KORONAVİRUSA YOLUXANLARIN SAYI - CANLI STATİSTİKA

Məmmədyarov italiyalı həmkarını Bakıya dəvət etdi

Məmmədyarov italiyalı həmkarını Bakıya dəvət etdi
00:56
15.07.2020
1903
Siyasət
A
İyulun 14-də Xarici İşlər naziri Elmar Məmmədyarovla İtaliyanın Xarici İşlər və beynəlxalq əməkdaşlıq naziri Luici Di Maio arasında telefon danışığı olub.

"Ölkə.Az" XİN Mətbuat xidməti idarəsinə istinadən xəbər verir ki, E.Məmmədyarov Ermənistan silahlı qüvvələrinin Azərbaycan və Ermənistan dövlət sərhədində hərbi təxribatının qarşısının alınması, bölgədə davam edən gərgin vəziyyət barədə məlumat verib.

O, bölgədəki gərginliyin səbəbinin Ermənistanın təcavüzkar siyasəti olduğunu qeyd edib və işğalçı qüvvələrin Azərbaycanın Dağlıq Qarabağ və ətraf yeddi rayonundan çıxarılmasının zəruri olduğunu vurğulayıb.

E.Məmmədyarov Ermənistanın son hərbi təxribatı da daxil olmaqla, Ermənistan-Azərbaycan münaqişəsinin həlli ilə bağlı İtaliyanın sərgilədiyi mövqeyə, Azərbaycanın ərazi bütövlüyünə dəstəyini və beynəlxalq tanınmış sərhədlərinin toxunulmazlığını hər zaman vurğuladığına görə təşəkkürünü ifadə edib.

Söhbət əsnasında nazirlər iki ölkə arasında mövcud olan strateji tərəfdaşlıq münasibətlərinin müxtəlif istiqamətləri üzrə fikir mübadiləsi aparıblar. Azərbaycan Respublikasının Prezidenti İlham Əliyevin İtaliyaya həyata keçirilən dövlət səfərini iki ölkə arasında siyasi dialoqun və hərtərəfli əməkdaşlığın yüksək səviyyəsinin göstəricisi kimi qiymətləndiriblər.

Nazirlər “Azərbaycan Respublikası ilə İtaliya Respublikası arasında Çoxölçülü Strateji Tərəfdaşlığın gücləndirilməsinə dair Birgə Bəyənnamə” ilə tərəflərin bu strateji tərəfdaşlığı çoxölçülü, hərtərəfli formada siyasi, iqtisadi-ticarət, enerji, mədəniyyət, elm-təhsil və digər sahələrdə əməkdaşlığı daha da gücləndirmək istəklərini ortaya qoyduqlarını qeyd ediblər.

Tərəflər, həmçinin iki ölkə arasında iqtisadi sahədə əməkdaşlığın daha da dərinləşdirilməsi üçün Azərbaycan Respublikası və İtaliya Respublikası arasında iqtisadi əməkdaşlıq üzrə Hökumətlərarası Komissiyanın fəaliyyətini müzakirə ediblər.

Cənubi Qaz Dəhlizinin müəyyən edilmiş qrafik üzrə fəaliyyəti, eləcə də Azərbaycan-Avropa İttifaqı arasında münasibətləri nazirlər tərəfindən müzakirə olunub.

E.Məmmədyarov pandemiya ilə bağlı vəziyyət normallaşdıqdan sonra italiyalı həmkarını Bakıya səfərə dəvət edib.

Ölkə.Az

ŞƏRH YAZ
0

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib — FOTO

Hikmət Hacıyevin EFE informasiya agentliyinə müsahibəsi bir sıra ölkələrin qəzet və xəbər saytlarında dərc edilib
00:04
Bu gün
226
Siyasət
A
Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyevin İspaniyanın EFE informasiya agentliyinə müsahibəsi İspaniyanın “Lavanguardia” qəzeti ilə yanaşı, ABŞ-ın “Holanews”, Dominikan Respublikasının “Diariolibre” qəzetlərinin elektron platformalarında, Argentinanın “Infobae” xəbər saytında, Yahoo! News- Yahoo! tərəfindən yaradılan xəbər aqreqatorunda dərc edilib.

"Ölkə.Az" AZƏRTAC-a istinadən xəbər verir ki, “Azərbaycanın səbri tükənməz deyil” sərlövhəsi ilə dərc olunan müsahibədə ispandilli oxuculara Ermənistan-Azərbaycan Dağlıq Qarabağ münaqişəsi, Ermənistan silahlı qüvvələrinin Azərbaycanla sərhəddə törətdiyi son hərbi təxribat və onun nəticələri barədə məlumat verilir.

Hikmət Hacıyev müsahibədə rəsmi Bakının Ermənistan-Azərbaycan münaqişənin danışıqlar yolu ilə həllinin tərəfdarı olduğunu bildirir. Qeyd olunur ki, Azərbaycan Respublikasının ermənilər tərəfindən işğal edilmiş Dağlıq Qarabağ bölgəsi və ona bitişik yeddi rayon BMT Təhlükəsizlik Şurasının qətnamələrində müəyyən edildiyi kimi qeyd-şərtsiz işğaldan azad edilməlidir.

