Ölkədə ən yüksək balı o toplayıb
Xəbər verdiyimiz kimi, Dövlət İmtahan Mərkəzi ötən gün 10 və 11 iyun 2020-ci il tarixlərində 11-ci sinif şagirdləri üçün keçirilmiş buraxılış imtahanlarının nəticələrini elan edib.
"Ölkə.Az" qafqazinfo-ya istinadən xəbər verir ki, imtahan iştirakçıları arasında 1 nəfər – Abşeron rayonu Xırdalan şəhər 1 saylı orta məktəbin məzunu Abdullayev Hüseyn Yaşar oğlu 11-ci siniflər üzrə buraxılış imtahanı zamanı Respublika üzrə maksimal nəticə göstərərək - 300 bal (Azərbaycan dili - 100 bal, ingilis dili - 100 bal, riyaziyyat - 100 bal) toplayıb.
Qeyd edək ki, Hüseyn həmçinin “Əlaçı” verilişinin mövsüm finalının qalibi olub.
