KORONAVİRUSA YOLUXANLARIN SAYI - CANLI STATİSTİKA

Mədəniyyət mərkəzi bərbad gündədir — FOTO

Mədəniyyət mərkəzi bərbad gündədir
00:08
17.05.2020
4260
Mədəniyyət
A
Xaçmazda mədəniyyət mərkəzi bərbad vəziyyətdədir.

"Ölkə.Az" oxu.az-a istinadən xəbər verir ki, bununla bağlı fotolar sosial şəbəkədə paylaşılıb. Söhbət Xaçmaz rayonu Ləcət kəndindən gedir.

Belə ki, kənd ərazisində Azərbaycan Respublikası Mədəniyyət Nazirliyinin Xaçmaz Regional Mədəniyyət İdarəsinin balansında olan, Heydər Əliyev adına Xaçmaz Rayon Mədəniyyət Mərkəzinin Ləcət kənd Folklor Klubu qəzalı vəziyyətdədir. Vətəndaşlar məsələ ilə bağlı aidiyyəti orqanların tədbir görməsini istəyir.

Mövzu ilə bağlı Mədəniyyət Nazirliyinin Xaçmaz Rayon Regional Mədəniyyət İdarəsi ilə əlaqə saxladıq. İdarədən Oxu.Az-a verilən məlumata görə, sözügedən bina özəlləşdirməyə çıxarılıb:

“Bu binanın digər hissələri bu qədər qəzalı vəziyyətdə deyil. Həmin hissələrdə fəaliyyət var. Ləcət kəndinin icra nümayəndəsi, klubun işçiləri də bu binada oturur. Eyni zamanda, binada kitabxana fəaliyyət göstərir. Xaçmaz rayonunda bu və bənzər vəziyyətdə olan binaların siyahısı hazırlanıb və aidiyyəti üzrə Əmlak Komitəsinə təqdim edilib.

Folklor Klubu da həmin siyahıda yer alır. Bina özəlləşdirməyə çıxarılıb. Vəziyyətdən asılı olaraq, özəlləşdirmə ilə bağlı proses uzun çəkərsə, binanın ləğv edilməsi nəzərdə tutulub. Özəlləşdirmə ilə bağlı əsasən, klub ilk olaraq 15 faiz aşağı qiymətə klubda çalışan işçilərə təklif olunur. Yox, əgər onlar imtina edirsə, tenderə çıxarılır. Pandemiya ilə əlaqədar görülməsi planlaşdırılan işlər müvəqqəti dayanıb. Fotolarda yalnız binanın zalı görünür. İçəridəki otaqlar bu qədər yarasız halda deyil. Ümumilikdə bina böyük olduğu üçün təmir-bərpa işləri böyük məbləğ tələb etdiyindən, bu, mümkün olmayıb. Gələcəkdə isə proseslər nə göstərər, dəqiq bilmirik”.

ŞƏRH YAZ
0

“Yaradıcılığımı nazir vəzifəsinə qurban vermək istəmirəm”

“Yaradıcılığımı nazir vəzifəsinə qurban vermək istəmirəm”
19:45
29.05.2020
1860
Mədəniyyət
A
“Mən insanların üzünə demədiklərimi arxasıyla danışa bilmirəm. Vəzifədə olan zaman tənqid edilməyib, sözlər deyilməyibsə, indi danışmağın mənası yoxdur”.

"Ölkə.Az" qafqazinfo-ya istinadən xəbər verir ki, bu sözləri Əməkdar incəsənət xadimi, Azərbaycan Dövlət Yuğ Teatrının baş rejissoru Mehriban Ələkbərzadə “3 D” proqramında qonaq olarkən deyib.

Məşhur rejissor bir neçə gün bundan əvvəl vəzifəsindən azad edilən Əbülfəs Qarayev barədə danışıb. O, Qarayev barədə sonradan yazılan tənqidlərin mənasız olduğunu bildirib.

