Nabranda qətl törədən şəxs
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.Cinayət işi hakim Siyavuş Hacıyevin icraatına verilib.Məhkəmə hazırlıq iclası yaxın günlərdə keçiriləcək.
Qeyd edək ki, hadisə bu il Xaçmazın Nabran kəndində qeydə alınıb. 55 yaşlı Tərlan Ağabala oğlu İbrahimov başından mişar daşı ilə zərbələr alaraq qətlə yetirilib.
Hadisə yerində işləyən prokurorluq və polis əməkdaşları mərhumun baş nahiyəsindən aldığı zərbədən öldüyü qənaətinə gəliblər.
İlkin araşdırma zamanı T.İbrahimovun Dalğalı kənd sakini Taleh Rəşid oğlu Mürsəlov tərəfindən qətlə yetirildiyi məlum olub. O, şübhəli şəxs qismində tutulub.
Qeyd edək ki, qətlə yetirilən Tərlan İbrahimov Bakının Binəqədi rayon sakini olub, Nabranda imkanlı şəxslərdən birinin evində gözətçi kimi çalışıb.
Natiq Allahverdiyev
Ölkə.Az
