KORONAVİRUSA YOLUXANLARIN SAYI - CANLI STATİSTİKA

"Patruşev Ermənistana rəsmi İrəvanı buxovlamağa getmişdi" — Mübariz Əhmədoğlu

17:50
14.08.2019
3464
Siyasət
A
"Rusiya Təhlükəsizlik Şurasının katibi Nikolay Patruşevin Ermənistana səfəri İrəvanın yenidən Moskva tərəfindən buxovlanaraq cilovunu ələ almaq məqsədi daşıyır".

 Bunu “Ölkə.Az”a açıqlamasında politoloq Mübariz Əhmədoğlu deyib.

Onun sözlərinə görə, Patruşevin İrəvana səfəri zamanı əsas müzakirə olunan məsələlərdən biri Qarabağ, regional təhlükəsizlik, informasiya təhlükəsizliyi məsələləri olub. “Paşinyanın Qarabağ məsələsində yürütdüyü siyasət regional təhlükəsizliyə ciddi təhdid yaratdığından bu, məsələ Rusiyanı da ciddi narahat edir. Çünki Rusiya həm region ölkəsidir, digər tərəfdən də bu məsələdə marağı olan dövlətdir. Ona görə də Paşinyanın yürütdüyü siyasətə biganə yanaşa bilməz. 

Görüş zamanı ən geniş müzakirələr olunan məsələlərdən biri də informasiya təhlükəsizliyi sahəsində, ələxüsus də erməni mediasında  Rusiya əleyhinə gedən yazılar müzakirə edilib”- politoloq qeyd edib.

O əlavə edib ki, burada diqqət çəkən digər məqam isə son günlərdə Moskvada keçirilən mitinqlərin təlimçilərinin İrəvanda hazırlanmasıdır: “Kreml hesab edir ki, Moskvadakı mitinqləri təşkil edilən qruplar İrəvanda hazılanıb.  Odur ki, Kreml son mitinqlər məsələsində də İrəvanı ittiham edir".  

Patruşevin İrəvan səfərinin yekunlarına toxunan politoloq qeyd edib ki, Moskvanın artıq Ermənistanın yürütdüyü siyasətə dözmək təhəmmülü yoxdur və onu cilovlamağın vaxtı çatdığını hesab edir. “Patruşev də Ermənistanı buxovlayaraq yenidən nəzarətə götürülməsinin planlarını hazırlayıb. O müzakirlər zamanı Kremlin İrəvana ciddi mesajlarını çatdırıb. Biz bunun bir-iki aydan sonra nəticələrini görməyə başlayacağıq”-M.Əhmədoğlu bildirib.
O hesab edir ki, artıq Ermənistan həm xarici, həm də daxili siyasətində Rusiyanın maraqlarına zidd olan  ciddi səhvlərə yol verir və bu da Moskvanın xoşuna gəlmir. “Odur ki, Moskvanın artıq Paşinyana dözmək niyyəti yoxdur. Təsəvvür edin, İrəvanın son vaxtlarda İranla bağlı siyasəti Moskvanı ciddi narahat emtəyə başlayıb. Birincisi budur ki, Rusiya bu ölkəyə satdığı qazın qiymətini qaldırmaq istəyən kimi Ermənistan İrandan ucuz qaz almaq üçün Tehrana yalvarır. Digər tərəfdən isə ABŞ-a Ermənistan ərazisindən İranın elektrik stansiyalarına kiberhücum reallaşdırmasına imkan yaratmasına qəzəblənib”- o deyib.

M.Əhmədoğlu  bildirib ki, Ermənistan öz işğalçı siyasəti ilə özünü belə  çıxılmaz vəziyyətə salıb: “ Hər tərəf onun düzgün olmayan  siyasət yürütməkdə ittiham edir və  nəticədə bundan əziyyət çəkən elə Ermənistan özü olur. Rusiya Ermənistanı orbitindən uzaqlaşmağa cəhd etdiyini üçün cəzalandırmaq istəyir, ABŞ da  Rusiyadan uzaqlamadığı üçün ona maliyyə yardımı etmək istəmir və dəstək vermir. Bunun da  bir səbəbi var, o da işğalçılıq siyasətidir. Ermənistan nə qədər ki, bu siyasətinə son verməyəib, üzləşdiyi ağır durumdan qurtula bilməyəcək”.

Mürtəza
Ölkə.Az

ŞƏRH YAZ
0

Belarus MSK: Lukaşenko seçkilərdə liderdir

Belarus MSK: Lukaşenko seçkilərdə liderdir
22:35
09.08.2020
209
Siyasət
A
Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

"Ölkə.Az" bildirir ki, bu barədə "Report" RİA "Novosti"yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

ŞƏRH YAZ
0

ABŞ-da jurnalist Trampı tribunanı tərk etməyə vadar etdi — VİDEO

ABŞ-da jurnalist Trampı tribunanı tərk etməyə vadar etdi
21:05
09.08.2020
686
Siyasət
A
ABŞ Prezidenti Donald Tramp “CBS News”un jurnalistinin gözlənilməz sualından sonra mətbuat konfransını yarımçıq tərk edib.

"Ölkə.Az" bildirir ki, bu barədə “Report” xarici mətbuata istinadən xəbər verir.

Məlumata görə, hadisə dövlət başçısının Nyu-Cersi ştatında çıxışı zamanı baş verib. Müxbir Paula Rid Trampın "Veteranların seçimi" layihəsinin onun administrasiyasının xidməti olması barədə sözlərindən sonra prezidentin yalanını ifşa etməyə çalışıb.  

"Niyə "Veteranların seçimi" layihəsinin məhz özünüz tərəfindən həyata keçirildiyini təkrarlayırsınız? O, 2014-cü ildə qəbul edilib, bu, yalan bəyanatdır, cənab", - jurnalist deyib.

O, bildirib ki, Tramp 2016-cı ildə dövlət başçısının postunu tutub.

<iframe width="560" height="315" src="https://www.youtube.com/embed/3qJjU3Fpd1k" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

ŞƏRH YAZ
0
BAĞLA