Ələkbərzadə sözügedən vəzifəyə gəlmə barədə verilən sualı belə şərh edib: “Mədəniyyət naziri olmaq istəmirəm. Sosial şəbəkələrdə adıma rast gəlirəm. Yaradıcı insanam, bunu nəyəsə qurban vermək fikrində deyiləm. Ancaq teatrla bağlı hansısa bir sektorda bəlkə də, çalışa bilərəm. 5 ildən artıqdır ki, ənənəvi teatrda, Akademik Milli Dram Teatrında çalışan biri idim. YUĞ teatrında çalışmaq isə fərqli görünürdü. Əbülfəs Qarayev dedi ki, “YUĞ”a getməsən, teatr bağlanacaq, oranı yenidən ayağa qaldırmaq lazımdır. “YUĞ”a gələndə tamaşaçıların sayı səhnədə olan aktyorların sayından az idi. Zorla bilet sırıma yox idi. İndi bir tamaşaya baxmaq üçün 4-5 dəfə gəlib yer tapmamaq faktı ilə rastlaşırıq. Keyfiyyətli bir iş təqdim etdikdən sonra niyə tamaşaçı teatra gəlməsin ki?”

Ələkbərzadə bir zamanlar çalışdığı “Space TV”ni sərt şəkildə tənqid edib: “Telekanal hər gün tərbiyədə müstəsna rol oynayır. Bunu ancaq əyləncəyə, reklam bazarına çevirmək düzgün deyil. Gələcək nəsillər qarşısında böyük bir xətadır. Bütün KİV nəzərə almalıdır ki, biz yetərincə istirahət etmişik. Artıq maariflənmə işinə vaxt ayırmalıyıq. Adını çəkmək istəmədiyim kanal barədə bədbin fikirdəyəm. Meyar və tərəzini bərbad şəkildə pozub”.

Ölkə.Az

ŞƏRH YAZ
0

Əməkdar artistin vəziyyəti ağırlaşdı, reanimasiyaya yerləşdirildi — KORONAVİRUS ŞÜBHƏSİ VAR

Əməkdar artistin vəziyyəti ağırlaşdı, reanimasiyaya yerləşdirildi
20:35
27.05.2020
2214
Mədəniyyət
A
Xəbər veridiyimiz kimi Cəfər Cabbarlı adına İrəvan Dövlət Azərbaycan Dram Teatrının baş rejissoru, əməkdar artist Sərvər Əliyev pnevmoniya diaqnozu ilə xəstəxanaya yerləşdirilib.

Onun son vəziyyətini öyrənmək üçün “Ölkə.Az”ın əməkdaşı Əməkdar artistlə əlaqə saxlayıb. S. Əliyev açıqlamasında vəziyyətinin yaxşı olmadığını, hazırda müalicəsinin reanimasiya şöbəsində davam etdiyini bildirib:

“Hazırda vəziyyətim heç yaxşı deyil, hərarətim var. Reanimasiyaya yerləşdirilmişəm, müalicəmi burada davam etdirəcəyəm”,- deyə, o, qeyd edib.

Bundan başqa əməkdar artist pnevmoniya ilə yanaşı ürəyindən də əziyyət çəkdiyini bildirib:

“Pnevmoniyadan başqa ürəyimdə problem var. Tez-tez ağrılarım olur. Bu cür vəziyyət xəstəliyimi daha da ağırlaşdırır, həkimlərin də işini çətinləşdirir. Sağalmaq üçün bir neçə müalicə edirəm”,- deyə o, çətinliklə deyib.

Xəstəxanadakı vəziyyətindən söz açan S.Əliyev hər şeyin normal olduğunu açıqlayıb:

“Saxlanma vəziyyətimdən razıyam, sağ olsunlar həkimlər mənim üçün əllərindən gələni edirlər”.

Vüsalə Balayeva

Ölkə.Az

ŞƏRH YAZ
0
BAĞLA