KORONAVİRUSA YOLUXANLARIN SAYI - CANLI STATİSTİKA

Millət vəkili: “Ermənilər Rusiyanın və rus xalqının kürəyinə hər an bıçaq sancmağa hazırdırlar”

Millət vəkili: “Ermənilər Rusiyanın və rus xalqının kürəyinə hər an bıçaq sancmağa hazırdırlar”
13:50
01.08.2020
544
Siyasət
A
“Cənab Prezidentimiz İlham Əliyevin Balakəndə ASAN xidmət kompleksinin açılışında etdiyi nitqində işğalçı Ermənistanla bağlı söylədiyi fikirlər həm də Azərbaycan ictimaiyyətinin mövqeyini ifadə etdiyndən əhəmiyyətlidir. Hər şeydən əvvəl, dövlət başçımız iyul ayında Ermənistan – Azərbaycan dövlət sərhədində erməni silahlı təxribatının qarşısını alarkən şücaət göstərən gənc Azərbaycan əsgər və zabitlərinin xidmətini yüksək qiymətləndirdi. Düşmənin başına zərbənin endirilməsinin cəmiyyətimizdə böyük ruh yüksəkliyi yaratdığını bildirdi”.

 Bunu “Ölkə.Az”a açıqlamasında millət vəkili Musa Qasımlı deyib.

Millət vəkili bildirib ki, sərt karantin rejiminə baxmayaraq, həmin hadisələrdən sonra Bakı küçələrinə axışan on minlərlə insan Ali Baş Komandanı  və ordumuzu müdafiə edərək təcavüzkar ölkəyə qarşı döyüşməyə hazır olduqlarını bildirdilər: “Bu, qürurverici bir mənzərə idi.

İkincisi, sərhəddə təxribat törədərək diqqəti işğalçı qoşunlarla təmas xəttindən yayındırmaq və üzv olduğu KTMT-ni cəlb etmək istəyən Ermənistan niyyətinə çatmadı. Çünki bu təşkilatın üzvləri yaxşı bilirlər ki, təqsirkar təcavüzkar Ermənistandır. 

Üçüncüsü, Ermənistan və ermənilər Rusiyaya və rus xalqına, Qazaxıstana  nifrət edirlər, Belarusa az qala düşmən ölkə kimi baxırlar. Onlar Rusiyanın ayaqlarının altını qazırlar və kürəyinə istənilən an bıçaq sancmağa hazırdılar. Hətta saxtakar erməni “alimləri” Rusiya ərazilərinə iddia edərək, “Qara dəniz Ermənistanı” fikirlərini təbliğ etməyə başlayıblar.

Dördüncüsü, Azərbaycanı isə bir sıra dövlətlər, 5 ölkədən ibarət olan Türkdilli Dövlətlərin Əməkdaşlıq Şurası, 57 ölkədən ibarət olan  İslam Əməkdaşlıq Təşkilatı, 120 ölkədən ibarət olan  Qoşulmama Hərəkatı dəstəklədi. NATO üzvü olan qardaş Türkiyə,  KTMT-nin üzvü olan Belarus Qoşulmama Hərəkatının,  Qazaxıstan  Türk Dövlətləri Şurasının, Tacikistan isə  İƏT-in üzvü kimi dəstək verdilər. Bu isə cənab Prezidentin rəhbərliyi altında dövlətimizin xarici siyasət xəttinin milli-dövlət maraqlarımıza tamamilə cavab verdiyini bir daha göstərdi.

Nəhayət, Balakəndəki nitqində dövlət başçımız Ermənistanın cəfəng təkliflərini də qəti şəkildə rədd edərək zibil qutusuna atdı və bildirdi ki, ölkəmizin ərazi bütövlüyünün bərpası bir nömrəli məsələdir, hansı vasitələrlə olursa-olsun bu məqsədə nail olunacaqdır. İşğalçı qoşunlar torpaqlarımızdan çıxmasa, sülh olmayacaq və təcavüzkar peşman olacaqdır. Dövlət başıçısının söylədiyi  “başqa ölkələrin torpağında bizim gözümüz yoxdur, öz torpağımızı da heç kimə verən deyilik” – sözlər bütün millətimizi dövlətimizin ətrafında daha sıx birləşdirir. Bütün bunlar göstərir ki, cənab Prezidentimiz gücünü millətimizdən alır, millətimizlə iqtidar arasında sıx birlik mövcuddur”.

Mürtəza
Ölkə.Az

ŞƏRH YAZ
0

Deputat: “Ermənistanın silahlanması işğalçılıq siyasətinin xidmət etməklə, beynəlxalq sülhə ciddi təhlükə yardır”

Deputat: “Ermənistanın silahlanması işğalçılıq siyasətinin xidmət etməklə, beynəlxalq sülhə ciddi  təhlükə yardır”
16:31
Bu gün
214
Siyasət
A
İşğalçı Ermənistanın beynəlxalq konvensiyaları, o cümlədən “Avropada adi silahlar haqqında” Müqaviləsinin şərtlərini və prinsiplərini kobud surətdə pozması Ermənistan-Azərbaycan Dağlıq Qarabağ münaqişəsinin ədalətli həlli istiqamətində aparılan sülh danışıqlarının həllinə deyil, əksinə işğalçılıq siyasətinin möhkəmlənməsinə xidmət edir.

