KORONAVİRUSA YOLUXANLARIN SAYI - CANLI STATİSTİKA

Könüllülər unudulmadı: Onlar üçün də çempionat başlayır — FOTO

Könüllülər unudulmadı: Onlar üçün də çempionat başlayır
13:17
30.04.2020
3055
İdman
A
Bu gün AVRO-2020 könüllüləri üçün Onlayn İntellektual Çempionata start veriləcək.

"Ölkə.Az" xəbər verir ki, çempionatın təşkilində məqsəd könüllülərin şəxsi inkişafının təmin olunması, dünyagörüşlərinin artırılması, asudə vaxtlarının səmərəli təşkili, könüllülük dəyərlərinin aşılanmasıdır.

Hər ay keçirilməsi planlaşdırılan çempionatda 2 000 könüllü yarışacaq. Canlı olaraq təşkil olunacaq oyunlar eyni anda 10 “WhatsApp” və “Telegram” qrupunda baş tutacaq. Hər qrupda 200 könüllü öz biliyini sınayacaq.

Qeyd edək ki, yarışa qatılacaq könüllülər “Google”un xüsusi proqramı vasitəsilə hazırlanacaq sualları əvvəlcədən təyin olunmuş vaxt ərzində cavablandırmağa çalışacaqlar. Sualları cavablandırmaq üçün veriləcək vaxt azlığını nəzərə alan təşkilatçılar çempionat zamanı iştirakçıların hər hansı internet resursundan istifadə edə bilməyəcəklərini vurğulayıb.

Dörd mərhələdən ibarət olacaq yarış ümumilikdə 15 dəqiqə davam edəcək. Sonda qalib olacaq ilk üç yerin sahibinə xatirə hədiyyələri təqdim olunacaq.

ŞƏRH YAZ
0

Azərbaycan Premyer Liqasında yeni mövsümün püşkü atılacaq

Azərbaycan Premyer Liqasında yeni mövsümün püşkü atılacaq
00:47
Bu gün
163
İdman
A
Bu gün Azərbaycan Premyer Liqasında 2020/21 mövsümünün püşkü atılacaq.

"Ölkə.Az" apasport.az-a istinadən xəbər verir ki, püşkatma mərasimi AFFA-nın inzibati binasında keçiriləcək.

Klub və KİV nümayəndələri üçün qapalı olacaq tədbir saat 15:00-da başlanacaq. Püşkatma zamanı yeni mövsümün 1-ci turunda qarşılaşacaq cütlər müəyyənləşəcək.

Qeyd edək ki, 4 dövrədən ibarət olacaq 2020/21 mövsümündə Premyer Liqada 8 klub - "Qarabağ", "Neftçi", "Keşlə", "Sumqayıt", "Zirə", "Sabah", "Səbail" və "Qəbələ" mübarizə aparacaq.

ŞƏRH YAZ
0

Çempionlar Liqasının matçı koronavirusa görə təxirə salınıb

Çempionlar Liqasının matçı koronavirusa görə təxirə salınıb
23:28
11.08.2020
246
İdman
A
Çempionlar Liqasının ilkin təsnifat mərhələsinin final oyunu təxirə salınıb.

"Ölkə.Az" apasport.az-a istinadən xəbər verir ki, UEFA "Drita" (Kosovo) ilə "Linfild" (Şimali İrlandiya) arasındakı matçı başqa vaxta təyin edib.

Buna səbəb Kosovo klubunun futbolçusunda koronavirus infeksiyasının aşkarlanmasıdır. Adı açıqlanmayan oyunçu virusa yoluxduğundan, tibbi protokola uyğun olaraq bütün komanda karantinə alınıb.

Buna qədər yarımfinalda "İnter"lə (Andorra) görüşdən əvvəl "Drita"nın bir oyunçusunda koronavirus testi pozitiv çıxdığından, həmin şəxs karantinə alınmışdı.

İsveçrənin Nyon şəhərində keçirilməli olan "Drita" - "Linfild" görüşünün hansı tarixdə oynanılacağına qitə futbol qurumu hələ qərar verməyib. Cütlüyün qalibi I təsnifat mərhələsində Varşava "Legiya"sı (Polşa) ilə qarşılaşacaq.

ŞƏRH YAZ
0
BAĞLA