Mətn ölçüsü:
  • 100%

Məşhur yazıçılarımızın ailələri haqqında NADİR FAKTLAR

Tariximizə iz qoyan dahilər haqqında nə qədər çox şey bilsək də, onların bilinməyən tərəflərini, yəni ailə həyatları haqqında, övladları haqqında bir o qədər az məlumatlıyıq.

''Ölkə.Az'' dahilərin övladlarının araşdırmasını təqdim edir.

Cəlil Məmmədquluzadə - İlk evliliyi 1896-cı ildə Həlimə adlı xanımla olur. Onların bu nikahdan Münəvvər adlı qızları dünyaya gəlib. Lakin çox keçmir ki, Həlimə xanım vəfat edir və yazıçı ikinci dəfə 1903-cü ildə Nazlı xanım Kəngərli ilə nikah bağlayır. Nazlı xanım ölü uşaq dünyaya gətirdiyi üçün əsəb xəstəliyinə tutulub vəfat edir. Cəlil Məmmədquluzadə 3-cü dəfə 1907-ci ildə Həmidə xanım Əhmədbəy qızı Cavanşirlə ailə qurub və Midhət, Ənvər adlı iki oğlu dünyaya gəlib. Qeyd edək ki, ədibin Səkinə adlı bacısı erkən vəfat etdiyinə görə və onun iki oğlu, bir qızı Mirzə Cəlilin himayəsində böyüyüb.

Картинки по запросу celil memmedquluzade

Mirzə Ələkbər Sabir - Şair 1887-ci ildə öz qohumu olan Billurnisə adlı xanımla evlənir. On beş il ərzində dahi şairin 8 qızı və 1 oğlu dünyaya gəlib. Lakin Şamaxıda baş vermiş zəlzələ nəticəsində ailəsi faciəli şəkildə vəfat edib.

Картинки по запросу mirzə ələkbər sabir

Mirzə İbrahimov -Yazıçı böyük sevgi və rəğbət bəslədiyi Sara adlı xanımla evlənib. Və onların ikisi qız ikisi oğlan olmaqla 4 övladları dünyaya gəlib. Qızı Sevda İbrahimova  Azərbaycan Respublikasının əməkdar incəsənət xadimi, bəstəkar və professordur.

Картинки по запросу mirzə ibrahimovun uşaqları

Mirzə Fətəli Axundzadə - Axundzadə 1842-ci ildə himayəsində böyüdüyü Axund Hacı Ələsgərin qızı Tubu xanımla evlənib. Bu evlilikdən düz 13 uşaq dünyaya gəlsə də ,onlardan sadəcə ikisi - oğlu Rəşid və qızı Nisa qalır.

Картинки по запросу mirzə fətəli axundov

Xurşidbanu Natəvan - Xan qızı Natavan Xasay xan Usmiyevlə izdivac qurub, Tiflisə köçüb. 1855-ci ildə Xurşidbanunun oğlu Mehdiqulu, 1856-cı ildə qızı Xanbikə dünyaya gəlib. Qızı Xanbikə xanım da anasının yolunu davam etdirərək, qəzəllər və rübailər yazıb.

Картинки по запросу xurşidbanu natəvan

Abbas Səhhət - Ədib Soltannisə adlı xanımla ailə qurub. İki il övladı olmayan ailə Dostuxanım adlı 2 yaşlı qızı övladlığa götürüblər. Lakin on ildən sonra Səhhətin üzü gülür və Ruqiyyə adında qız övladı dünyaya gəlir. 

Картинки по запросу abbas səhhət xanımı

Hüseyn Cavid -1918-ci ildə Mişkinaz Molla Hüseyn qızı ilə ailə həyatı qurub. 1919-cu ildə oğlu Ərtoğrul Cavid anadan olub. Ərtoğrul bəstəkar kimi fəaliyyət göstərib. 1923-cü ildə qızı Turan Cavid anadan olub. O 1981-ci il, Hüseyn Cavidin ev muzeyi yarandığı gündən ömrünün sonuna kimi həmin müzeyə rəhbərlik etmişdir. Turan Cavid ''Əməkdar mədəniyyət işçisi'' fəxri adına layiq görülüb. 

Картинки по запросу hüseyn cavid

Cəfər Cabbarlı - Dramaturq 1922-ci ildə əmisi qızı Sona xanımla evlənib. Bu evlilikdən onun Aydın və Gülarə adlı iki övladı var. Oğlu Aydın tibb elmləri namizədi olub. Qızı Gülarə isə filoloq və atası Cəfərin ev müzeyinin direktoru idi.

Картинки по запросу cəfər cabbarlı
 
Həsən Bəy Zərdabi -Həlimə xanım Məlikova ilə ailə həyatı qurub. Onların ailəsində 4 qız ( Pəri xanım Məlikova, Fatimə xanım Məlikova, bir yaşına çatmamış vəfat edən üçüncü qızı və sonbeşik qızları Qərib Soltan Məlikova) və iki oğlan (Midhət bəy Məlikov və Səffət bəy Məlikov) övladı olub.

Картинки по запросу həsən bəy zərdabi ailə həyatı

Hazırladı: Nərmin Nuru

Ölkə.Az