Bunu “Ölkə.Az”a açıqlamasında millət vəkili Sabir Hacıyev deyib.

Millət vəkili bildirib ki, dünya ölkələrinin işğalçılıq siyasəti yürüdən və beynəlxalq hüquq prinsiplərini pozaraq  qonşu ölkələrə ərazi iddiası ilə çıxış edib, ölkələrin ərazisini işğal edən  Ermənistana silah satması beynəlxalq sülhə, sabitliyə və təhlükəsizliyə ciddi təhdid yaradır. “Almaniyada fəaliyyət göstərən "Bonn International Center for Conversion'' (BICC) təşkilatının hazırladığı "Global Militarisation Index'' məruzələrinə istinad etsək görərik ki, Ermənistan son 15 ildə  Avropada ən çox silahlanmış dövlətləri sırasında ilk cərgədə durur. 2012-ci ildən etibarən  işğlaçı Ermənistan silahlanma yarışında  dünya ölkələri sırasında ilk 3-də yer alıb. Ermənistanın silahlanması  nə bölgədə, nə də dünyada sülühün, sabitliyin bərqərar olmasına yox, əksinə gərginliyin yaranmasına, işğalçılıq siyasətinin möhkəmləndirilməsinə xidmət edir. Beynəlxalq aləmin Ermənistanın bu mərkli niyyətindən xəbərdar olduğu halda,  bu dövlətin silahlanmasına və  mövcud sabitliyin, inkişafın, bölgə ölkələrinin inteqrasiyasına ciddi təhdid yaradan və buna mane olan  hərəkətinə  qarşı çıxmaq, onun işğalçılıq, destruktiv  hərəkətindən geri otuzdurmaq əvəzinə şərait yaradılması heç anlaşılan deyil. Beynəlxalq aləmin, xüsusən də Ermənistan-Azərbaycan, Dağlıq Qarabağ münaqişəsinin danışıqlar yolu ilə həlli istiqamətində vasitəçilik missiyasını həyata keçirən  ATƏT MQ həmsədr ölkələrin mövqeləri Azərbaycan cəmiyyətində ancaq və ancaq təəssüf hissi doğrur. ATƏT MQ həmsədrlərinin Ermənistanın silahlanmasına etiraz edib, ona qarşı sanksiyalar tətbiq etmək əvəzinə  göz yumması  bu qurumun münaqişənin həllində ədalətli mövqe sərgiləməsinə inamı itirib”, - millət vəkili qeyd edib.

Sabir Hacıyev əlavə edib ki, Ermənistan əldə etdiyi bu silahları ilk növbədə Azərbaycana qarşı istifadə edib, işğalçılıq mövqeyini möhkəmləndirməyə, əlavə ərazilər işğal etməyə çalışır: “ Ermənistan ordusu iyulun 12-də Azərbaycanın dövlət sərhəddinin Tovuz istiqamətində belə bir cəhdə əl atdı, amma bu cəhd uğursuzluğa düçar oldu. Düzdür, Ermənistan belə bir təxribata əl atmaqla üçüncü tərəfi, daha doğrusu Kollektiv Təhlükəsizlik Müqavilə Təşkilatına (KTMT) üzv olan ölkələri  bu prosesə cəlb etmək istəyirdi, ancaq niyyətləri puça çıxdı. Ermənistan baxmayaraq ki, 1992-ci ildən təşkilatın yarandığı ilk gündən KTMT üzvü olsa da, üzv ölkələrlə əməkdaşlığı yüksək olmayıb.  Əksinə KTMT üzv ölkələrinin Azərbaycanla daha sıx münasibəti olub. Ona görə də Ermənistanın bu niyyəti baş tutmadı və Ermənistana dəstək vermədilər. Əslində KTMT-yə üzv ölkələr bu mövqeyi ilə Azərbaycanın yanında olduqlarını göstərdilər”.

