KORONAVİRUSA YOLUXANLARIN SAYI - CANLI STATİSTİKA

"MRT-yə ödəyəcəyim pulun miqdarını söyləyəndə şoka düşdüm" — Türkiyədə müalicə alan Xalq artisti

23:00
13.12.2019
20417
Maqazin
A
"Türkiyədə müalicəm işə yaradı. Özümü yaxşı hiss edirəm. Amma müalicəmi davam etdirmək üçün yenidən Türkiyəyə qayıtmalıyam".

"Ölkə.Az" bildirir ki, bu sözləri Xalq artisti Naibə Allahverdiyeva bildirib. Aktrisa Türkiyədə aldığı müalicəsinin ona baha başa gəldiyini bildirib:

“Beyin və qan təzyiqimin yuxarı olması ilə bağlı səhhətimdə ciddi problemlər yarandı. Ona görə də Türkiyəyə getdim. İnanın, müalicəm mənə baha başa gəldi. Orada həkimlər və müalicə çox bahalıdır. Həddindən artıq çox pulum çıxdı”.

N.Allahverdiyeva müalicəsi ilə bağlı maliyyə baxımından aldadıldığını da dilə gətirib, gileyləndi:

“Türkiyədə müalicə aldığım klinikanın distribüteri Bakıda da var. Onların yolu ilə Türkiyədəki həmin klinikaya getdim. Amma məni aldatdılar. Mənim vəziyyətim elə kritik idi ki, götür-qoy etməyə və düşünməyə zamanım yox idi. Təcili olaraq getməli idim. Türkiyədə soyuldum. Çox bahaçılıqdır. Türk vətəndaşlarının tibbi sığortası var. Ona görə onların xəstəxanalara bizim kimi külli miqdarda xərcləri çıxmır. Bakıdan gedəndə Türkiyədəki klinikanın bu qədər baha olduğunu mənə söyləmədilər. Ora tək getməmişdim, yanımda yaxın qohumum var idi. Özümdə-sözümdə deyildim. MRT-yə ödəcəyim pulun miqdarını mənə söyləyəndə şoka düşdüm”.

Bir iynənin ucbatından komaya düşüb, vəziyyəti ağırlaşan xalq artisti Bakıda müalicəsinin onun üçün riskli olduğunu anlayıb, məhz bu səbəbdən Türkiyəyə üz tutduğunu vurğuladı:

“Bakıda müalicəmə kifayət qədər böyük məbləğdə pul xərclədim. Onlar mənə dəqiq diaqnoz da qoya bilmədilər. Vəziyyətin daha da gərginləşdiyini gördükdən sonra, qorxub, təlaşlanıb çarəni Türkiyəyə getməkdə gördüm. Səhhətim çox pis və ağır idi. Burada müalicə aparmaqdan imtina etdim. Çünki həkimin bir iynəsi məni “koma halı”na saldı, “şoka” düşdüm. Bundan sonra gözüm çox qorxdu. O üzdən qərar verdim ki, Türkiyəyə gedib, orada müalicə almalıyam.

Mən artıq işə çıxıram. Mədəniyyət Nazirliyi, bir çox sənət yoldaşlarım və məni sevən pərəstişkarlarım zəng vurub səhhətimlə maraqlandılar. Onların hər birinə öz təşəkkürümü bildirirəm”.

Qeyd edək ki, bir müddət bundan əvvəl Naibə Allahverdiyeva əsəblərinin pozulduğunu və qan təzyiqindən əziyyət çəkdiyini bildirmişdi. (oxu.az)

ŞƏRH YAZ
0

Koronavirus dərmanını reklam edən məşhurlar CƏZALANDIRILDI

Koronavirus dərmanını reklam edən məşhurlar CƏZALANDIRILDI
10:54
Bu gün
226
Maqazin
A
Türkiyəli məşhur fenomen və müğənnilər koronavirus dərmanını reklam etdikləri üçün cərimələniblər.

‘’Ölkə.Az’’ xəbər verir ki, türkiyəli müğənni Seda Sayan və bir neçə məşhur ‘’No Attack’’ adlı dərmanı reklam etdikləri üçün cərimə olunublar. Onlar sosial media hesablarında dərman barəsində Koronavirusa qarşı qoruyur, hətta istənilən virusa yoluxmanın qarşısını alır sözlərinə görə 104 min 781 lira cərimələniblər. Eyni zamanda dərmanın istehsal edən şirkət də böyük məbləğdə cəzalandırılıb.

 Koronavirüse iyi geliyor diyerek ürün tanıtan ünlülere ceza yağdı

No Attack ilacının üreticisi Cüneyt Alacacı kendini savundu! - Son dakika  yaşam haberleri

Ölkə.Az

ŞƏRH YAZ
0

Bu meyvəni yeyin, təzyiqdən xilas olun

Bu meyvəni yeyin, təzyiqdən xilas olun
02:01
Bu gün
600
Maqazin
A
Həkimlər hipertoniya riskini azaldan ən yaxşı meyvəni müəyyənləşdiriblər.

“Ölkə.Az” report-a  istinadən xəbər verir ki, quava meyvəsinin şirəsi təzyiqi sürətli şəkildə aşağı salır. 

“Quava hipertoniyası olan insanlar üçün əla səhər yeməyidir. Bu meyvədə damarları genişləndirmə effekti verən böyük miqdarda C vitamini var”, - diyetoloq Sara Brüer bildirib.

Həkimlərin sözlərinə görə, quavadan gündəlik qidalanma təzyiqi 7,5-8,5 mm civə sütunu aşağı sala bilər.

Bundan başqa, quava zərərli xolesterin səviyyəsinin 7% azalmasına səbəb olur.

“Quava C vitamini, antioksidant və kaliumun ən yaxşı mənbəyidir. Səhər quava ilə qidalanın, meyvə salatlarına əlavə edin, şirəsini için. Meyvəni alarkən onun şirinləşdirilmədiyinə diqqət yetirin”, - S.Brüer əlavə edib.   

Bu meyvəni yeyin, təzyiqdən xilas olun

Ölkə.Az

ŞƏRH YAZ
0
BAĞLA