KORONAVİRUSA YOLUXANLARIN SAYI - CANLI STATİSTİKA

Oxu.Az ön cəbhədə: “Fiaskoya uğramış ideyaların danışan şəkli”

Oxu.Az ön cəbhədə: “Fiaskoya uğramış ideyaların danışan şəkli”
17:36
16.07.2020
1845
Ölkə
A
İyulun 16-da Ermənistan silahlı qüvvələrinin təxribatı zamanı Tovuzun Dondar Quşçu kəndi və mülki əhali hədəfə alınıb.

Oxu.Az-ın cəbhəyə ezam olunmuş əməkdaşı xəbər verir ki, kənd sakini Taryel Abdullayevə məxsus evə mərmi atılıb.

Nəticədə, ev və yanındakı tikili tamamilə yararsız hala düşüb.

Ermənistanın bugecəki artilleriya atəşi həm də ATƏT-in Minsk Qrupunun həmsədrlərinə tuşlanıb. Bu cümlə sözün həqiqi anlamındadır. Evə düşən mərmi həm də ATƏT-in Minsk Qrupunun həmsədrlərinə simvolik mesaj da ünvanladı. 

Belə bir ifadə var: “Bir foto min sözü ifadə edir”.

Erməninin dağıtdığı evdən reportaj hazırlayarkən Oxu.Az-ın fotoqrafının obyektivinə düşən bir kadr da simvolik olaraq ismarıcdır.

Dağıdılan ev, ətrafa səpələnən şüşə qırıntıları, gəlinciklər. Bir  də yanında qəzet. Qəzetin baş səhifəsinə isə həmsədrlərlə bağlı yazı çıxarılıb, amma mərmi evi dağıdarkən qəzet səhifələrindəki həmsədrlər də “qurbana” çevrilib. 

Həmin foto rəmzi olaraq siyasi mahiyyət, işğalçının arxasında durmağın acı fəsadları barədə mesajları özündə ehtiva edir.

Qeyd edək ki, kağız parçasına çevrilmiş bu əşya “Həftəiçi” qəzetinin 3 dekabr 2012-ci il nəşrindəndir.

ŞƏRH YAZ
0

Məktəblər açılsa, hansı şərtlərə əməl edilməlidir? — VİDEO

Məktəblər açılsa, hansı şərtlərə əməl edilməlidir?
23:53
06.08.2020
258
Ölkə
A
Əmək və Əhalinin Sosial Müdafiəsi Nazirliyi Dövlət Əmək Müfəttişliyi Xidməti yeni tədris ilindən məktəblər açılacağı təqdirdə təhsil müəssisələrində əməyin təhlükəsizliyinin hansı qaydalar əsasında təmin edilməsinin vacibliyini açıqlayıb.

Dövlət Əmək Müfəttişliyi Xidmətindən bildirilib ki, dərslərin başlanılması ilə bağlı qərar verilərsə, insanlar arasında məsafənin saxlanılması qaydasına riayət olunmalıdır.

Gigiyena qaydalarına əməl olunması da vacib şərtlərdəndir, iş yerlərində kifayət qədər dezinfeksiya və antiseptik vasitələrin olması, əllərin yuyulması üçün yerlərin çoxaldılması və əlyuma vasitələrinin yetərli sayda olması şərtdir.

İş yerlərinin və iş masalarının səthlərinin mütəmadi təmizlənməsi, qapı dəstəklərinin, kompüter avadanlıqlarının, tez-tez istifadə olunan digər əşyaların mütəmadi antiseptik materialla dezinfeksiya olunması, ümumi istifadədə olan otaqların, sanitariya qovşaqlarının dezinfeksiya olunması və s. nəzarətdə saxlanılmalı məsələlərdəndir:

"Həmçinin qeyd edək ki, işə cəlb olunmuş bütün işçilərin (müəllim və digər işçi heyətin) pandemiya şəraitində fərdi mühafizə vasitələrindən istifadə qaydalarına, öz vəzifələrini təhlükəsiz yerinə yetirmələrinə dair təlimatlandırılması rəhbərlik qarşısında əsas məsələlərdən biri olmalıdır.

Bildirilir ki, COVID-19 pandemiyası işçilərin və onların yaxınlarının qorunmasında əməyin mühafizəsinin önəmini bir daha təsdiqləyir. Pandemiya dövründə əməyin təhlükəsizliyi sahəsində sosial dialoqun (qeyd olunan məsələdə "məktəb - işçi heyət - valideyn - uşaq dialoqu") əhəmiyyəti böyükdür. Sosial dialoq yalnız bütün işçilərin fiziki və psixoloji sağlamlığının qorumasında deyil, pandemiyanın iqtisadiyyat və əmək sferasında mənfi nəticələrininin aradan qaldırılmasında da vacib şərtdir".

ŞƏRH YAZ
0

Azərbaycanlı həkimdən şad xəbər: Koronavirus yaxın vaxtlarda “yox” olacaq, — 1-2 ay...

Azərbaycanlı həkimdən şad xəbər: Koronavirus yaxın vaxtlarda “yox” olacaq,
22:41
06.08.2020
2427
Ölkə
A
Həkim professor Adil Qeybullanın sözlərinə görə, avqust ayında virusun zəifləməsi müşahidə olunacaq:

“Payız aylarının sonunda isə infeksiyanın yoxa çıxmasına şahid olacağıq. SARS və MERS viruslarının yayılması 6 ay vaxt almışdı. Lakin COVID-19 infeksiyasının 8-9 ay davam edəcəyi ehtimal olunur”.

Adil Qeybulla bildirib ki, ölkəmizdə ikinci dalğanın yayılmasından söhbət gedə bilməz: “Çünki birinci dalğa tamamilə bitməyib, deməli, ikinci dalğa baş qaldıra bilməz. Mən ikinci dalğanı güclü hesab etmirəm. İkinci dalğada virus zəifləmiş hesab olunacaq.

İstənilən halda, payız aylarında yuxarı tənəffüs yollarında olan digər infeksiyalar da fəallaşır. Bu da koronavirusun gedişini ağırlaşdıra biləcəyi üçün ikinci dalğa barədə xəbərdarlıq xarakterli informasiyalar var”. teleqraf

ŞƏRH YAZ
0
BAĞLA