Azərbaycanla  bəzi dost ölkələrin Ermənistana silah verməsini qınayan  deputat bildirib ki, hər zaman Azərbaycanın dəstək verdiyi Serbiyanın Ermənistana silah verməsi heç cür anlaşılan deyil: “Ermənistan ordusunun iyulun 12-də Azərbaycana qarşı törətdiyi təxribat hadisəsindən bir neçə gün öncə Serbiyadan çox sayda silah-sursat, o cümlədən minaatan və müxtəlif kalibrli döyüş sursatı göndərilməsi ciddi etirazla qarşılandı və Belqradın bu hərəkəti kəskin formada qınanıldı. Serbiyanın bu hərəkəti rəsmi Bakı tərəfindən iki ölkə arasındakı mövcud münasibətlərini ruhuna zidd olduğu və bundan təəssüf hissi keçirildiyi qeyd edildi. Çünki ən çətin günlərdə Serbiya həmişə Azərbaycanın dəstəyini hiss edib. Bir neçə ay əvvəl rəsmi Bakı koronavirusla mübarizə üçün Belqrada humanitar yardım göndərdi. Bundan əlavə, Azərbaycan dəfələrlə Serbiyanın suverenliyinə, ərazi bütövlüyünə birmənalı dəstəyini bəyan edib və Kosovanın müstəqilliyini tanımayıb. Ona görə də Azərbaycan rəsmi formada Serbiyaya öz etirazını bildirdi. Bunun nəticəsi olaraq avqustun 7-də Serbiya Prezidenti Aleksandr Vuçiç Azərbaycan Prezidenti İlham Əliyevə telefonla zəng edərək, iyul ayında Ermənistan-Azərbaycan sərhədində Ermənistanın təxribatı nəticəsində baş vermiş hadisələr zamanı Ermənistan tərəfinin Serbiyada istehsal olunan silahlardan istifadə etməsindən təəssüf hissi keçirdiyini bildirdi. Vəziyyətin araşdırılması məqsədi ilə Serbiyanın Baş nazirinin müavini, Milli Təhlükəsizlik Şurasının katibi və Daxili İşlər naziri Neboyşa Stefanoviç Azərbaycana səfər etməli oldu. Bakıda keçirilən görüşlərdə bir daha iki ölkə arasındakı münasibətlərə ciddi xələl gətirəcək hərəkətlərə yol verilməməsi və təhlükəsizlik, həssas informasiyaların mübadiləsi və digər mühüm istiqamətlər üzrə əməkdaşlıq məsələləri müzakirə edildi.

Ermənistan  təkcə rəsmi formada deyil, eyni zamanda müxtəlif ölkələrdən gizli yolla silah alır. Bu da bölgədə ciddi narahatçılığa səbəb olur. Ona görə də beynəlxalq təşkilatlar, ilk növbədə ATƏT MQ həmsədr ölkələr Ermənistanın silahlanmasının qarşısını almalı və yürütdüyü işğlaçılıq siyasətə görə sanksiyalar tətbiq edilməlidir. Əks təqdirdə gələcəkdə bölgədə yarana biləcək hər hansı hərbi eskalasiya zamanı məsuliyyət beynəlxalq aləmin və ATƏT-in üzərinə düşəcək. Çünki nə  ATƏT, nə də digər beynəlxalq təşkilatlar zamanında Ermənistanın silahlanmasına qarşı çıxıb, beynəlxalq konvensiyaları kobud surətdə pozmasının qarşısını almamasıdır. 
Hesab edirəm ki, hələ də gec deyil. Beynəlxalq təşkilatlar, o cümlədən ATƏT MQ həmsədr ölkələri  işğlaçı Ermənistana təzyiq edərək, bu ölkənin silahlanmasının qarşısını almağı və işğalçılıq siyasətindən geri durmağa vadar etməlidir. Əgər sabah hər hansı hərbi əməliyyatlar başlasa Ermənistanın əldə etdiyi silahlar o qədər də əhəmiyyətli rol oynamayacaq. Ermənistan nə qədər silahlansa da, Azərbaycan ordusundan zəif olaraq qalacaq. Ermənistan bunu yaxşı bilir.  Bildiyinə görə də, nə qədər gec deyil Ermənistan və ona havadarlıq edənlər işğlaçılıq siyasətindən əl çəkib, münaqişəni  beynəlxalq hüququn prinsiplərinə uyğun olaraq, Azərbaycanın ərazi bütövlüyü çərçivəsində danışıqlar yolu ilə həllinə nail oldun. Bu nə qədər tez olsa, bir o qədər yaxşıdır. Əgər bu nə qədər tez baş versə, bundan daha çox udan Ermənistan olacaq. Əksinə silahlanma Ermənistana indiyədək heç bir xeyir gətirmədiyi kimi, bundan sonra da gətirməyəcək. Silahlanma Ermənistana ancaq bədbəxtlik vəd edir”.

Mürtəza 
Ölkə.Az

ŞƏRH YAZ
0

Elmar Məmmədyarovdan ölkədən çıxmasına qadağa qoyulması ilə bağlı — AÇIQLAMA

Elmar Məmmədyarovdan ölkədən çıxmasına qadağa qoyulması ilə bağlı
16:16
Bu gün
321
Siyasət
A
Azərbaycanın sabiq Xarici İşlər naziri Elmar Məmmədyarovun ölkədən çıxışına məhdudiyyət qoyulması ilə bağlı məlumat yayılıb.

"Ölkə.Az" xəbər verir ki, unikal.org-a açıqlama verən Elmar Məmmədyarov yayılan məlumatın həqiqəti əks etdirmədiyini bildirib:

“Haqqımda yayılan məlumat yalandır. Şüvəlandakı bağımda dincəlirəm.

Həmçinin, ölkədən çıxmağa niyyətim və getməyə də yerim yoxdur.

Pandemiya vaxtı hara gedirəm? Onu da deyim ki, istintaqa çağırılmamışam”.

ŞƏRH YAZ
0
BAĞLA