KORONAVİRUSA YOLUXANLARIN SAYI - CANLI STATİSTİKA

"Oğlumda olan ədalətin Həzrəti Əlidə olduğunu eşitmişəm” — Siyavuş Novruzov

11:49
07.07.2020
15132
Ölkə
A
Milli Məclisin Regional məsələlər komitəsinin sədri, hakim Yeni Azərbaycan Partiyasının icra katibinin müavini Siyavuş Novruzov bu dəfə siyasətdən deyil, oğlu Seymur Novruzovdan danışıb. 
 
S.Novruzov “MediaPost”a müsahibəsində övladı ilə bağlı bəzi məqamlara aydınlıq gətirib.  
 
-Siyavuş müəllim, oğlunuz məzun oldu. Məktəbi necə oxuya bildi? 
 
-Övladım məktəbi çox yaxşı oxuyub, başa vurdu. Müəllimləri də Seymurdan çox razı idi. Hər bir müəllimi ilə görüşür və lazım gələndə əlindən də öpürdü. Mən övladımı belə tərbiyə etmişəm. Elə bunu da yazın. Oğlum icazə almamış ayaqyoluna belə getmir.  
 
-Ali məktəblərə qəbul imtahanları başlayıb. Seymur imtahan verib? 
 
-Xeyr. Hələ imtahan verməyib. Yaxın günlərdə imtahanı olacaq. İnşallah, imtahanlarında yüksək nəticə əldə edər.  
 
-Sirr deyilsə, övladınız ixtisasca nə olmaq istəyir? 
 
-Özünə bu barədə sual verin. Amma mən istəyirdim, övladım Milli Təhlükəsizlik Nazirliyinin Akademiyasına (indiki: Dövlət Təhlükəsizliyi Xidmətinin Akademiyasına ) imtahan verib, qəbul olsun. Özü bunu istəmədi. Sonra təklif etdim ki, Fövqəladə Hallar Nazirliyinin Akademiyasında oxusun. Onu da qəbul etmədi (gülür). Özüm “paqonlu adamam” deyə, bunları təklif etdim. Amma hazırda bütün bu ixtisas seçimi məsələsini özünün ixtiyarına vermişik. Daha özü bilər. Oğlum həm də yaxşı bokusçudu.  
 
-Boksçu kimi yarışlarda iştirak edib, qələbə qazanıb? 
 
-Yaxşı döyüşə bilir. Amma heç vaxt yarışlarda iştirak etməyib. Oğlum o qədər ədalətli adamdır ki, bəzən mən ondan dərs götürürəm. Deyir ki, məndən zəifi necə vura bilərəm?! O qədər haqq adamıdır.  
 
-Seymur xasiyyətcə kimə oxşayır? 
 
-(Gülür) Babasına oxşayır. Mənim atama. Atam da elə idi. Övladım bir qarışqanı belə, ayaqlamır. Bu qədər ədaləti mən yalnız Həzrəti Əlidə olduğunu eşitmişəm.  
 
-İnşallah, Ali məktəbə qəbul olsun, Seymurla bir müsahibə edərik...
 
-Seymur universitetə qəbul olsa-olmasa da, mənim üçün əhəmiyyəti yoxdur. Əsas odur, indiki dövrdə tərbiyəli övlad böyüdəsən. Sən mənim dostumsan. Bir gün onunla da müsahibə götürüb, danışarsan..  
 
-Allah qorusun, çox sağ olun
 
-Sağ olun.
ŞƏRH YAZ
1

Gəncədə evdən kişi meyiti tapılıb

Gəncədə evdən kişi meyiti tapılıb
01:00
Bu gün
172
Ölkə
A
Gəncə şəhərində mənzildən meyit aşkar edilib.

"Ölkə.Az" xəbər verir ki, Fövqəladə Hallar Nazirliyinin (FHN) "112" qaynar telefon xəttinə daxil olan məlumata əsasən, Gəncə şəhərinin Kəpəz rayonunda 1 nəfər bağlı qapı arxasında köməksiz vəziyyətdə qalıb. 

Hadisə yerinə cəlb olunan Gəncə Regional Mərkəzinin xilasediciləri mənzilin qapısını açıb və orada aşkarlanan 1982-ci il təvəllüdlü Seyfullayev Ramin Nizami oğlunun meyitini aidiyyəti üzrə təhvil veriblər.

Ölkə.Az

ŞƏRH YAZ
0

General-leytenant Firudin Nəbiyev dünyasını dəyişdi

General-leytenant Firudin Nəbiyev dünyasını dəyişdi
23:56
03.08.2020
373
Ölkə
A
Dövlət Miqrasiya Xidmətinin sabiq rəisi, general-leytenat Firudin Nəbiyev dünyasını dəyişib.

"Ölkə.Az" qafqazinfo-ya istinadən xəbər verir ki, F.Nəbiyev Türkiyədə vəfat edib. 

Firudin Hilal oğlu Nəbiyev 4 avqust 1960-cı ildə anadan olub. 2006-cı ildə ona general-mayor hərbi rütbəsi verilib. 2012-2018-ci illərdə Dövlət Miqrasiya Xidmətinin rəisi vəzifəsində işləyib. 2012-ci ildə ona III dərəcəli dövlət miqrasiya xidməti müşaviri ali xüsusi rütbəsi verilib. 

F.Nəbiyevin sabah 60 yaşı olacaqdı.

Ölkə.Az

ŞƏRH YAZ
0
BAĞLA