KORONAVİRUSA YOLUXANLARIN SAYI - CANLI STATİSTİKA

Korrupsiyada şübhəli bilinən məmurlar saxlanıldı — ƏMƏLİYYAT - VİDEO

Korrupsiyada şübhəli bilinən məmurlar saxlanıldı
21:22
11.07.2020
3033
Hadisə
A
Azərbaycan Prezidenti İlham Əliyevin “Aqrar sahədə yeni subsidiya mexanizminin yaradılması haqqında” fərmanından irəli gələrək cari ilin əvvəlindən fermerlərə dövlət yardımlarının vahid mexanizm vasitəsilə çatdırılması prosesinə başlanılıb. Lakin həmin vəsaitlərin təyinatı üzrə istifadə olunmaması və bir qrup mütəşəkkil cinayətkar dəstə halında birləşən şəxslər tərəfindən mənimsənilməsində əsaslı şübhələr olduğundan bu istiqamətdə Daxili İşlər Nazirliyi və Baş Prokurorluğun əməkdaşları, Kənd Təsərrüfatı Nazirliyinin mütəxəssislərinin iştirakı ilə birgə xüsusi əməliyyat tədbirləri keçiriblər.

"Ölkə.Az" xəbər verir ki, Daxili İşlər Nazirliyi, Baş Prokurorluq və Kənd Təsərrüfatı Nazirliyinin Mətbuat Xidmətləri bununla bağlı birgə məlumat yayıblar.

Məlumata əsasən, kənd təsərrüfatına dövlət dəstəyindən sui-istifadə edərək bu sahəyə ayrılmış vəsaitləri saxta sənədlərə əsaslanan maliyyə əməliyyatları ilə nağdlaşdıraraq ələ keçirən mütəşəkkil dəstəyə daxil olan 30-a yaxın şəxsin dairəsi müəyyənləşdirilib. Həmin şəxslər ətrafında kompleks əməliyyat tədbirləri hazırlanaraq həyata keçirilib, onların cinayət əməlləri qeydə alınaraq zəruri sübutlar toplanılıb. Cinayətkar dəstəyə rəhbərlik edən Quba rayon sakini Elnur Haxtari və İmişli rayon sakini Hümmət Həsənov, eləcə də əlaqədar şirkətlərin vəzifəli şəxsləri də daxil olmaqla ümumilikdə 12 nəfər əməliyyat nəticəsində saxlanılaraq Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinə gətiriliblər.

Araşdırma zamanı müəyyən olub ki, həmin şəxslər əvvəlcə Quba, Xaçmaz, İmişli, Şəmkir və sair rayonlarda fəaliyyət göstərən fermerlərə məxsus subsidiya vəsaitlərinin köçürüldüyü kartları qanunsuz olaraq öz əllərində cəmləşdiriblər. Daha sonra dəstə üzvləri onlara yaxın olan adamların adlarına formal hüquqi şəxslər yaradaraq müxtəlif əmtəəsiz maliyyə əməliyyatları aparmaqla vəsaitləri nağdlaşdıraraq mənimsəyiblər.

İlkin araşdırmalarla, həmçinin o da müəyyən olunub ki, dəstə üzvləri tərəfindən yaradılan “High Agro”, “Rövşənoğlu Agro” MMC-lər və digər 6 fiziki şəxs vasitəsilə cari ilin 3 ayı ərzində Respublikanın ayrı-ayrı bölgəsindən 2000-dən artıq fermerə məxsus subsidiya kartları toplanılıb. Daha sonra kartlardakı  pul vəsaitləri saxta sənədlər əsasında formal şəxslərin adlarına yaradılmış şirkətlərin bank hesablarına köçürülüb və 25-40% ödəniş müqabilində nağdlaşdırılıb. Bu qanunsuz maliyyə əməliyyatları nəticəsində ümumilikdə 5 000 000 manata yaxın subsidiya üçün ayrılmış maddi vəsait təyinat üzrə istifadədən yayındırılaraq dəstə üzvləri tərəfindən mənimsənilib.

Əməliyyat zamanı dəstə başçılarının istifadə etdikləri ofislərə, avtomaşınlara və qeyri-yaşayış sahələrinə baxış zamanı çoxsaylı fermer kartları, külli miqdarda nağd pul, kartlardan vəsaitlərin yerində silinməsi üçün istifadə edilən mini POS-terminallar, elektron məlumat daşıyıcıları, kart sahibi olan fermerlərin siyahıları və sair maddi sübutlar aşkar olunaraq götürülüb.

