə yerində tibbi yardım göstərilib. Ərazidə daha sonra 9 millimetrlik gilizlər tapılıb.

Azərbaycanın Ukraynadakı səfirliyi vəziyyəti nəzarətdə saxlayır.

Media.Az-a bugünkü müsahibəsində rezonans doğuran hadisəni şərh edən Azərbaycanın Ukraynadakı fövqəladə və səlahiyyətli səfiri Elmira Axundova bildirib ki, cinayət işi açılıb, lakin yazılı müraciət, şikayət olmadan araşdırma aparmaq çətindir.

Bununla yanaşı, bu gün Media.Az hadisə yerindən daha əvvəl heç bir yerdə dərc olunmamış eksklüziv videokadrları tapmağa müvəffəq olub. Kadrlarda tələbələrimizlə söhbət zamanı erməni mənşəli olmasını etiraf edən yetkin kişinin onlara soyuqqanlı şəkildə atəş etdiyi dəqiq görünür.

Biz, həmçinin, öyrənə bildik ki, erməni tərəfi cinayətdən dərhal sonra günahkarların törətdikləri əmələ görə məsuliyyətə cəlb edilməməsi üçün istənilən yolla işi ört-basdır etməyə çalışıb. Təəssüf, lakin bizə məlum oldu ki, Ukraynada yaşayan bəzi vicdansız azərbaycanlılar bu məsələdə onlara kömək ediblər, xəsarət alan tələbələrə təzyiq göstəriblər.

Göründüyü kimi, belə azərbaycanlılardan biri də Ukrayna Azərbaycanlı Gəncləri Radasının sədri, müğənni Vaqif Nağıyevdir. O, gözlənilmədən erməninin azərbaycanlı tələbələrə hücum etməsi faktını təkzib etməyə başlayıb və hər şeydə Azərbaycan mətbuatını günahlandırıb. Yeri gəlmişkən, erməni tərəfi onun ifadəsindən məmnuniyyətlə öz xeyrinə istifadə edib.

Ümid edirik ki, sonda həqiqət qalib gələcək və günahkarlar cəzalandırılacaq, Vaqif kimi azərbaycanlıların hərəkətlərinə görə isə çox, çox utanırıq...

 
ŞƏRH YAZ
0
BAĞLA