KORONAVİRUSA YOLUXANLARIN SAYI - CANLI STATİSTİKA

Övladınızı cinsi yetkinlik dövrünə necə hazırlamalısınız?

Övladınızı cinsi yetkinlik dövrünə necə hazırlamalısınız?
00:57
10.07.2020
18555
Maraqlı
A
"Balam nə tez böyüdü",- deyə düşünürsünüz? Dünən qucağınızda tutduğunuz körpə, bu gün artıq böyüyüb. Düzdür, o, hələ də uşaqdır, amma cinsi yetkinlik dövrünə qədəm qoymaq üzrədir. Bəs siz övladınızı təşvişə salan və onun üçün çətin olan bu keçid dövründə ona necə kömək edə bilərsiniz? NƏYİ BİLMƏLİSİNİZ? Keçid dövrünün öz dövrü var. Bu proses 8-15 yaş arası və ya daha gec başlayır. Bir kitabda deyilir: "Cinsi yetkinlik dövrü hərədə bir vaxt olur"

"Ölkə.Az" gencaile.az-a istinadən bildirir ki, keçid dövründə özünə inamsızlıq hissi yaranır. Cinsi yetkinlik dövrünə qədəm qoyan uşaqlar cəmiyyət içində özlərini rahat hiss etmirlər. Cavid adlı bir gənc xatırlayır: "Görünüşümə və davranışıma görə çox narahat olurdum. Elə bilirdim ki, başqalarının gözündə əcaib görünürəm". Sızanaqlar çıxanda isə yeniyetmələrdə özünə inamsızlıq hissi daha da artır. 17 yaşlı Kəmalə bölüşür: "Sızanaqlar elə bil, üzümə hücum çəkmişdi. Yadımdadır, tez-tez ağlayardım, özümə eybəcər deyərdim".

Cinsi inkişafa həmyaşıdlarından tez başlayan gənclərin çətinlikləri. Bu, əsasən qızlara aiddir. Onların döş vəziləri böyüyəndə, bədən formaları dəyişəndə bəzən onları ələ salmağa başlayırlar. Bir mənbədə deyilir ki, "hətta onlar üçün yaşca böyük və cinsi əlaqəyə meyilli olan oğlanların diqqətini cəlb etmək təhlükəsi yaranır"

Cinsi inkişaf yetkinlik əlaməti deyil. Allahın Kəlamında deyilir: "Axmaqlıq uşağın ürəyində kök salar" (Məsəllər 22:15). Cinsi inkişaf prosesi bu faktı dəyişmir. Gənc böyük görünə bilər, amma bu, o demək deyil ki, "o, düzgün qərar verməyi bacarır, məsuliyyətlidir, özünə hakim ola bilir və ya onda yetkinliyin digər əlamətləri var"

SİZ NƏ EDƏ BİLƏRSİNİZ?

Övladınızla keçid dövrü başlamazdan öncə danışın. Qoy uşağınız bilsin qarşıda onu nələr gözləyir. Məsələn, qız uşağına aybaşı olacağı, oğlan uşağına islaq (nəm) yuxuların olacağı haqda danışın. Çünki yetkinliyə xas dəyişikliklər tədricən baş verdiyi halda, bu şeylər qəflətən başlayır və uşağınız bunu görüb təşvişə, hətta qorxuya düşə bilər. Belə mövzuları müzakirə edəndə vəziyyətə müsbət tərəfdən yanaşın. İzah edin ki, cinsi yetkinlik yaxşılığa doğru dəyişiklikdir və bu, onun böyüməsi üçün mütləqdir.

Açıq danışın. Ceyhun adlı bir oğlan deyir: "Valideynlərim mənimlə cinsi yetkinlik barədə üstüörtülü söhbət etmişdilər. Kaş bir az açıq danışardılar". 17 yaşında olan Aytən də bu fikirdədir. O deyir: "Anam baş verən fizioloji dəyişiklikləri izah etdi. Amma istəyərdim ki, bunlara tab gətirmək üçün mənə emosional cəhətdən dəstək olsun". Bunlar nəyi göstərir? Nə qədər çətin olsa da, cinsi yetkinlik barədə uşağınızla hərtərəfli danışın.

Söhbəti açmaq üçün sual verin.

Uşağınız sıxılmasın deyə, başqalarında baş verən cinsi yetkinlik haqda söz açın. Misal üçün, qızınıza belə bir sual verin: "Hansısa sinif yoldaşın aybaşı olub? Oğlanlar tez inkişaf edən qızları ələ salırlar?" Oğlunuza isə növbəti sualları verə bilərsiniz: "Uşaqlar gec böyüyənləri lağa qoymurlar ki?" Övladınız cinsi yetkinlik dövründə başqa uşaqların nə ilə üzləşdikləri barədə danışmağa başlasa, ehtimal ki, ona öz hisslərini və başına gələnləri bölüşmək daha asan olacaq. O danışarkən növbəti məsləhəti tətbiq edin: "İnsan eşitməyə hazır olmalı, danışmağa və hirslənməyə tələsməməlidir.".

