KORONAVİRUSA YOLUXANLARIN SAYI - CANLI STATİSTİKA

Paralel dünyalara necə keçmək olar? — ARAŞDIRMA

Paralel dünyalara necə keçmək olar?
16:41
13.06.2018
7001
Maraqlı
A
Paralel dünyaların mövcudluğu qədim dövrlərdən insanların maraq dairəsində olub. İnsanlar zaman-zaman paralel dünyalara keçmək üçün cəhd ediblər.

“Ölkə.Az” bu gün oxucularına paralel dünyalar və onlara keçid barədə kiçik araşdırma yazını təqdim edir.

Fizika qanunlarına əsasən, paralel dünyalar kvant keçid tunelləri ola bilər. Bu isə o deməkdir ki, bu dünyadan başqasına keçid etmək mümkündür və bu zaman enerji saxlama qanunu pozulmur. Amma keçid üçün o qədər böyük enerji lazımdır ki, bu enerji bizim Qalaktikamızda da toplana bilməz.

Amma başqa variant da var. Bir versiyaya əsasən, paralel dünyalara keçid qara dəliklərdədir. Qara dəliklər isə alimlərin fikrinə görə əslində bir dünyadan başqasına keçid üçün dəlik ola bilər.

Şternberq astronomik institutunun alimi Vladimir Surdin bildirir ki, təbiətdə bir dünyanı başqa dünya ilə əlaqələndirən dəliklər mövcud ola bilər. Prinsip olaraq bu riyazi cəhətdən mümkündür. Belə dəliklərin mövcudluğunu fizika-riyaziiyat elmləri üzrə doktor Dmitri Qaltsov da təsdiqləyir. O, iddia edir ki, bu variantlardan biri bir nöqtədən digərinə sonsuz sürətlə keçid deməkdir. Amma bu günə qədər bu dəlikləri görən olmayıb.

Bu hipotezi yeni ulduzların yaranma sirrinin faş olması da təsdiq edə bilərdi. Astronomlar uzun müddətdir ki, bəzi səma cisimlərinin yaranması üzərində baş sındırırlar. Digər tərəfdən isə səma cisminin heç nədən yarandığı təsəvvürü yaranır. Bəlkə də paralel dünyalardan kainata atılan materiya nəticəsində yaranır.

Britaniyalı medium Dama Forsbayt 10 il əvvəl bəyan etdi ki, paralel dünyalara keçidi kəşf edib. O, bildirir ki, bu dünya bizim dünyamızın eynisidir. Sadəcə burada problemlər və xəstəliklər, aqressiya yoxdur. Forsaytın kəşfi Kent şəhərindəki bir yarmarkanın gülüş otağında yeniyetmələrin yoxa çıxması ilə əlaqəli idi. 1998-ci ildə 4 yeniyetmə o otaqdan çıxmayıb. 3 il sonra daha iki yeniyetmə yoxa çıxdı. Sonra yen itkin düşənlər oldu. Polis itkin düşənlərlə bağlı heç bir izə rast gəlmədi. Bu məsələdə müəmma çox idi. Kent şəhərinin detektivi Şon Mervi deyir ki, itkin düşənlərin hamısı bir-biri ilə tanış idi. İtkin düşmə faktı isə ayın son cümə axşamı baş verib. Bəlkə də bu ərazidə manyak peyda olub. Merfinin fikrinə görə manyak gizli yolla evə daxil olur. Amma polis araşdırması belə gizli yolun olmadığını üzə çıxardı. Bəs itkin düşən yeniyetmələr havadamı əridi? Sirli bina bağlandıqdan sonra itkin düşmə faktları dayandı.

Forsayt iddia edir ki, paralel dünyaya keçid əyri güzgülərdən birində olub. Çox güman ki, onu qarşı tərəfdən açıblar. Kimsə onu ilk itkin düşən yeniyetmə güzgünün yanında olanda açıb. Sonra isə o, öz dostlarını da ora cəlb edib.

Tibetdə tədqiqat aparan professor Ernst Muldaşev də əyri güzgüləri müşahidə edib. Onun fikrinə görə, piramidalardakı nəhəng güzgülərin strukturu mürəkkəbdir. Onların təsir dairəsində Muldaşev və ekspedisiya qrupu özünü pis hiss edib. Bəziləri uşaqlığını görüb, bəziləri də naməlum yerlərə gedib. Alimin fikrinə görə, bu güzgülərin vasitəsilə Tibet piramidalarında zaman və məkan anlayışını dəyişmək mümkündür.

