KORONAVİRUSA YOLUXANLARIN SAYI - CANLI STATİSTİKA

Mədəniyyət və incəsənət xadimlərinə mükafatlar təqdim olundu

Mədəniyyət və incəsənət xadimlərinə mükafatlar təqdim olundu
16:30
16.05.2019
2296
Mədəniyyət
A
Mayın 16-da Mədəniyyət Nazirliyində Azərbaycan Respublikasının Prezidenti İlham Əliyevin müvafiq sərəncamları ilə təltif edilmiş mədəniyyət və incəsənət xadimlərinə mükafatlar təqdim olundu.

"Ölkə.Az" xəbər verir ki, mərasimdə çıxış edən mədəniyyət naziri Əbülfəs Qarayev ölkəmizdə mədəniyyət, incəsənət və elm sahəsinə göstərilən dövlət qayğısından danışdı. Vurğuladı ki, ulu öndər Heydər Əliyev Azərbaycana rəhbərliyinin bütün dövrlərində mədəniyyət və incəsənət xadimlərinə böyük diqqət və qayğı göstərib. Ümummilli liderin bu siyasəti hazırda Prezident İlham Əliyev tərəfindən uğurla davam etdirilir: “Dövlət başçısı hər zaman müxtəlif sahələrdə çalışan insanların əməyini yüksək qiymətləndirərək onları mükafatlandırıb. Ölkə həyatının digər sahələrindən fərqli olaraq, mədəniyyət sahəsində təltif edilənlərin sayı daha çoxdur. Bu da özlüyündə mədəniyyət xadimlərinin uğurlu fəaliyyətindən xəbər verir”.

Mədəniyyətimizin dünyada tanıdılması və təbliği istiqamətində görülən işlərdən söz açan nazir Birinci vitse-prezident, Heydər Əliyev Fondunun rəhbəri Mehriban xanım Əliyevanın bu sahədə müstəsna xidmətlərini xüsusi vurğuladı.

Əbülfəs Qarayev daha sonra dedi: “Sevindirici haldır ki, bu gün iki ayrı sahənin əməkdaşlarına mükafatlar təqdim edirik. Xalq artisti Hacı İsmayılov Azərbaycanın sevilən aktyorlarından biridir. Onun teatrda, kinoda yaratdığı obrazlar öz unikallığı ilə fərqlənir. Rollarının hər birinin məxsusi xarakteri var. Əməkdar artist Yadigar Muradov uzun illərdir Şuşa Dövlət Musiqili Dram Teatrına rəhbərlik edir və kollektiv maraqlı tamaşalar hazırlayır. Ötən ilin sonlarında teatrın binası yenidən qurularaq kollektivin istifadəsində verildi. İnanırıq ki, çox da uzaq olmayan bir vaxtda bu teatr öz doğma məkanında – Şuşada öz fəaliyyətini davam etdirəcək. “Nə? Harada? Nə zaman?” Televiziya Klubu Komandasının üzvləri Balakişi Qasımov və Elman Talıbov Azərbaycan gəncliyini beynəlxalq intellektual oyunlarda layiqincə təmsil edirlər”.

Sonra ölkə başçısının müvafiq sərəncamları ilə “Şöhrət” ordeni ilə təltif olunan Xalq artisti Hacı İsmayılov və “Tərəqqi” medalına layiq görülmüş Əməkdar artist Yadigar Muradov, Balakişi Qasımov, Elman Talıbova mükafatların vəsiqə və nişanları təqdim edildi. Nazir bütün təltif olunanlara cansağlığı, yeni uğurlar arzuladı.

Sonda mükafata layiq görülənlər çıxış edərək fəaliyyətlərinə verilən yüksək qiymətə, göstərilən diqqət və qayğıya görə ölkə başçısına dərin minnətdarlıqlarını bildirdilər.

Ölkə.Az

ŞƏRH YAZ
0

Azərbaycanlı kinooperator VƏFAT ETDİ — FOTO

Azərbaycanlı kinooperator VƏFAT ETDİ
21:51
08.08.2020
2244
Mədəniyyət
A
AzTV-nin keçmiş əməkdaşı Kamil Babayev vəfat edib.

“Ölkə.Az” xəbər verir ki, o, avqustun 8-i infarkt keçirib. Həkimlərin bütün səyinə baxmayaraq, Babayev gecə saatlarında İstanbul şəhərində dünyasını dəyişib.

Qeyd edək ki, Kamil Babayev 1947-ci ildə anadan olub. O, uzun illər (1963-2008) AzTV-də çalışıb. K. Babayev orada əvvəl işıqçı, səs rejissoru daha sonra isə kinooperator kimi fəaliyyətini davam etdirib.  Babayev dəfələrlə cəbhə bölgəsində, Xocalıda çəkilişlərdə iştirak edib. O, 2008-ci ildən Türkiyənin İstanbul şəhərində yaşayırdı.

Allah rəhmət etsin.

ŞƏRH YAZ
0

Hər konsert ərəfəsində əri tərəfindən döyülən, 17 yaşlı oğlunu itirən əməkdar artist — Bağırov ona bayquş demişdi

Hər konsert ərəfəsində əri tərəfindən döyülən, 17 yaşlı oğlunu itirən əməkdar artist
19:19
07.08.2020
1177
Mədəniyyət
A
Kulis.az məşhur xanəndə, Əməkdar artist Yavər Kələntərlinin həyatı haqqında maraqlı faktları təqdim edir

Yavər Kələntərli 26 mart 1902-ci ildə Şamaxıda anadan olub.