Hikmət Hacıyev vurğulayıb: “Əks halda Azərbaycan BMT Nizamnaməsinin 51-ci maddəsinə uyğun olaraq öz ərazi bütövlüyünü qorumaq və sərhədlərinin toxunulmazlığını təmin etmək hüququnu saxlayır”.

O xəbərdarlıq edib ki, erməni silahlı qüvvələrinin Azərbaycanın işğal edilmiş ərazilərində qeyri-qanuni hərbi iştirakı qabaqcadan söylənilə bilməyəcək potensial nəticələr riskinin mənbəyidir və Ermənistanın işğalçılıq siyasətini davam etdirməsi onun orta əsirlərə dair fikirlərə bağlılığını sübut edir.

Hikmət Hacıyev həmin müsahibəsində deyir: “Ermənistan münaqişənin həllində maraqlı deyil, o, indiki status-kvonu möhkəmlətməyə və onun müddətini uzatmağa çalışır.

Otuz ilə yaxındır ki, biz danışıqlar prosesində iştirak edirik. “Strateji təmkin” adlandırıla biləcək bu fakt ölkəmizin məsələyə konstruktiv münasibətinin parlaq nümunəsidir. Lakin biz nəticə əldə edilməsinə yönəlmiş məzmunlu danışıqların tərəfdarıyıq”.

H.Hacıyev xəbərdarlıq edib ki, Bakı danışıqlar xatirinə danışığa getməyəcək, danışıqlar əbədi davam edə bilməz, çünki “indiki status-kvo yolverilməzdir və dəyişməlidir”.

“Azərbaycanın səbri tükənməz deyil”, - deyən H.Hacıyev vurğulayıb ki, işğal hərbi cinayətlərlə və insanlığa qarşı cinayətlərlə, etnik təmizləmələrlə müşayiət olunub. Münaqişə nəticəsində 1 milyondan çox azərbaycanlı qaçqın və məcburi köçkün vəziyyətinə düşüb. Prezidentin köməkçisinin sözlərinə görə, Ermənistan başa düşməlidir ki, XXI əsrdə beynəlxalq münasibətlər cəngəlliklər qanunu ilə nizamlana bilməz.

İyulun 12-dən başlayaraq Azərbaycan-Ermənistan sərhədinin Tovuz rayonu istiqamətində atəşkəs rejiminin vaxtaşırı pozulmasına, azərbaycanlı hərbi qulluqçuların və bir nəfər dinc sakinin həlak olmasına gəldikdə isə, H.Hacıyev bu hadisələri qəsdən törədilmiş təxribat, Azərbaycanın suverenliyinə və ərazi bütövlüyünə qarşı təcavüz adlandırıb. Onun fikrincə, Yerevan bu hərəkətləri etməklə bir neçə məqsəd güdür. Onun bir məqsədi qlobal neft-qaz və nəqliyyat layihələrinin Azərbaycanın şimal-qərbində Tovuz rayonunda yerləşən strateji infrastrukturuna ziyan vurmaqdır.

H.Hacıyev bildirib ki, Ermənistan rəhbərliyinin daha bir məqsədi Ermənistanda ictimai rəyi daxili problemlərdən, amanabənd sosial-iqtisadi vəziyyətdən, müxalifətçilərin təqib edilməsindən və COVID-19 pandemiyasından yayındırmaq idi.

Hikmət Hacıyev sonda diqqətə çatdırıb ki, Ermənistan Kollektiv Təhlükəsizlik Müqaviləsi Təşkilatını bu münaqişəyə cəlb etməyə çalışıb. Azərbaycan Prezidentinin köməkçisi vurğulayıb: “Azərbaycan Ordusu bütün hücumları dəf etdi və Yerevan öz məqsədlərinin heç birinə nail olmadı”.

ŞƏRH YAZ
0

Lukaşenko: “Mənim Kolyam heç vaxt prezident olmayacaq”

Lukaşenko: “Mənim Kolyam heç vaxt prezident olmayacaq”
23:35
06.08.2020
393
Siyasət
A
Belarus prezidenti Aleksandr Lukaşenko bildirib ki, 15 yaşlı oğlu Nikolayı özünə varis hazırlamır.

"Ölkə.Az"ın məlumatına görə, bu barədə o, “Dmitri Qordonun qonaqlığında” verilişində deyib.

"Yox, mənim Kolyam, yəqin ki, heç vaxt prezident olmayacaq. Mən istəmirəm (...ki, Nikolay prezident olsun - red)", - Lukaşenko “Dmitri Qordonun qonaqlığında” “YouTube” kanalında müsahibəsində bildirib.

O qeyd edib ki, seçkiqabağı kampaniyası ərzində oğlu Nikolay başqa uşaq olub, böyüyüb. Bu halda dövlət başçısı vurğulayıb ki, oğlu kimya, biologiyanı və ingilis dilini yaxşı bilir.

Belarusda prezident seçkiləri avqustun 9-a təyin edilib, ən yüksək dövlət postuna Lukaşenko da daxil olmaqla, beş nəfər iddialıdır. Lukaşenko altıncı dəfədir ki, prezidentliyə namizəddir.report

ŞƏRH YAZ
0
BAĞLA