KORONAVİRUSA YOLUXANLARIN SAYI - CANLI STATİSTİKA

“15 mərtəbəli binanın 17-ci mərtəbəsi” — Dövlət Komitəsi tikintini dayandırdı – VİDEO

“15 mərtəbəli binanın 17-ci mərtəbəsi”
01:14
15.01.2020
5166
Ölkə
A
Belə yerdə o məşhur roman yada düşür, “5 mərtəbəli evin 6-cı mərtəbəsi”. Amma bu nə roman deyil, nə də əsər, bu paytaxt Bakının Günəşli qəsəbəsində yerləşən binadır, 15 mərtəbli binanın 17-ci mərtəbəsi.

Mövzu ilə bağlı ARB TV-nin “Günə Doğru” proqramında süjet yayımlanıb.

Hazırda həmin o 15 mərtəbəyə əlavə edilən 2 mərtəbənin tikinti prosesi davam edir. Görünür şirkət sahibi illər öncə istifadəyə verilən binaya növbəti 2 mərtəbə əlavə etmək qərarına gəlib. Amma hələ ki, həmin o 2 mərtəbə binanın yalnız müəyyən bir hissəsinə əlavə edilir.

Sakin: “Mən 15-ci mərtəbədə yaşayıram. Tikintiyə görə divar kağızlarımız qopur, tökülür, tavan zədələnib, döşəmə yararsız vəziyyətə düşüb”.

 “Badu Kube” MMC tərəfindən inşa olunan binanın təməli 2005-ci ildən qoyulub. 5-6 il öncə sakinlərin istifadəsinə verilib. Bu yaxında isə “Arko” MMC adlı başqa bir şirkət yaşayış olan 15 mərtəbəli binaya əlavə 2 mərtəbə artırmağa başlayıb.

Asif Əsədullazadə - Tikinti şirkətinin nümayəndəsi: “Sadəcə bu podratçı təşkilat onu 12 mərtəbədə saxladı, sonradan 15-i tamamladı. Vəsait olmadığına görə, qaldı yarımçıq”.

Deyilənlərin həqiqət olub-olmadığını öyrənmək üçün binanın layihə sənədlərinə baxmaq istədik. Tikinti şirkətinin digər nümayəndəsinin cavabı belə oldu, o sənəd göstərmədi və otağın qapısını üzümüzə bağladı.

Ekpertlərin sözlərinə görə, belə bir tikintinin aparılması yolverilməzdir. Lap layihədə nəzərdə tutulsa belə, artıq istismara verilmiş, yaşayış gedən binada tikinti aparmaq olmaz.

Şirin Şərifov – Ekspert: “Bunun konstruksiyası neçə mərtəbəyə icazə verirsə, ondan artıq tikmək qəti qadağandır. Yəni yolverilməzdir. İnsanlar yaşayırsa, artıq istismara verilibsə, orada ümumiyətlə tikinti aparılması düzgün deyil”.

Artıq məsələ ilə bağlı Dövlət Şəhərsalma və Arxitektura Komitəsi tərəfindən araşdırma aparılıb və binada tikinti işlərinin dayandırılmasına qərar verilib.

ŞƏRH YAZ
0

Bu yol İcra Hakimiyyətindən alınıb AAYDA-nın balansına verildi

Bu yol İcra Hakimiyyətindən alınıb AAYDA-nın balansına verildi
23:33
04.08.2020
149
Ölkə
A
İvanovka-Hacıhətəmli-Mollaisaqlı avtomobil yolu İsmayıllı Rayon İcra Hakimiyyətinin balansından Azərbaycan Avtomobil Yolları Dövlət Agentliyinin balansına verilib.

"Ölkə.Az" APA-ya istinadən xəbər verir ki, bu, Nazirlər Kabinetinin "İsmayıllı RİH-in balansında olan İvanovka-Hacıhətəmli-Mollaisaqlı avtomobil yolunun Azərbaycan Avtomobil Yolları Dövlət Agentliyinin balansına verilməsi barədə" qərarında əksini tapıb. 

