Koronafobiyadan qorunmağın YOLLARI

''Ölkə.Az'' xəbər verir ki, psixoloqlar həyəcan və panikanın virusdan daha çox zərərli olduğunu açıqlayıblar. Panika halında səhv qərar vermək ətrafımızın da həyəcan keçirməsinə səbəb olur. Bacardığınız qədər qorunun lakin, gündəlik həyanızı da yaşamağa davam edin. Gün ərzində ehtiyac olmadığı halda həddindən çox əl yumaq, lazım olmadığı miqdarda faydalı olduğunu düşündüyünüz qida yemək psixoloji problemlərə yol aça bilər. Koronavirus haqqında bilgisizlik, yalan-yanlış şaiələr panikaya səbəb ola bilər. Bu barədə bilgisi olan insanlardan və rəsmi saytlardan məlumat almaq daha düzgündür. Evdə qalmağı karantin şəraiti kimi deyil də, fürsət olaraq düşünmək özünüzü yaxşı hiss etmənizə səbəb olcaq. Çünki bu sayədə özünüzə və ailənizə daha çox vaxt ayırırsınız. Uzun müddətdir ertələdiyiniz, lakin görmək istədiyiniz işlərinizə vaxt ayırın. Məsələn kitab oxumaq, filmlərə baxmaq, sevdiyiniz yeməyi bişirmək və hobbilərinizə vaxt ayırmaq kimi. Təəssüf ki, sosial mediada koronavirusla bağlı dedi-qodu tipli, yalan məlumatlar yetəri qədərdir. Yalan məlumatlar oxumaqdan çəkindiyiniz kimi, həmin məlumatları da paylaşmamağa diqqət yetirin.

Ölkə.Az