Mikroavtobusla minik maşını toqquşdu
Şirvan şəhərində ölümlə nəticələnən ağır yol qəzası baş verib.
"Ölkə.Az" baku.ws-ə istinadən xəbər verir ki, bildirilir ki, 9 saylı sərnişin avtobusu “VAZ-21014” markalı avtomobillə toqquşub.
Qəza zamanı “VAZ”ın sürücüsü yerindəcə keçinib. Onun meyiti maşında sıxılaraq qalıb.
Əraziyə cəlb edilən Fövqəladə Hallar Nazirliyinin xilasediciləri sürücünün meyitini 2 saat ərzində maşından çıxarıblar.
Baş Dövlət Yol Polisi İdarəsinin şöbə rəisi, polis polkovnik-leytenantı Rüfət Quliyev bildirib ki, hadisə bu gün saat 15 radələrində Şirvan şəhərində qeydə alınıb.
“Mercedes” markalı mikroavtobusla minik maşını toqquşub. Hadisə zamanı bir nəfər ölüb.
Hadisə yerindən çəkilən görüntüləri təqdim edirik.
