KORONAVİRUSA YOLUXANLARIN SAYI - CANLI STATİSTİKA

Plastik cərrahlara 150 min funt sterlinq xərclədi — FOTOLAR

Plastik cərrahlara 150 min funt sterlinq xərclədi
05:06
11.07.2019
3135
Maraqlı
A
ABŞ-ın Virciniya ştatında yaşayan 28 yaşlı Kristen Şnayder plastik əməliyyat keçirməyi xoşlayır.

“Ölkə.Az” xəbər verir ki, kompüter mühəndisi olan Kristen son 9 ildə müxtəlif əməliyyatlar keçirib. O, ümumilikdə bu əməliyyatlara 150 min funt sterlinq xərcləyib.

“Güzgüdə gördüyüm surətimi bəyənmirdim. Bədənimdə xoşlamadığım və dəyişdirə biləcəyim orqanlarım var idi. Eybəcər olduğum üçün məktəbdə məni lağa qoyurdular”, - deyə qız bildirib.

Kristen ilk dəfə 18 yaşı olanda əməliyyat olunub və sinəsini böyüdüb.

Ölkə.Az

 

ŞƏRH YAZ
2

Tərsliyi necə müalicə etmək olar?

Tərsliyi necə müalicə etmək olar?
06:06
Bu gün
50
Maraqlı
A

İlk olaraq tərsliyin yaranma səbəblərinə diqqət edək. Bəzən tərsliyin kökləri insanın özündə olur, bəzən qarşı tərəfdə və bəzən də hər ikisində. Tərsliyin yaranmasına səbəb olan bəzi amilləri tanıyaq:

1. İnsanların bir-birini düzgün başa düşməməsi.
2. Diqqəti cəlb etmək.
3. Davamlı olan danlamalar.
4. Təkəbbür və lovğalıq.
5. Mənfi mübahisə etmək.
6. Dava edən zaman düzgün olmayan yollardan istifadə etmək.
7. Həddən artıq gözləntidə olmaq.

Bəs bu xəstəliyi necə müalicə edə bilərik?

1. Tədricən. Rəzil sifətlər insan şəxsiyyətində tədricən meydana gələr. Ona görə də gözləmək lazım deyildir ki, bu sifəti bir gündə müalicə etmək mümkün olacaqdır. Əgər doğru yolda olsaq, əmin olmalıyıq ki, gec-tez nəticə əldə edə biləcəyik.

2. Davamlı şəkildə danlamalardan çəkinmək lazımdır. Çünki bu hal tərslik alovunu gücləndirər. İnsan elə bilər ki, başqalarının gözündə heç bir dəyəri yoxdur. Ona görə də ilk növbədə insanın etimadını qazanmaq lazımdır. İmam Əli (ə) buyurur: "Danlamaqda həddi aşmaq, tərslik şöləsinin alovlanmasına bais olar".

3. Təhrikedici hərəkətləri islah etmək. Adətən insan o zaman tərslik edir ki, cəm içində olur. Bəzən bu insanlar tərslik edən insanın bu rəzil sifətini tərifləyir və mədh edirlər. Ona görə də əgər belə insanı müalicə etmək istəyiriksə, bunu tənha olan zaman etmək lazımdır.

4. Müsbət sifətlərin gücləndirilməsi. İnsanın mənfi sifətləri olduğu kimi, müsbət sifətləri də mövcuddur. Əgər biz tərs olan insanı müalicə etmək istəyiriksə, gərək onun etimadını qazanaq və onun müsbət sifətlərini gücləndirməyə çalışaq. Belə insan bizimlə özünü rahat hiss edər və bizim dediklərimizə qulaq asar və onları yerinə yetirməyə çalışar.

5. Yanlış fikirləri islah etmək. Bəzən insan səhvən belə düşünür ki, haqq onunladır. Qarşı tərəf onun haqqını yemək istəyir. Bu cür fikirlər insanı dava etməyə sövq edir. Ona görə də ilk əvvəl bu fikirləri islah etmək lazımdır.

6. Fərdi fərqlər. Rabitə zamanı insanların fərdi fərqlərinə diqqət etmək lazımdır. Çünki hər bir insanın özünəməxsus şəxsiyyəti vardır. Əgər insanın ağlı dərindirsə, onu məntiqli sübutlarla yola gətirmək mümkündür. Yox, əgər dayazdırsa, onunla məntiqli söhbətlərin təsiri olmayacaqdır. Onlarla hiss yolu ilə rəftar etmək lazımdır. (Həvzəh)

Hər bir halda tərslik elə xəstəlikdir ki, onu müalicə etmək olar, sadəcə tərslik edən insanın bunu istəməsi kifayətdir.

ŞƏRH YAZ
0

Sodanın bilmədiyimiz faydaları — Dəridə qaşınma, göbələk varsa...

Sodanın bilmədiyimiz faydaları
00:05
Bu gün
411
Maraqlı
A
Çay sodası adlandırdığımız Natrium karbonatdan (Na2CO3) məişətdə geniş istifadə olunur. Daha çox un, şirniyyat məmulatlarının hazırlanmasında istifadə edilən sodanın tibbi-müalicəvi xüsusiyyətləri də çoxlarına məlumdur.

Soda ən azı boğaz ağrısında qarqara kimi, zəhərlənmələr zamanı mədə-bağırsaqların yuyulması üçün ilkin yardım vasitəsi hesab olunur. Amma sodanın faydaları bununla bitmir. Məlumatlara görə, sodalı su ilə yuyunmağın çoxsaylı faydaları var.

Dəridə olan qaşınmaları-eqzamanı sakitləşdiririr

Soda qələvi xassəyə malikdir, su ilə birləşdikdə suyu qələvi bir maye halına gətirir. Sodalı su ilə duş qəbul etmək təkcə dərini yumşaltmır, bədənə daha çox fayda verir. Araşdırmalara görə, natrium-karbonat istifadəsi qaşıntıları aradan qaldırır və yüngülləşdirir. Ancaq sodanı isti yox, ilıq suya qatmaq tövsiyə olunur.

Əzələ ağrılarını yüngülləşdirir

Karbonatlı su ilə duş qəbul etməyin başqa bir faydası ağrıyan əzələləri sakitləşdirməkdir. Sodaya duz da əlavə edərək daha çox təsir əldə etmək olar. Həftədə bir dəfə bu qarışıqla yuyunmaq tövsiyə edilir.

Bədəndə detoks təsiri yaradır

Heç bir səbəb olmadan yaranan yorğunluq zamanı natruim-karbonatlı su ilə yuyunmaq sayəsində bədən canlanır və detoks effekti yaranır.

Pis qoxunu aradan qaldırır

Sodalı su soyuducuda, otaqlarda olan pis qoxuları udma qabiliyyətinə malikdir. Eləcə də sodalı su ilə yuyunmaq bədəndə olan arzuolunmaz qoxunu da aradan qaldıra bilir.

Göbələk xəstəliyində faydalıdır

Soda dəri və dırnaq göbələkləri ilə də mübarizə aparır. Sodalı su dəri və dırnaq göbələklərini həll etməyə kömək edəcək bir xüsusiyyətə malikdir.

ŞƏRH YAZ
0
BAĞLA