Qədim əlyazmalara əsasən, bu komplekslər paralel dünyalara keçid üçün istifadə edilib. Muldaşevin fikrinə görə isə bunu fantaziya hesab etmək olmaz.
Avstraliyalı parapsixoloq Jan Qrimbriar bildirir ki, dünyadakı çoxsaylı anomal zonalar arasında 40 tunel mövcuddur ki, bunlar digər dünyalara aparır. Bu tunellərdən dördü Avstraliyada, 7-i isə Amerikadadır.

Onlardan ən məşhuru Kaliforniya milli parkındakı mağaradır. Bu mağaraya girmək mümkün olsa da, çıxmaq mümkün deyil. İtkin düşənlərin izi-tozu da qalmır.

Belə tunellərdən Rusiyada da var. Məsələn, şayələrə görə, Gelencik altında sirli şaxta var. Bu şaxta XVIII əsrdən mövcuddur. Guya bu şaxtaya girənlər heç vaxt geri qayıtmayıb. Bir dəfə şaxtaya düşən gənc 1 həftə sonra qocalmış formada geri qayıdıb.

Yunanıstanın Tilos adasının sakini 32 yaşlı İoannos Kolofidis də bir quyuya düşüb. 30 dəqiqə sonra o, qocalıb. Qədimdən bu quyu sahibsiz olub. Hətta isti havalarda da quyunun suyu buzlu olub. Onu təmizləmək üçün İoannosu çağırıblar. Hidro kostyum geyinən Kolofidis quyuya düşüb. Yarım saatlıq işdən sonra o, çöldə onu gözləyənlərdən çıxarmalarını xahiş edib. Onu çölə çıxaranda gözlərinə inanmayıblar. İoannosun əvəzinə yaşlı bir qoca var idi. Saçları ağarmış, saqqalı dizindən idi. Quyuda baş verənlər sirr olaraq qaldı. Çünki İoannos bir neçə saat sonra keçindi. Ekspertiza onun qocalıqdan öldüyünü sübut etdi.

Şotlandiyada yerləşən qədim qəsr macəra həvəskarlarının itkin düşdüyü yerə çevrilib. Qəsrin sahibi Robert bildirir ki, qəsri internetdən ucuz qiymətə alıb. O, qəsrin zirzəmisində qara caduya aid kitab tapıb. Otağa daxil olanda isə 3 metrlik rəsmdən onun üzünə işıq düşüb. Şəkildə insan təsvir olunub. Onun əynindəki paltar isə XV-XX əsrlərə aid deyil. Şəkilə yaxınlaşanda portret divardan qoparaq Robertin üstünə düşüb. Ser Robert sağ qalıb. Amma hadisə sürətlə yayılıb və bir çox turist qəsrə baş çəkib. Bir dəfə iki yaşlı qadın portretin arxasındakı dəliyə yaxınlaşıblar və yoxa çıxıblar. Xilasedicilər evi və divarları ələk-vələk eləsələr də, heç kəsi tapa bilməyiblər. Ekstrasenslər isə bildiriblər ki, qəsrdə paralel dünyalara qapı açılıb və qocalar o qapıdan başqa dünyaya keçiblər...

Hikmət Həsənov
Ölkə.Az

ŞƏRH YAZ
0

Azərbaycanda hansı yeni ixtisaslara ehtiyac var? — Dron pilotu, "ağıllı" evlərin texniki

Azərbaycanda hansı yeni ixtisaslara ehtiyac var?
09:15
Bu gün
217
Maraqlı
A
"İnformasiya-kommunikasiya texnologiyaları (İKT) sahəsində məlumatların statistikasının hazırlanması, süni intellekt və İKT-nin təhlükəsizliyi, kompüter texnologiyaları (proqramist, şəbəkə və sistem administratorları, frontend (veb-saytların istifadəçilərə görünən tərəfi) dizayneri, kompüter mühəndisi və s.) artıq gələcəyin peşələri hesab edilir".

"Ölkə.Az" ted.az-a istinadən bildirir ki, bunu Sosial Tədqiqatlar Mərkəzinin baş məsləhətçisi Aqşin Məmmədov deyib.

