KORONAVİRUSA YOLUXANLARIN SAYI - CANLI STATİSTİKA

Məhkəmə XİN-in həbsdə olan vəzifəliləri barədə qərar verdi

Məhkəmə XİN-in həbsdə olan vəzifəliləri barədə qərar verdi
12:38
09.07.2020
4032
Ölkə
A
Bakı Apellyasiya Məhkəməsində Xarici İşlər Nazirliyində (XİN) Dövlət Təhlükəsizliyi Xidmətinin (DTX) keçirdiyi əməliyyat zamanı saxlanılan vəzifəli şəxsləri barələrində seçilmiş həbs qətimkan tədbirindən verilmiş şikayətə baxılıb.

"Ölkə.az" xəbər verir ki, “Report”un məlumatına görə, hakim İlqar Murğuzovun sədrlik etdiyi iclasda qərar elan edilib. 

Qərara əsasən, şikayətlər təmin edilməyib.

Qeyd edək ki, Dövlət Təhlükəsizliyi Xidmətində aparılan cinayət işi üzrə Fərhad Molla-zadə və Səlim Əlizadə vəzifə səlahiyyətlərindən sui-istifadə etmə, mənimsəmə, rüşvətalma, Nurupaşa Abdullayev isə rüşvətalma faktlarına görə Cinayət Məcəlləsinin müvafiq maddələri ilə təqsirləndirilən şəxs qismində cəlb edilərək barələrində məhkəmənin qərarı ilə həbs qətimkan tədbiri seçilib.

Rəsmi məlumata görə, XİN-in ayrı-ayrı strukturlarının fəaliyyətinin təmin edilməsi üçün nəzərdə tutulan dövlət vəsaitlərinin ələ keçirilməsi, müxtəlif fəaliyyət istiqamətləri üzrə, eləcə də xarici ölkə vətəndaşlarının viza müraciətləri ilə bağlı rüşvət alınması və sair hüquqazidd əməllərin törədilməsi ilə bağlı əldə edilmiş məlumatlar araşdırılmış, XİN-in İşlər idarəsinin müdiri, Nazirliyin Tender Komissiyasının sədri Fərhad Molla-zadə, İşlər idarəsinin Təsərrüfat şöbəsinin müdiri Səlim Əlizadə və Konsulluq idarəsinin Konsulluq-hüquq şöbəsinin rəisi Nurupaşa Abdullayev tərəfindən çoxsaylı qanunsuz əməllərə yol vermələrinə əsaslı şübhələr müəyyən edilib.
Məhkəmənin qərarları əsasında, Fərhad Molla-zadənin, Səlim Əlizadənin, Nurupaşa Abdullayevin xidməti və yaşadıqları ünvanlara, habelə dövlət vəsaitlərinin əmtəəsiz əməliyyatlarla mənimsənilməsi üçün yaradılmış hüquqi şəxslərə dair sənədlərin və işlərin görülməsi üçün vəsait ayrılması müqabilində rüşvət ödənildiyi barədə sənədlərin olduğu yerlərə baxış keçirilib. Həmin ünvanlardan XİN-in vəzifəli şəxslərinə qaytarılmış nağd pul vəsaitlərinin məbləğlərinə dair müxtəlif qeydlər, pul vəsaitləri və iş üzrə əhəmiyyət kəsb edən digər dəlillər aşkar edilərək götürülüb.

İstintaq araşdırmaları zamanı Fərhad Molla-zadə və Səlim Əlizadə tərəfindən XİN-in strukturlarının fəaliyyətinin təmin edilməsi məqsədilə dövlət büdcəsindən ayrılan vəsaitlərin bir hissəsinin müntəzəm olaraq mənimsənilməsinə əsaslı şübhələr müəyyən edilib.

