KORONAVİRUSA YOLUXANLARIN SAYI - CANLI STATİSTİKA

Nadir Qafarzadə bu müğənniyə baş çəkdi — Acınacaqlı vəziyyətdə yaşayır

Nadir Qafarzadə bu müğənniyə baş çəkdi
01:13
23.05.2020
10231
Ölkə
A
Müğənni Nurlan Əzizbəyli və həyat yoldaşı Nərmin xanım acınacaqlı vəziyyətlərindən danışıblar.

Müğənni Nurlan Əzizbəyli Teleqraf.com-a açıqlamasında bu sözləri deyib:

"Səhhətim normaldır, həyat yoldaşımın səhhəti yaxşı deyil. "Bizimləsən" verilişinə müraciət etdik. Mənzilimiz çox bərbad vəziyyətdədir, yararsızdır. Ev tamamilə sökülməli və yenidən tikilməlidir. Ev mənim dədə-baba mülkümdür. Məşhur olan vaxtlaırm olub, amma qazancımı ailəmə xərcləmişəm. Başqa müğənnilər kimi on minə toylara gedən müğənni olmamışam. Ümumiyyətlə, toylara əvvəlki kimi getmirdim. Elə ay olurdu ki, toy olmurdu".

Nurlan Əzizbəylinin həyat yoldaşı Nərmin xanım isə efirə çıxdıqdan sonra səhhətinin pisləşdiyini deyib: "Efirə çıxdıqdan sonra səhhətim yaxşı deyil. Bəziləri dedi ki, yalan deyirik, biz orada yaşamırıq. Yalandan özümüzü biabır edəcək deyilik ki... Efirə məcburiyyət qarşısında çıxmışam. Böyük stess yaşadım, səhhətim pisləşdi. Heç bir qadın- kişi istəməz ki, on milyon əhali onları bu vəziyyətdə görsün. Ona görə də məcburiyyət qarşısında efirə çıxdıq. Günü- gündən ev uçur, divarlar dağılır. Orada yaşamaq mümkün deyil. Ora ancaq sökülüb yenidən tikilməlidir. Camaat yazır ki, geyinib-gecinib efirə çıxırlar. Biz səliqəli olmalıyıq. Boğazımızdan kəsib, geyim alırıq ki, efirə çıxırıq. Yazırlar ki, ev səliqəsizdir. Təmirsiz evi nə qədər səliqəli etsək alınmır. Belə şeylər məni çox üzdü. Biri deyir yalandır, biri deyir doğrudur. Bu vəziyyəti düşmənimə də arzulamaram. Ona görə də "Bizimləsən" verilişinə üz tutduq. İnanıram ki, Zaur Baxşəliyev bizə kömək edəcək və bu məsələ öz həll yolunu tapacaq. Hər an ev uça bilər. Ev üç otaqlıdır. Bir otağa daxil olmaq mümkün deyil".

Nərmin xanım Nurlan Əzizbəylinin səhətindən də danışıb: "Ürəyində problem yaşananda bir neçə sənətçi dəstək oldu, İzzət Bağırov, Nüşabə Ələsgərli, Elnarə Abdullayeva, Teymur Əmrah və s. Xalq artistlərini çıxmaq şərti ilə hamı Nurlan bəyin yanına gəldi.

Dünən süjet yayımlandıqdan sonra Nadir Qafarzadə dərhal bizə gəldi. Nurlan müəllimə maddi dəstək oldu. Karantindir və heç kimi qınamıram".

ŞƏRH YAZ
0

Rezidenturaya qəbulla bağlı apelyasiya şikayətlərinə baxılacaq

Rezidenturaya qəbulla bağlı apelyasiya şikayətlərinə baxılacaq
06:11
Bu gün
152
Ölkə
A
Dövlət İmtahan Mərkəzi (DİM) rezidenturaya qəbul olmaq üçün avqustun 5-də keçirilmiş baza fənləri üzrə biliklərin qiymətləndirilməsi imtahanının nəticələrini elan edib.

"Ölkə.Az" xəbər verir ki, imtahan nəticələri ilə əlaqədar müraciətlərə baxılması üçün onlayn qaydada Apelyasiya komissiyası fəaliyyət göstərəcək.

Apelyasiya komissiyasına müraciət etmək üçün elektron ərizə forması apelyasiya.dim.gov.az saytında yerləşdiriləcək. Namizədlər Apelyasiya komissiyasına 7-9 avqust 2020-ci il tarixlərində müraciət edə bilərlər.APA

ŞƏRH YAZ
0

“40 pillə”də karantin qaydalarını pozanlar saxlanıldı — FOTO + VİDEO

“40 pillə”də karantin qaydalarını pozanlar saxlanıldı
05:03
Bu gün
243
Ölkə
A
Səbail rayonu, Nəriman Nərimanov prospektində yerləşən “40 pillə” restoranı karantin qaydalarına zidd olaraq fəaliyyət göstərdiyi üçün polis əməkdaşları tərəfindən həmin obyektə baxış keçirilib.

"Ölkə.Az" bildirir ki, DİN-dən verilən xəbərə görə, məlumat daxil olan kimi Səbail Rayon Polis İdarəsi və 9-cu Polis Bölməsinin əməkdaşları həmin kafeyə yollanıb.  

Baxış zamanı kafedə səkkiz nəfər müştərinin olduğunu aşkarlanıb. Kafedə müştəri qismində əyləşən şəxslər polis əməkdaşları tərəfindən saxlanılaraq 9-cu Polis Bölməsinə aparılıb. 

Kafenin sahibi və müştərilər barəsində toplanılan materiallara hüquqi qiymət verilməsi üçün  məhkəməyə göndərilib və onların hər biri inzibati qaydada cərimə ediliblər.

Həmin şəxslərə karantin dövründə növbəti dəfə qayda pozuntusuna yol verəcəkləri təqdirdə inzibati qaydada həbs ediləcəkləri barədə xəbərdarlıq edilib.

 

ŞƏRH YAZ
0
BAĞLA