KORONAVİRUSA YOLUXANLARIN SAYI - CANLI STATİSTİKA

Koronavirus əşyaların səthində nə qədər canlı qalır?

Koronavirus əşyaların səthində nə qədər canlı qalır?
09:00
26.03.2020
1923
Ölkə
A
ABŞ-ın Xəstəliklərə Nəzarət və Profilaktikası Mərkəzi koronavirus infeksiyasının əşyaların səthi üzərində nə qədər müddətdə yaşaması ilə bağlı araşdırma aparıb.

"Ölkə.Az" xəbər verir ki, araşdırmalara əsasən, Covid-19 səth üzərində təxmin edildiyi kimi, 3 gün qalmır. Onun əşyalar üzərində yaşamı bundan 5 dəfə çoxdur.

Yaponiya və Kaliforniyadakı gəmilərdə karantində qalan sərnişinləri  təxliyyə etdikdən 17 gün sonra da virusun izlərinə rast gəlinib.

Bununla da o nəticəyə gəlinib ki, virus 5 qat daha artıq canlı qala bilir.

ŞƏRH YAZ
0

Avqustun 5-dən sonra bu mağazalar açıla bilər — AÇIQLAMA

Avqustun 5-dən sonra bu mağazalar açıla bilər
12:20
Bu gün
527
Ölkə
A
"Azərbaycanda mağazaların yoluxma riskini artırması çox aşağıdır. Supermarketlərin içində insanların çox olmasına baxmayaraq bu dövrdə yoluxma artmayıb. Yoluxma yalnız sıx təmas açıq-aşkar olduqda arta bilir".

"Ölkə.Az" baku.ws-ə istinadən xəbər verir ki, bu barədə Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov bildirib.

Nazirlik rəsmisi əlavə edib ki, paltar mağazalarının açılması bir çox ölkələrdə yoluxma sayının artmasına səbəb olmayıb:

"Çünki paltar mağazalarına yalnız ehtiyacı olanlar gedir. Amma istənilən halda bu mağazalarda maskadan istifadə və gigiyena qaydalarına riayət olunması təmin edilməlidir".

Qeyd edək ki, bəzi şəhər və rayonlarda tətbiq edilən sərtləşdirilmiş karantin rejmi avqust ayının 5-də, ölkə üzrə xüsusi karantin rejmi isə 31-də sona çatacaq. Avqustun 5-dən sonra Bakı və digər bölgələrdə karantin rejimi ilə bağlı bəzi yumşalmaların olacağı gözlənilir. 

ŞƏRH YAZ
0

İşsizlikdən sığorta qaydaları ilə bağlı mühüm dəyişiklik — Staj azaldılır

İşsizlikdən sığorta qaydaları ilə bağlı mühüm dəyişiklik
12:02
Bu gün
160
Ölkə
A
Dövlət orqanının və ya hüquqi şəxsin ləğv edilməsi, işçilərin sayı və ya ştatların ixtisar edilməsi əsasında əmək müqaviləsinə xitam verilmiş şəxslər üçün sığorta stajı üç ildən bir ilədək azaldılır.

"Ölkə.Az" oxu.az-a istinadən xəbər verir ki, bununla bağlı “İşsizlikdən sığorta haqqında” qanunun 13.2.2-ci maddəsinə dəyişikliyi nəzərdə tutan layihədə yazılıb.

Həmin maddəyə əsasən, işsizliyin başlanmasından əvvəlki 24 təqvim ayı ərzində 12 təqvim ayından az, lakin ən azı üç il sığorta stajı olan əmək qabiliyyətli şəxslərə – bu qanunun 16-cı maddəsində nəzərdə tutulan minimum sığorta ödənişi məbləğində pul ödənilir.

Qanunun 16-cı maddəsində isə yazılıb ki, minimum sığorta ödənişi müvafiq icra hakimiyyəti orqanı tərəfindən müəyyən edilmiş minimum aylıq əməkhaqqı məbləğinə bərabər tutulur.

Layihədə qeyd edilib ki, işsizliyin başlanmasından əvvəlki 24 təqvim ayı ərzində 12 təqvim ayından az, lakin ən azı bir il sığorta stajı olan əmək qabiliyyətli şəxslərə həmin 16-cı maddəsində nəzərdə tutulan minimum sığorta ödənişi məbləğində vəsait ödəniləcək.

Sənəd işsiz şəxslərin sosial müdafiəsinin gücləndirilməsi və işsizlikdən sığorta sisteminin əhatə dairəsinin genişləndirilməsi məqsədilə hazırlanıb.

Layihə Milli Məclisin avqustun 4-dən etibarən başlayacaq növbədənkənar sessiya müddətində müzakirəyə çıxarılacaq.

ŞƏRH YAZ
0
BAĞLA