Həmçinin Fərhad Molla-zadənin və Səlim Əlizadənin XİN-in təsərrüfat tələbatları üzrə malların alınması, işlərin görülməsi üçün hesablarına pul köçürülən sahibkarlardan həmin vəsaitin müəyyən hissəsi dəyərində rüşvətin istənilərək almalarına dair məlumatlar əldə olunub.

Bundan başqa, aparılan araşdırmalarla Xarici İşlər Nazirliyinin Konsulluq idarəsinin Konsulluq-hüquq şöbəsinin rəisi Nurupaşa Abdullayevin vəzifə səlahiyyətlərindən istifadə edərək elektron vizanın tətbiq olunmadığı xarici ölkə vətəndaşlarının Azərbaycan Respublikasına gələ bilmələri üçün viza müraciətlərinin təmin edilməsi ilə bağlı qanunazidd hərəkətlər müqabilində müntəzəm rüşvət almasına əsaslı şübhələr müəyyən edilib.

Hazırda cinayət işi üzrə istintaq-əməliyyat tədbirləri davam etdirilir.

ŞƏRH YAZ
0

Gürcüstandan 300-dən çox azərbaycanlı təxliyə olunur

Gürcüstandan 300-dən çox azərbaycanlı təxliyə olunur
18:38
Bu gün
103
Ölkə
A
Gürcüstanda daha 352 nəfər azərbaycanlının Azərbaycana təxliyəsi prosesi başlanılıb.

"Ölkə.Az" Report-a istinadən xəbər verir ki, hazırda həmin şəxslər Azərbaycanın Gürcüstandakı səfirliyinin binası qarşısında toplaşır.

Onların hamısının ötən gün koronavirusla bağlı verdikləri testlərin cavabı neqativ çıxıb. Həmin şəxslərin 107-si Azərbaycan vətəndaşı, 233-ü Gürcüstan, 12-si isə Rusiya vətəndaşıdır.

Təxliyə olunan şəxslər səfirlikdən COVID-19 arayışı aldıqdan sonra saat 10:00-da 6 avtobusla Azərbaycanla sərhəddəki “Qırmızı körpü” sərhəd-keçid məntəqəsinə çatdırılacaqlar.

Qeyd edək ki, indiyədək Gürcüstan vasitəsilə min nəfərdən çox azərbaycanlının Azərbaycana çatdırılması təmin olunub.  

ŞƏRH YAZ
0

Sumqayıtda ağır qəza: Maşın aşdı, yaralılar var — FOTO

Sumqayıtda ağır qəza: Maşın aşdı, yaralılar var
18:24
Bu gün
228
Ölkə
A
Sumqayıt şəhərində avtomobil yol kənarında dayanan digər maşına çırpılaraq aşıb.

''Ölkə.Az'' oxu.az-a istinadən xəbər verir ki, hadisə şəhərin 10-cu mikrorayon ərazisində, Koroğlu prospektində baş verib. 

Belə ki, “Mitsubishi” markalı, 99 RE 741 dövlət nömrə nişanlı minik maşınının sürücüsü idarəetməni itirərək, nəqliyyat vasitəsini yol kənarında dayanan “Chevrolet Aveo” markalı, 50 CJ 868 dövlət nömrə nişanlı avtomobilə çırpıb. Zərbənin gücündən “Mitsubishi” aşıb.

Nəticədə, aşan maşında olan iki nəfər şəxs ağır xəsarət alıb. Hadisə yerinə Sumqayıt Şəhər Polis İdarəsinin Dövlət Yol Polisi Şöbəsinin və Sumqayıt Şəhər Təcili Tibbi Yardım Xəstəxanasının briqadası cəlb olunub.

Yaralılara ilkin tibbi yardım göstərildikdən sonra onlar xəstəxanaya aparılıb. Qəza zamanı ölən ölmasa da, hər iki avromobilə ciddi ziyan dəyib. 

Faktla bağlı araşdırma aparılır.

Ölkə.Az

ŞƏRH YAZ
0
BAĞLA