Uşağınıza hikmətli və düşüncəli olmağa kömək edin

Keçid dövründə yalnız fiziki və emosional dəyişikliklər baş vermir. Həmin dövrdə uşağın düşüncə qabiliyyəti də inkişaf edir və bu, ona gələcəkdə düzgün qərarlar verməyə kömək edəcək. Bu fürsətdən istifadə edib övladınıza gözəl əxlaq dəyərləri aşılayın

Təslim olmayın

Valideynlər övladları ilə cinsi yetkinlik haqda danışmağa başlayanda əksər uşaqlar özlərini elə aparır ki, guya bu mövzu onlara maraqlı deyil. Amma buna aldanmayın. Bir kitabda deyildiyi kimi, "bu yaşda olan uşaq maraqlanmadığını, tıncıxdığını, iyrəndiyini və ya ümumiyyətlə qulaq asmadığını göstərsə də, əslində sizin hər kəlmənizi hafizəsinə həkk edir"

ŞƏRH YAZ
0

Yeməyi bu yağla qızartmayın

Yeməyi bu yağla qızartmayın
21:47
06.08.2020
1081
Maraqlı
A
Yeməklərin qızardılması üçün kərə yağını istifadə etməmək məsləhət görülür.

"Ölkə.Az" “Sputnik”ə istinadən xəbər verir ki, tövsiyəni həkim-dietoloq İrina Berejnaya verib.

Ekspert quru tava və ya qrildən istifadə etməyi də tövsiyə edir.

“Təzə kərə yağı məqbul miqdarda təhlükəsizdir. Həmçinin xolesterinin maddələr mübadiləsinə mənfi təsir göstərmədiyi də məlum olub”, - dietoloq vurğulayıb.

Bununla belə, İ.Berejnayanın sözlərinə görə, 70 dərəcədən artıq istilikdə sərbəst radikallar ortaya çıxa bilər. Onlar uzunmüddətli istifadədə onkoloji xəstəliyə yol aça bilər.

Mütəxəssis bildirib ki, xörəklərin hazırlanmasında donuz yağından da yararlanmaq olar, ancaq bununla belə, ən yaxşı seçim deyil.

“Uzunmüddətli istifadə və yüksək hərarət zamanı kalorilik artacaq və müvafiq olaraq həmin sərbəst radikallar ortaya çıxa bilər. Bununla belə, azad radikallar kərə yağından daha az miqdarda olacaq”, - o əlavə edib.

ŞƏRH YAZ
0

Yuxuda cinsi münasibətdə olmaq NƏYƏ İŞARƏDİR? — İNANMAYACAQSIZ

Yuxuda cinsi münasibətdə olmaq NƏYƏ İŞARƏDİR?
19:45
05.08.2020
3575
Maraqlı
A
İnsanlar vaxtaşırı erotik yuxular görürlər. Bu, çoxlarınını narahat edir. Narahatçılığa əsas yoxdur, çünki sıx-sıx görülmədiyi halda belə yuxular normaldır. Amma seksoloqlar davamlı erotik yuxuların görülməsini seks azlığı, onun qaneedici, mütəmadi olmaması ilə əlqələndirirlər.

Buna baxmayaraq, erotik yuxular həmçinin digər məsələlər haqqında da xəbər vermə qabiliyyətinə malikdirlər.
Məsələn, əgər adam özünü yuxuda lüt görürsə, deməli seksual həyatını rəngləndirmək istəyir, ya da yenilik etməyə ehtiyac yaranıb.

Əgər işdə xoşagəlməz rəhbərlə seks yuxunu qarışdırırsa, real həyatda bunun intim duyğularla heç bir əlaqəsi yoxdur. Bunun insanın özü ilə əlaqəsi var, yəni üzərinə daha böyük məsuliyyət almaq, irəli getmək niyyətindədir. İntim duyğularla əlaqəsi olmasa da dolayısı yolla bir-birini tamamlayır. Əlbəttə ki, rəhbər işçi ilə seks “yeni üfüqlər açmağa” köməklik göstərə bilər.

Şiddətli seks yuxusu insanın içində toplanıb qalmış qəzəbdir. Bu o deməkdir ki, yuxunu görən öz duyğularını ələ almalı, qəzəbini cilovlamağı bacarmalıdır.

Keçmiş sevgili ilə seks yuxusu yeni sevginin müjdəçisidir. Yeni münasibətlərdən xəbər verir.
Özünü başqa vücudun içində sevişərkən görmək – real həyatda kiminsə yerinə göz dikmək deməkdir. Yaxud da öz xarakterinə uyğun olmayan addım atmağa, davranmağa işarədir.

Başqasının intim səhnəsinə yuxuda şahidlik etmək özünü daha da ictimailəşdirmək, sosiallaşdırmaq istəyindən yaranır.
İnsanın öz cinsi ilə seks yuxusu onun daxili maraqlarına işarə edir. Bu insan həyatda nəsə yeni bir şeyin dadına baxmaq istəyir. Amma oriyentasiyanı dəyişməyə tələsməyin, unutmayın ki, yuxular çox zaman tərsinə yozulur. (publika.az)

ŞƏRH YAZ
0
BAĞLA