O, pandemiyanın inkişafını zərurətə çevirdiyi, gələcəyin peşələri barədə danışarkən bildirib ki, XXI əsrdə bütün sahələr əsasında yeni texnologiyaların, rəqəmliləşmənin dayandığı IV sənaye inqilabına keçidi sezmək mümkündür: "Fikrimcə, koronavirus bu keçidi bir az da tezləşdirəcək. Çünki pandemiyanın dünya siyasi sistemi, iqtisadiyyatı, təhsil və elm sisteminə təsiri göstərdi ki, artıq bəşəriyyət yeni texnoloji inkişaf mərhələsinə qədəm qoyur. COVID-19 böhranı bütün sahələrdə çətinliklər və məhdudiyyətlər gətirsə də, bizə yeni imkanları göstərdi, yeniliklərin tətbiqinə zəmin yaratdı. Süni intellekt və müxtəlif sahələrdə robotlaşmanın artması, "3D Printing", dronlardan istifadə, bərpa olunan enerjidən istifadənin, elektrikli maşınların artması, sürücüsüz nəqliyyat vasitələrinin meydana gəlməsi, ümumiyyətlə, qeyri-neft sektorunun sürətlə inkişafı, internetdən istifadənin genişlənməsi, cəmiyyətin və dövlətin onlayn texnologiyalar əsasında idarə olunması və s. yeni mərhələyə qədəm qoymağımızdan xəbər verir".

A.Məmmədov qeyd edib ki, bu gün dünyadakı proses və çağırışlarla əlaqədar əmək bazarının tələbləri də dəyişir: "Yeni ixtisaslar yaranır, onlara tələbat da artır".

Ekspertin fikrincə, onlayn fəaliyyət növlərinin aktuallaşması İKT yönümlü peşələrə daha çox ehtiyac yaradır: "Rəqəmli marketoloq, dron pilotu, 3D printer texniki, virtual reallıq üzrə dizayner, rəqəmli reabilitasiya məsləhətçisi, "ağıllı" evlərin texniki, bir az da geniş götürsək, biotibb və sintetik biologiya, genetika sahələrinin mühəndisləri, biotexnologiya və neyrotexnologiya və s. istiqamətlər üzrə ixtisaslaşmış kadrlara gələcəkdə tələbat daha çox olacaq. Bütün bunları nəzərə aldıqda hazırkı dövr bizdən artan rəqabətə tab gətirmək üçün yeni strategiyalar düşünməyi tələb edir. Çünki IV sənaye inqilabı iqtisadiyyatının rəqabət qaydaları əvvəlki dövrlərin qaydalarından fərqlənir. Burada rəqabətə tab gətirmək üçün bütün formalarda innovasiyaları tətbiq etmək lazımdır".

A.Məmmədov bildirib ki, mövcud imkanları reallığa çevirmək lazımdır: "Ölkəmizin təhsil sistemində rəqəmli texnologiyaların geniş tətbiqi, IV sənaye inqilabının çağırışlarına və əmək bazarının tələblərinə cavab verən ixtisasların müəyyənləşdirilməsi və təsnifatının aparılması zəruridir. Əsasən də İKT sahəsində kadr hazırlığına, xüsusən də kompüter elmləri, informasiya təhlükəsizliyi, süni intellekt və s. üzrə daha ixtisaslı mütəxəssislərin yetişdirilməsinə xüsusi diqqət yetirməliyik. Əks halda yarana biləcək hər hansı kritik situasiyalarda daha çox əziyyət çəkəcək və inkişafın önündə deyil, "yedəyində" addımlayacağıq"

ŞƏRH YAZ
0

Məşhur sosial şəbəkələr bu ölkələrdə qadağandır — İlginc səbəblər

Məşhur sosial şəbəkələr bu ölkələrdə qadağandır
08:59
Bu gün
328
Maraqlı
A
Nəhəng dövlətlər arasındakı konfliktlərin sosial şəbəkələrin fəaliyyətinə ciddi təsiri son günlər mediada xeyli aktualdır. Maraqlıdır, dünya ölkələri hansı sosial şəbəkələrə, niyə qadağa qoyublar?

"Ölkə.Az" ted.az-a istinadən bildirir ki, son günlər pandemiya ilə əlaqədar Zoom və ABŞ - Çin münasibətlərindən dolayı TikTok müxtəlif qadağalarla gündəmdədir.

