Oğuzda canavarlar eyni təsərrüfata ikinci dəfə hücum etdi
Oğuz rayonunda canavarlar qoyunları parçalayıb.
"Ölkə.Az" report-a istinadən bildirir ki, hadisə rayonun Bayan kəndində baş verib.
Belə ki, kəndə hücum edən canavarlar kənd sakini Adil Cabbarovun yaşadığı evin həyətyanı sahəsindəki mal tövləsinə soxulub.
Canavarlar tövlədə olan 2 baş qoyunu parçalayıb, daha bir-neçəsini isə yaralayıb.
Qeyd edək ki, üç gün öncə həmin həyətə girən canavarlar mal tövləsinə hücum edərək 14 baş qoyunu parçalayıb, 2 heyvanı aparıb, 14-nü isə yaralayıblar.