Faktla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işi başlanılıb. Dəstə üzvləri barəsində Nərimanov rayon Məhkəməsinin qərarı ilə həbs qətimkan tədbiri seçilib. İş üzrə müvafiq istintaq və əməliyyat tədbirləri davam etdirilir.

Qeyd edək ki, dövlət tərəfindən kənd təsərrüfatı sahəsinin daha da inkişafı üçün fermerlərin kart hesablarına köçürülən subsidiyaların nağdlaşdırılması və başqa təyinatlar üzrə istifadəsi qadağan olunub. Həmin vəsaitdən kənd təsərrüfatı ilə məşğul olan şəxslər yalnız nağdsız ödəmələr etməklə gübrə, toxum və aqrar sektorda istifadə olunan sair məhsullar əldə edə bilərlər.

ŞƏRH YAZ
0

Gəncədə ər arvadını bıçaqlayıb

Gəncədə ər arvadını bıçaqlayıb
22:56
03.08.2020
172
Hadisə
A
Gəncədə bıçaqlanma hadisəsi baş verib.

"Ölkə.Az" apa-ya istinadən xəbər verir ki, hadisə şəhərdə yerləşən Xalça Kombinatının yataqxanasında qeydə alınıb.

1964 cü il təvəllüdlü İbrahimova Zərəfşan Eldar qızı 3 bıçaq xəsarəti ilə xəstəxanaya yerləşdirilib. Dərhal qadın əməliyyat olunub, vəziyyətinin kafi olduğu bildirilir.

İlkin məlumata görə, qadın ailə münaqişəsi zəminində həyat yoldaşı tərəfindən bıçaqlanıb. 

Faktla bağlı araşdırma aparılır.

Ölkə.Az

ŞƏRH YAZ
0

Qohumlar arasındakı mübahisənin sonu qanla bitdi — VİDEO

Qohumlar arasındakı mübahisənin sonu qanla bitdi
16:23
03.08.2020
566
Hadisə
A
Qohumlar arasında düşən mübahisə sonda qanla bitib.

"Ölkə.Az" BAKU.TV-yə istinadən xəbər verir ki, hadisə gecə saatlarında Şabran rayonunun Günəşli kəndində baş verib. Rayon sakini Taleh Atamoğlanov mübahisə zəminində dayısı oğlu Ələkbər Əmirovu bıçaqlayıb.

Onu yuxusundan oyadan qohumlar həyətdə kiçik məclis qurub, yeyib-içiblər. Daha sonra tərəflər arasında mübahisə baş verib. Mübahisə isə qanla bitib.

Qətli törədən Taleh Atamoğlanovun atası isə deyir ki, məclis keçirilən zaman oğlu içkili halda öz evində olub. Səs-küyü eşidib çölə çıxıb. Daha sonra isə evə qayıdıb bıçağa əl atıb.

Mərhumun doğmaları Ələkbərin ölümündə Şabran rayon xəstəxanasının həkimlərini günahlandırırlar.

Elə qarşı tərəfdən də Şabran xəstəxanasının həkimləri günahlandırılır. Bildirilir ki, mərhum ayaq nahiyəsindən bıçaq zərbəsi alıb. Amma ona yardım edilmədiyindən qanaxmadan həyatını itirib.

Qətli törədən Taleh ilə mərhum Ələkbər arasında əvvəllər heç bir mübahisə olmayıb, əksinə çox mehriban olublar.

Kənddə zəhmətkeş və sakit təbiətli biri olan Ələkbər evli olub. Bir övlad atası olan mərhumun bu yaxınlarda daha bir övladı da dünyaya göz açacaqmış.

Hazırda hadisəni törədən 1995-ci il təvəllüdlü Taleh Atamoğlanov polis tərəfindən saxlanılıb. Hadisə yerinə Şabran rayon Prokurorluğunun əməkdaşları tərəfindən baxış keçirilib və digər zəruri prosessual hərəkətlər yerinə yetirilib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, araşdırmalar davam edir.

ŞƏRH YAZ
0
BAĞLA