***

Dünyaya gələn gündən 40 gün sonra Şamaxıda dəhşətli zəlzələ baş verir və Yavər bu fəlakət zamanı atasını itirir.

***

Onların nəslinə Şamaxıda “çavuşlar” deyiblər. Yavər xanımın babası Şirvanda qəsidə oxumaqda məşhur olub. O, Mustafa xanın qəsidəçisiymiş.

Gallery

Araşdırmalarda o da bildirilir ki, görkəmli şair Abbas Səhhət Yavər xanımın bibisi oğlu olub.

***


Onların nəslində hamı muğamı, musiqini sevirdi. Məlahətli səsi olan Yavərə isə "Qız uşağı oxumaz" deyib onun səhnə ilə bağlı ümidlərini qırırdılar. O, da kömür damına qaçar, orda ürəyi boşalınca oxuyardı. Şöhrətli xanəndə olduğu vaxtlarda onu müayinə edən həkim təəccüblənmişdi: "Səsinizdə qəribə ahəng var, elə bil, kömür şaxtasında işləmisiniz".

***

1916-cı ildə məktəbdə Üzeyir Hacıbəyovun "Arşın mal alan" əsəri tamaşaya qoyulanda, Yavər tamaşada Əsgər rolunu oynayıb.

***

Sevdiyi oğlanla yox ailəsinin seçdiyi Xudaverdi Kələntərli adlı müəllimlə ailə qurub. Bu izdivacdan Şahbaz adlı oğlu dünyaya gəlib.

Gallery

Yavəri qohumları sənətdən, səhnədən uzaq tutmaq üçün əllərindən gələni etmişdilər. Ancaq onun məlahətli səsi bir gün bəstəkar Üzeyir Hacıbəyovun diqqətini çəkir. Üzeyir bəylə Yavərin qardaşı Hacıbala Zamanov Qori Seminariyasında bir yerdə oxumuş, sonralar isə yaxın dost olmuşdular. Üzeyir bəy Hacıbalagilə tez-tez gələrdi. Elə onlarda "Leyli və Məcnun" operasının məşqinin aparıldığı vaxtlarda da Üzeyir bəy Yavərin oxumasını dinləmişdi. Üzeyir bəyin aləmində bu səs elə onun Leylisinin səsiydi. Bəstəkarın təklifi Yavərgilin ailəsində razılıqla qarşılanmadı. Amma ona etiraz da edə bilmədilər. Yavər 1922-ci ildə birillik musiqi kursunu bitirdi.

Üzeyir bəyin təklifi ilə Yavər Kələntərli məşhur xanəndələr Cabbar Qaryağdıoğlundan və Seyid Şuşinskidən dərs aldıqdan sonra 1937-ci ildə onu Mirzə Fətəli Axundov adına Opera və Balet Teatrına dəvət etdilər

***
Həyat yoldaşı Xudaverdi Kələntərli onun məşhurluğunu həzm edə bilmir. Münasibətləri gərginləşir. Hətta Yavər konsertə hazırlaşan gün Xudaverdi onu amansızcasına döyür, bədənində izlər buraxırdı. Yavər dəfələrlə səhnəyə bədənindəki qançır yerlərinin ağrısıyla çıxıb oxuyardı. O dövrdə Yavərin ailə münaqişəsi zəminində zorakılığa məruz qalması haqqında o dövrdə qəzetlərdə yazılar çıxır. Həyat yoldaşının əziyyətlərinə dözə bilməyən sənətkar nəhayət on səkkiz illik evlilik həyatına son qoyur.

***

Yeganə oğlu Şahbazı on yeddi yaşında ağır xəstəlikdən itirən Yavər Kələntərli teatrdan uzaqlaşmaq qərarı verir. Üzeyir bəyin təşəbbüsü ilə hər ay teatrdan maaş alsa da, səhnəyə qayıtmır. Bir gün Ü.Hacıbəyli Səməd Vurğun ilə ona baş çəkməyə gedirlər. Yavər xanım böyük bəstəkarın sözündən çıxmır. Beləliklə, o, yenidən opera səhnəsinə qayıdır.

***

Üzeyir Hacıbəyli vəfat edəndə Yavər Kələntərli onun tabutu başında ağı deyib. Yanıqlı bir səslə ucadan oxuyur və ağlayırmış. Başını yuxarı qaldırarkən yanında Azərbaycan SSR-in rəhbəri Mircəfər Bağırovu görür. Səsini qəflətən kəsir və nə edəcəyini bilmir. M.Bağırov dəsmalını çıxarır gözlərinin yaşını silə-silə “oxu, oxu, dayanma”, deyir.

Gallery

Böyük Vətən müharibəsi başlananda Yavər Kələntərli döyüş bölgələrinə gedər, hospitallarda yaralı döyüşçülərin qarşısında çıxış edərdi. Günlərin birində Mircəfər Bağırov Yavər Kələntərlinin səsini radioda eşidib qəzəblənir:
- Müharibədir. Onsuz da hər gün respublikaya cəbhədən qara xəbərlər gəlir. Bu cür ifalar xalqın dərdini daha da artırır. Kəsin bu bayquşun ulartısını, kəsin!!!
Məhz bundan sonra Yavər Kələntərlinin radioda çıxışına bir müddət icazə vermirlər.

***

Yavər Kələntərli 5 fevral 1979-cu ildə vəfat edib.

Gallery

Gallery

Gallery

Gallery

ŞƏRH YAZ
0
BAĞLA