Zoom-a bir sıra ölkələrdə məhdudiyyət qoyulub. Onlardan biri də Tayvan olub. Qadağaya səbəb kimi məlumat təhlükəsizliyinin yetərincə olmaması göstərilib. Fərdi məlumatların Çinə daşındığı iddia olunur. Bir müddət öncə Türkiyədə də Zoom vasitəsilə müəllimlərin kart hesablarından pul oğurlanması iddiası ortaya çıxmışdı. Nyu-York Şəhər Təhsil Departamenti Zoom-a qadağa qoyanlar arasındadır.

Türkiyədə dövlət işçilərinə WhatsApp və Telegram-dan istifadə qadağan edilib. Dövlət qurumlarında yalnız Türkiyə istehsalı mesajlaşma tətbiqlərindən istifadəyə icazə veriləcək. Mütəxəssislərin fikrincə, qadağa məxfi məlumatların digər ölkələrə ötürülməsinin qarşısını almaq məqsədilə tətbiq edilir.

Hindistan-Çin münasibətlərindəki problemlərin artması TikTok-a düşərli olmayıb. Bununla yanaşı, Hindistan 59 Çin tətbiqinə qadağa qoyub. Buna ABŞ-Çin münasibətlərin də səbəb olduğu söylənilir.

Birləşmiş Ərəb Əmirliklərində Tvitter, Feysbuk, Yutub kimi böyük platformalara qarşı da ara-sıra qadağalar tətbiq edilir. Flickr, VKontakte, Skype-a da uzun müddət qadağa qoyulub.

Hindistan Daxili İşlər Nazirliyi polislərə Feysbukdan istifadəni qadağan edib. Qadağanın əsas məqsədi xarici qüvvələrə məlumat ötürülməsinin qarşısını almaqdır. Rəsmilərin fikrincə, Hindistan özü Feysbuk kimi sosial şəbəkə yaratmalıdır ki, bura yerli əhalidən başqa heç bir xarici ölkə daxil ola bilməsin. Qaydağaya əməl etməyənlər inzibati məsuliyyətə cəlb olunurlar.

Çin ərazisində WhatsApp, YouTube, Neftlix, Tumblr, Vikipedia, İnstaqram və Redditin fəaliyyəti məhdudlaşdırılıb. Amma Çindəki bəzi yerli sosial şəbəkələr məşhurluğu və istifadəçi sayına görə heç də Feysbuk və Yutubdan geri qalmır. Məsələn, Çin istehsalı olan Qzone sosial şəbəkəsi istifadəçi sayına görə dünyada üçüncü yerdə qərarlaşıb. Yalnız Çinin daxilində istifadə edilir və kənarda tanınmır.

Türkiyə Böyük Millət Məclisinin (TBMM) Netflix-dən istifadəni qadağan etməklə bağlı qərarını isə çoxları birmənalı qarşılamayıb. TBMM səlahiyyətliləri bu qərarı belə əsaslandırıblar: "Millət vəkillərinin internet sürəti ilə bağlı şikayətləri araşdırıldı. Abunəlik əsasında fəaliyyət göstərən platformaların günün pik saatlarında interneti xeyli məşğul etdiyi məlum oldu. Buna görə də, mart ayında idarə heyətinə Netflix də daxil olmaqla, bir sıra platformalara giriş qadağan olundu. İyunun 26-dan isə bu məhdudiyyət hər kəsə şamil edildi". Qeyd edək ki, qadağanın R.T.Ərdoğanın sosial məhdudiyyətlər barədə açıqlaması ilə əlaqədar olmadığı vurğulanıb.

Odnoklassniki, VKontakte kimi Rusiya sosial şəbəkələri, həmçinin Yandex şirkətinin bütün xidmətləri Ukraynada qadağa olunub.

2018-ci ildə İraqda başlayan aksiyalara görə tətbiq olunan sosial şəbəkələrə qadağa qərarı isə bir müddət sonra ləğv edilib.

Uzun illərdir ABŞ-la qarşıdurma vəziyyətində yaşayan İran da Whatsapp, Viber, Feysbuk, Tvitter, Yutub-u bloklayıb.

Telegram isə çox geniş istifadə edildiyi üçün onun bloklanması bir çox vətəndaşı işsiz qoya bilər.

ŞƏRH YAZ
0
BAĞLA