KORONAVİRUSA YOLUXANLARIN SAYI - CANLI STATİSTİKA

"Nərmin 4 aylıq hamilə olub, qətli buna görə törədiblər" — VİDEO

16:22
08.07.2020
198115
Ölkə
A
Tovuzun Dondar Quşçu kəndində qətlə yetirilən Nərmin Quliyevanın ölümü ətrafında söz-söhbət bitmir.

"Ölkə.Az" xəbər verir  ki, 10 yaşlı qızı  qətlə yetirməkdə  ittiham  olunan  və  hazıra  həbsdə  olan  İlkin Süleymanovun  ailə  üzvləri  mətbuata  sensassion  müsahibə  verib.

İlkinin əmisi  iddia  edib  ki, qətlə  yetirilən  Nərmin Quliyeva 4 aylıq  hamilə  olub. Qətl də məhz  bu hamiləliyi  gizlətmək  üçün  törədilib. O, iddia  edib  ki, qətli  İlkin  yox, tamamilə  başqa  şəxslər  olub.

İlkin Süleymanzadənin  ailə  üzvləri  iddia edib ki, qız qətlə yetirilən  zaman  ərazidə  kibrit dənələri  və  meyitdə əl  izləri  olub. Amma həmin  dəlillər  sonradan  itirilib.

Daha sonra iddia olunub  ki, tapılan meyit  Nərminə aid olmayıb.

"Tapılan  meyitin  saçlarında  bir  neçə  rəng  var idi. Bu  sual  doğurur. Nərminin saçında  bir  neçə  rəng  olmayıb. Biz tələb  edirik  ki, meyit  qəbirdən çıxarılsın  və  təkrar  ekspertiziya olsun". (oxu24)

ŞƏRH YAZ
0

Mingəçevirdən Bakıya sərnişin daşımağa çalışan sürücü həbs olundu — FOTO

Mingəçevirdən Bakıya sərnişin daşımağa çalışan sürücü həbs olundu
17:58
Bu gün
103
Ölkə
A
Mingəçevir Şəhər Polis Şöbəsinin əməkdaşları tərəfindən keçirilən tədbirlərlə karantin qaydalarını pozaraq, Bakıya sərnişin daşımağa cəhd edən sürücü saxlanılıb.

Daxili İşlər Nazirliyinin Mətbuat Xidmətinin Şəki regional qrupundan "Ölkə.Az"a verilən məlumata görə, bu qanunsuz fəaliyyətlə məşğul olan Mingəçevir şəhər sakini Vasif Osmanov idarə etdiyi “Mercedes” markalı avtobusla sərnişinləri Bakıya aparmaq istəyən zaman elə şəhər ərazisində polis əməkdaşları tərəfindən saxlanılıb.  Yoxlanış zamanı V.Osmanovun sürücülük hüququ olmadan sükan arxasına əyləşdiyi də məlum olub. O, icazəsi olmayan 30 sərnişinin hər birindən 10 manat almaqla onları Bakı şəhərinə aparacağına dair söz verdiyini bildirib. 

Sürücü Vasif  Osmanov barəsində Mingəçevir Şəhər Polis Şöbəsində toplanmış materiallar hüquqi qiymət verilməsi üçün məhkəməyə göndərilib və o, məhkəmənin qərarı ilə 15 gün müddətinə inzibati həbs edilib. Sərnişinlər barəsində isə protokol tərtib edilərək cərimə olunublar.

ŞƏRH YAZ
0

Deputat: “Hökumətin koronavirusa qarşı mübarizə tədbirləri səmərə verməkdədir”.

Deputat: “Hökumətin koronavirusa qarşı mübarizə tədbirləri səmərə verməkdədir”.
17:57
Bu gün
61
Ölkə
A
Dövlətimiz pandemiya ilə mübarizədə sistemli tədbirlər həyata keçirir. Prezident İlham Əliyevin və Birinci vitse-prezident Mehriban Əliyevanın rəhbərliyi ilə həyata keçirilən tədbirlər ciddi nəticələr verməkdədir. Sevindirici haldır ki, artıq koronavirusa qarşı mübarizə tədbirləri səmərə verir və müsbət dinamika müşahidə olunur.

Bu fikirləri “Ölkə.Az”a açıqlamasında Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva deyib.

