Professor Nizaməddin Şəmsizadə 65 yaşında

“Ölkə.Az” xəbər verir ki, bu yaxınlarda professor Prezident İlham Əliyev tərəfindən Bakı Dövlət Universitetinin 100 illiyi münasibətilə və Azərbaycanda təhsilin və elmin inkişafındakı xidmətlərinə görə əməkdar elm xadimi adına layiq görülüb.

Nizaməddin Şəmsizadə 1954-cü il dekabrın 30-da Qubada anadan olub. Bu gün professor 65 illik  yubileyini qeyd edir. Bu yaxınlarda böyrək çatışmazlığı səbəbi ilə ailəsini və yaxınlarını qorxuya salan Nizaməddin müəllimin hazırda vəziyyəti normaldır. Öz yubileyini ailəsi ilə qeyd edən proffesora “Ölkə.Az” kollektivi adından cansağlığı, uzun ömür arzulayırıq.

Qeyd edək ki,  Nizaməddin Şəmsizadə 1977-ci ildə BDU-nun fılologiya fakültəsini bitirib. 1978-1990-cı illərdə AMEA-nın Nizami adına Ədəbiyyat İnstitutunda baş lobarant, kiçik elmi işçi (1981), baş elmi işçi (1986) kimi elmi fəaliyyət göstərib. 1982-ci ildə namizədlik, 1990-cı ildə doktorluq dissertasiyaları müdafıə edib. 1985-ci ildən SSRİ Yazıçılar İttifaqının (indiki AYB) üzvüdür.

"Heydər Əliyev və Azərbaycan ədəbiyyatı”(müştərək) kitabına görə Azərbaycan Respublikasının Dövlət mükafatına layiq görülüb.

N.Şəmsizadə bu gün ölkənin ali məktəblərində tədris olunan "Ədəbiyyat nəzəriyyəsi" dərsliyinin müəllifidir.

Vüsalə Balayeva

Ölkə.Az