KORONAVİRUSA YOLUXANLARIN SAYI - CANLI STATİSTİKA

Müdafiə Nazirliyi məlumat yaydı

Müdafiə Nazirliyi məlumat yaydı
09:28
13.07.2020
5574
Ölkə
A

Ermənistan silahlı qüvvələrinin bölmələri cəbhənin müxtəlif istiqamətlərində gərginliyi artırmaq məqsədilə iriçaplı pulemyotlardan, qumbaraatanlardan, snayper tüfənglərindən, 60, 82 və 120 millimetrlik minaatanlardan və digər artilleriya qurğularından da istifadə etməklə sutka ərzində atəşkəs rejimini 70 dəfə pozub.
Ermənistan Respublikası Berd rayonunun Mosesqex kəndində yerləşən mövqelərdən Tovuz rayonunun Ağdam kəndində yerləşən mövqelərimiz atəşə tutulub.
Ağdam rayonunun işğal altında olan Novruzlu, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
Düşmən cavab atəşi ilə susdurulub, əməliyyat şəraiti bölmələrimizin tam nəzarəti altındadır.

ŞƏRH YAZ
0

Ermənistan ordusuna 40 yaşlı muzdlular cəlb edilir

Ermənistan ordusuna 40 yaşlı muzdlular cəlb edilir
19:32
Bu gün
20
Ölkə
A
"Ermənistan ordusunda şəxsi heyətin tam komplektləşdirilməsi ilə bağlı ciddi problemlər mövcuddur. Artıq ermənilər bu problemi gizlədə bilmirlər".

''Ölkə.Az'' xəbər verir ki, bunu "Report"a açıqlamasında hərbi şərhçi Ramil Məmmədli bildirib. 

O deyib ki, Ermənistan ordusu 40 yaşa qədər şəxsləri artilleriyaçı, mühəndis istehkamçı, sınayper, qumbaraatan, pulemyotçu və digər vəzifələrə xidmətə cəlb etmək üçün elan verib. Müraciətdə muzdluların işğal olunmuş Azərbaycan ərazilərində, yəni Dağlıq Qarabağda xidmət keçəcəkləri bildirilir. Onlara həvəsləndirici imtiyazlar da vəd edilir.

R.Məmmədlinin sözlərinə görə, Ermənistan hərbi birləşmələrində canlı qüvvə ilə bağlı yaranan problemin kökündə minlərlə erməninin ordu sıralarında xidmətdən boyun qaçırması dayanır: "Erməni gəncləri hərbi xidmətdən yayınmaq üçün ölkəni tərk ediblər və bu proses indi də davam edir. Məhz bu səbəbdən də sıravi əsgər vəzifələrinə muzdlu döyüşçüləri cəlb etmək istəyirlər. Əslində bu kimi hallar hər zaman olub. Sadəcə olaraq, artıq rəsmi şəkildə müraciət etmək məcburiyyətində qalıblar". 

Hərbi şərhçi hesab edir ki, işğal olunmuş Azərbaycan ərazilərində hərbi xidmətə cəlb olunan muzdluların arasında xarici vətəndaşların olma ehtimalı da var: "Hətta bununla bağlı konkret fikir də bildirmək olar. Əgər hərbi xidmət keçmək üçün çağırışçıların sayı qənaətbəxş olsaydı, Ermənistan sıravi əsgər vəzifələrinə muzdlu döyüşçü qəbulu ilə bağlı belə bir addımı atmazdı. Demək, ermənilər ön xəttə döyüşə cəlb etmək üçün xaricdən muzdlu döyüşçülər də cəlb edirlər. Bu, istisna deyil. Biz birinci Qarabağ savaşında da bunun şahidi olmuşuq".

R.Məmmədli qeyd edib ki, Ermənistan xaricdən muzdlu döyüşçülər cəlb etməklə itkilərini də gizlədə bilir: "Çünki döyüşdə ölən muzdlu barəsində rəsmi açıqlama verməyə də ehtiyac qalmır".

Ölkə.Az

ŞƏRH YAZ
0

Məcburi köçkünlərin yaşadığı ərazidə sürüşmə baş verib

Məcburi köçkünlərin yaşadığı ərazidə sürüşmə baş verib
19:18
Bu gün
76
Ölkə
A
Avqustun 8-də Mingəçevir şəhərindəki keçmiş turist bazasında (Turbaza), məcburi köçkünlərin müvəqqəti məskunlaşdığı ərazidə torpaq sürüşməsi baş verib.

''Ölkə.Az'' report-a istinadən xəbər verir ki, Qaçqınların və Məcburi Köçkünlərin İşləri üzrə Dövlət Komitəsindən verilən məlumata görə, Dövlət Komitəsinin nümayəndələri hadisə yerində olublar.

Hadisə nəticəsində ikisi Ağdam, biri Kəlbəcər rayonundan olmaqla 3 məcburi köçkün ailəsinin müvəqqəti yaşayış yerinə ziyan dəyib. Dövlət Komitəsi həmin yaşayış yerlərində qısa müddətdə zəruri təmir-bərpa işləri aparacaq.

Mingəçevir şəhərindəki “Turbaza” adlanan ərazidə 50-yə yaxın məcburi köçkün ailəsi yaşayır. Bu ailələrin əksəriyyəti Ağdam və Kəlbəcər rayonlarından olan məcburi köçkünlərdir. Onların yeni yaşayış sahələrinə köçürülməsi məsələsinə bölgədə məcburi köçkünlər üçün gələcəkdə yeni qəsəbələr salınarkən mövcud qaydalar çərçivəsində baxılacaqdır. 

Xatırladaq ki, indiyədək Mingəçevirdə 2004-cü ildə 412 ailəlik “Yeni həyat” qəsəbəsi, 2013-cü ildə 504 ailəlik qəsəbə, 2015-ci ildə 594 mənzilli ümumilikdə 1510 ailəlik üç qəsəbə istifadəyə verilib. 

Azərbaycan Respublikası Prezidentinin 2004-cü il 1 iyul tarixli 298 nömrəli Sərəncamı ilə təsdiq edilmiş “Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı” və Bakı şəhəri ərazisində məskunlaşmış məcburi köçkünlərin mənzil-məişət şəraitinin yaxşılaşdırılması üzrə Tədbirlər Planı – Yol xəritəsinə uyğun olaraq, məcburi köçkünlər üçün yeni yaşayış sahələri inşa edilir. 2020-ci ildə 7 mindən çox məcburi köçkün ailəsinin mənzil-məişət şəraiti yaxşılaşdırılması nəzərdə tutulub.

Ölkə.Az

ŞƏRH YAZ
0
BAĞLA