Sonun sözlərinə görə, iyulun 16-dan bu günə qədər bu müsbət dinamika deməyə əsas verir ki, görülmüş bütün tədbirlər müsbət nəticə verir. Görülən işlər nəticəsində vəziyyət bu günə qədər nəzarət altındadır. O qeyd edib ki, Prezident İlham Əliyev avqustun 6-da koronavirusla mübarizə sahəsində görülən tədbirlər və sosial-iqtisadi vəziyyətlə bağlı keçirilən müşavirədə qeyd edib ki, koronavirus xəstəliyi bundan sonra da nəzarət altında saxlanılacaq. Dövlətimizin başçısının bildirdiyi kimi, artıq üç həftədir müsbət dinamika müşahidə edilir. Bütövlükdə isə pandemiya başlayandan dərhal sonra dövlət tərəfindən bütün lazımi qabaqlayıcı tədbirlər həyata keçirilməyə başlandı. Bunun nəticəsində ölkəmiz vəziyyətdən az itkilərlə çıxa bilir.
Deputat söyləyib ki, koronavirusla mübarizədə həkimlərin fədakarlığı da xüsusi qeyd olunmalıdır. Virusa yoluxmuş insanların sağlamlığa qovuşmasında tibb personalının böyük zəhməti var. O qeyd edib ki, dövlət pandemiyanın zərərlərinin qarşısını almaq üçün bütün addımları atır: “Prezident müşavirədə bir daha söylədi ki, əsas məqsədimiz insanların sağlamlığıdır. Ondan sonra əhəmiyyət baxımından bizim iqtisadi vəziyyətimiz, iqtisadi inkişafımız, iqtisadiyyatın dayanıqlılığı və biznes dairələrinə göstərilən dəstək, postpandemiya dövrünə hazırlıq gəlir. Dövlətimizin başçısı diqqətə çatdırıb ki, koronavirusla bağlı mübarizədə addımlar vəziyyətə uyğun şəkildə atılacaq. Karantin vəziyyəti hamını yorsa da, pandemiyanın fəsadları nəzərə alınmalıdır. Nəzərə alsaq ki, dövlət rəhbərliyi, Operativ Qərargah insanların sağlamlığı və təhlükəsizliyi üçün fasiləsiz işləyir, vətəndaşlar da vəziyyətin ciddiliyini nəzərə almalıdır. Dövlətimizin başçısı diqqətə çatdırıb ki, karantin rejimi nə vaxt mümkünsə yumşaldılacaq. Vətəndaşlar nəzərə almalıdır ki, əgər bu yumşalmadan sonra yenə də xəstəlik kəskin artsa, karantin rejimi yenə də sərtləşdiriləcək. Ona görə də, hamı məsuliyyətli olmalı, qaydalara əməl etməli, tibbi maskalardan, dezinfeksiyaedici vasitələrdən istifadə etməli, sosial məsafəni gözləməlidir. Belə olarsa, karantin rejimini daha da yumşaldıb normal həyata tez qayıtmaq mümkün ola bilər”.
S.Fətəliyeva deyib ki, pandemiya şəraitində sosial və iqtisadi məsələlərin həlli istiqamətində də ardıcıl tədbirlər həyata keçirilir. Ölkəmizdə iqtisadi və sosial məsələlər də öz həllini tapır. Bu dövrdə 5 milyona yaxın insan geniş sosial paketlə əhatə edildi. Dövlət sektorunda çalışan 900 min insanın böyük əksəriyyəti faktiki olaraq işləməsə də, dövlət tərəfindən əməkhaqqı alır. 760 min insana lazımi maliyyə dəstəyi göstərildi və onların iş yerləri qorundu. Bundan əlavə, 600 min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunub. Onlara 190 manat həcmində müavinətin verilməsi buna sübutdur. Müşavirədə dövlət başçısının qeyd etdiyi kimi, sosial dəstək bundan sonra da davam etdirilməlidir. Hazırda Azərbaycanın 13 şəhər və rayonunda sərt karantin rejimi tətbiq edilir. Həmin rayonların bu kateqoriyaya aid insanları bu dəstəklə bundan sonra da əhatə olunmalıdır. Avqust ayında da onlara 190 manat ödəniləcək.
Azərbaycanda böyük sosial layihələr həyata keçirildiyini deyən deputatın sözlərinə görə, 2020-ci ildə bu layihələrin həcmi rekord həddə çatıb. Bu il rekord sayda məcburi köçkün ailəsi evlərlə, mənzillərlə təmin olunacaq. Bu imkandan 7 mindən çox məcburi köçkün ailəsi faydalanacaq. Eyni zamanda, rekord sayda - 1500 şəhid ailəsi, Qarabağ müharibəsi əlili mənzillərlə təmin ediləcək, ordu sıralarında qüsursuz xidmət etmiş 400-dən çox hərbçi dövlət tərəfindən pulsuz mənzillərlə təmin ediləcək.

Mürtəza

Ölkə.Az

ŞƏRH YAZ
0
BAĞLA