Maykl Cordan Bryantın ölümündən danışdı
Əfsanəvi basketbolçu Maykl Cordan dostu, NBA çempionu Kob Bryantın vəfatı üçün yas tutur.
“Ölkə.Az” xəbər verir ki, 41 yaşlı basketbolçu və 13 yaşlı qızı Cianna helikopter qəzasının qurbanı olublar.
Cordon faciəli xəbərin onu sarsıtdığını etiraf edib.
"Mən hiss etdiyim acılarımı sözlə izah edə bilmirəm. Kobu sevirdim, o mənim kiçik qardaşım kimi idi. Tez-tez bir-birimizlə danışırdıq, mən onun üçün çox darıxacam",- deyə o, bildirib.
Cordan Kobu basketbol tarixinin ən əfsanəvi oyunçularından biri adlandırıb. O, dostunun ailəsini çox sevdiyini və qızının basketbola olan sevgisi ilə fəxr etdiyini söyləyən, qayğıkeş bir ata olduğunu da qeyd edib.
Xatırladaq ki, Kob Bryanta məxsus özəl helikopter yanvarın 26-da Los-Anceles yaxınlığında qəzaya uğrayıb. Faciədə əfsanəvi idmançı və qızı olmaqla, 8 sərnişin həlak olub.
Ölkə.Az