Həmçinin "Azərbaycan Respublikasının yerli əhəmiyyətli avtomobil yollarının siyahısı"nda da dəyişiklik edilib. 

Uzunluğu 29 km olan İvanovka-Hacıhətəmli-Mollaisaqlı yolu bu siyahıya əlavə edilib

ŞƏRH YAZ
0

Bu şəxslər xidməti vəsiqələr əsasında rayonlara gedə bilərlər

Bu şəxslər xidməti vəsiqələr əsasında rayonlara gedə bilərlər
21:54
04.08.2020
924
Ölkə
A
Xəbər verdiyimiz kimi, Baş Nazir Əli Əsədov xüsusi karantin rejiminin sərtləşdirilməsi ilə bağlı əlavə tədbirlər barədə qərar imzalayıb.

"Ölkə.Az" xəbər verir ki, qərara əsasən Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisinə xidməti zərurətlə əlaqədar giriş-çıxış aşağıdakı şəxslərə xidməti vəsiqələri əsasında icazə veriləcək. 

1. Azərbaycan Respublikası Prezidentinin Administrasiyasının, Azərbaycan Respublikası Prezidentinin İşlər İdarəsinin, Azərbaycan Respublikası Xüsusi Tibb Xidmətinin, Azərbaycan Respublikası Nazirlər Kabineti Aparatının və Azərbaycan Respublikası Nazirlər Kabinetinin İşlər İdarəsinin əməkdaşları ezamiyyə vərəqələri olduğu halda;

 

2. Azərbaycan Respublikası Milli Məclisinin deputatları və ezamiyyə vərəqələri olduğu halda Milli Məclisin Aparatının əməkdaşları;

3. mərkəzi və yerli icra hakimiyyəti orqanlarının rəhbərləri və ezamiyyə vərəqələri olduğu halda onların müavinləri;

4. dövlətə məxsus olan hüquqi şəxslərin, o cümlədən dövlət adından yaradılan publik hüquqi şəxslərin rəhbərləri və ezamiyyə vərəqələri olduğu halda onların müavinləri;

5. hüquq mühafizə, məhkəmə və hərbi xidmət nəzərdə tutulmuş orqanların əməkdaşları, vəkillər ezamiyyə vərəqələri olduğu halda;

6. Azərbaycan Respublikasında akkreditasiya olunmuş diplomatik nümayəndəliklərin və beynəlxalq təşkilatların əməkdaşları və onların yerli heyəti (Azərbaycan Respublikasının Xarici İşlər Nazirliyi tərəfindən verilmiş akkreditasiya kartları əsasında);

1.2.2. aşağıdakı şəxslər barəsində məlumatlar işəgötürən tərəfindən gücləndirilmiş elektron imzadan istifadə edilməklə “icaze.e-gov.az” portalına daxil edilən ezamiyyə vərəqələri əsasında:

1. bu Qərarın 1.2.1-ci yarımbəndində qeyd olunanlar istisna olmaqla, digər dövlət orqanlarının (qurumlarının) əməkdaşları;

2. “ASAN Könüllüləri” İctimai Birliyinin, “Aqrar İnkişaf Könüllüləri” Hərəkatının, “Regional İnkişaf” İctimai Birliyinin, “Bir” tələbə-könüllülərinin, Azərbaycan Respublikası Əmək və Əhalinin Sosial Müdafiəsi Nazirliyinin könüllüləri;

3. bu Qərarın əlavəsində nəzərdə tutulan sahələrdə fəaliyyət göstərən özəl hüquqi şəxslərin işçiləri və hüquqi şəxs yaratmadan sahibkarlıq fəaliyyəti ilə məşğul olan fiziki şəxslər və onların işçiləri;

4. fəaliyyətinin davam etdirilməsinə icazə verilməmiş özəl hüquqi şəxslərin mühafizəsi və texniki təhlükəsizliyinin təmin edilməsi üçün tələb olunan əməkdaşları.

ŞƏRH YAZ
0
BAĞLA