Mübariz Mənsimova yardım edənlər həbs olunacaq
Bundan başqa, məhkəmənin qərarına əməl olunmadığı halda dünya miqyasında M.Mənsimovun birbaşa və ya dolayısı ilə sahi olduğu bütün şirkətlərin hesablarının və aktivlərinin dondurulmasını və ticarət əməliyyatlarını qadağan edilməsini nəzərdə tutur.
İngiltərə Ali Məhkəməsinin qərarına əsasən, Mübariz Mənsimov və “Palmali Holdinq”in İngiltərə və Uelsdəki ümumilikdə 261,94 milyon ABŞ dollarlıq aktivlərinə həbs qoyub.
Borc bataqlığında batan M. Mənsimov artıq öz işçilərinin aylıq maaşını verməkdə belə çətinlik çəkməkdədir. Onun mülkiyyəti, gəmilərin dəyəri isə 100 milyon dollar həcmində dəyərləndirir.
Türkiyənin “Milliyet” qəzetinin yazdığına görə, Almaniya bankı kreditlərini ödəyə bilmədiyindən, onun gəmilərinə həbs qoyub. Almaniyanın “HSH NORDBANK”-ın "Palmali Dry Holding" və "Palmali Holding"ə verdiyi krediti ödəmədiyinə görə 6 yük gəmisini borc əvəzi alıb. Yerdə qalan 27 milyon dolları 2018-ci ildən bəri ödəyə bilmədiyinə görə isə bank “MIRZAAGA KHALILOV”, “NAKHCHIVAN”, “ISMAYIL SHIKHLY”, “SHIRVAN”, “RIAD AHMEDOV” və “AKHMED MAHMUDOV” gəmilərinə həbs qoyub. Hazırda həmin gəmilərin banka verilməsi istiqamətində işlər başlanılıb.
M. Mənsimova qarşı proses bununla bitməyib. Belə ki, Rusiya məhkəməsi də M. Mənsimovun borcuna görə, onun holdinqinə məxsus həbs qoyduğu gəmiləri satışa çıxarmaq barədə qərar çıxarıb. Rostov Məhkəməsinin 2018-ci ilin noyabr ayında "Palmali Holding" Rusiyaya məxsus “Sberbank” a olan 220 milyon dollarlıq borcuna görə "Palmali Rostov LLC"-nin mülkiyyətində olan, 46-sı neftdaşıyan gəmi olmaqla, ümumilikdə 52 gəmisinə həbs qoyub. Məhkəmənin qərarı ilə "Palmali Rostov LLC" müflis elan edildiyindən şirkətə məxsus 43 gəmi hələ 2019-cu ilin sentyabrında satışa çıxarılıb. Satışa çıxarılan gəmilər isə bankın borcunu ödəmədiyindən Rusiya tərəfi İngiltərə Ali Məhkəməsinə müraciət etməli oldu. Müraciətin nəticəsi olaraq 4 may 2020-ci ildə İngiltərə məhkəməsi Palmali Holding və Mübariz Mənsimovun dünyadakı bütün mülkiyyətinə və bank hesablarına həbs qoyulması ilə bağlı Rusiyanın “Sberbank”ının xeyrinə qərar vermiş oldu.
Məhkəmənin qərarına əsasən M. Mənsimova və "Palmali"yə hər hansı formada yardım edənlər məsuliyyətə cəlb olunaraq həbs cəzası alacaq, mülkiyyətlərinə həbs qoyulacaq. Bununla da Mübariz Mənsimovla hər hansı formada əlaqəsi olan bütün şirkətlərin hesablarına və mülkiyyətinə həbs qoyulduğundan, onlarla hər hansı ticarət edilməsi də qadağan olunub.
Çünki İngiltərə Məhkəməsi də onun bütün bank hesablaırna və mülkiyyətinə həbs qoyması və onunla ticarət edilməsinin qadağan edilməsi Mübariz Mənsimova “ağ bayraq” qaldırmaqdan başqa yol buraxmır. Artıq o istəsə belə, üzləşdiyi iflasdan çıxa bilməycək və daha çətin vəziyyətlə üzləşəcək.
Ölkə.Az
