KORONAVİRUSA YOLUXANLARIN SAYI - CANLI STATİSTİKA

Prokurorluq Naftalanda baş verən qətllə bağlı məlumat yayıb

Prokurorluq Naftalanda baş verən qətllə bağlı məlumat yayıb
11:04
05.07.2020
3611
Hadisə
A
İyulun 4-də gecə saat 23 radələrində Naftalan şəhərində yaşadıqları evin yaxınlığında şəhər sakinləri - 1979-cu il təvəllüdlü Elnurə Verdiyevanın bıçaqlanaraq aldığı xəsarətlərdən ölməsi, qızı 2002-ci il təvəllüdlü Aysun Həsənovaya isə bıçaqla xəsarət yetirilməsi barədə məlumat daxil olub.

"Ölkə.Az" Goranboy rayon prokurorluğuna istinadən xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Goranboy rayon prokurorluğunda Cinayət Məcəlləsinin 120.1 (qəsdən adam öldürmə) və 29, 120.2.7-ci (iki və ya daha çox şəxsi qəsdən öldürməyə cəhd) maddələri ilə cinayət işi başlanıb.

İş üzrə müvafiq ekspertizalar təyin edilib və digər zəruri istintaq-əməliyyat tədbirləri aparılıb.

İlkin araşdırmalarla cinayətin zərəçəkmişin əri Zəfər Məmmədov tərəfindən ailə-məişət zəminində yaranan mübahisə zamanı törədilməsinə əsaslı şübhələr müəyyən edilib.

Prokurorluq və polis əməkdaşları tərəfindən həyata keçirilən təxirəsalınmaz istintaq-əməliyyat tədbirləri nəticəsində Zəfər Məmmədov Cinayət Məcəlləsinin qeyd edilən maddəsi ilə nəzərdə tutulan cinayət əməllərini törətməkdə şübhəli şəxs qismində tutularaq istintaqa cəlb edilib.

Ölkə.Az

ŞƏRH YAZ
0

Bakıda çimərlikdə uşağı avtomobil vurdu

Bakıda çimərlikdə uşağı avtomobil vurdu
01:56
Bu gün
231
Hadisə
A
Bakının Suraxanı rayonunda yol-nəqliyyatı hadisəsi zamanı bir nəfər xəsarət alıb.

"Ölkə.Az" xəbər verir ki, hadisə Hövsan qəsəbəsindəki çimərlik ərazidə baş verib.

12 yaşlı Əliyev Fuad Emin oğlu yol kənarında olarkən onu minik avtomobili vurub. Sürücü yaralını xəstəxanaya çatdırıb. 

Həkimlərin verdiyi məlumata görə, onun vəziyyəti ağırdır və hazırda xəstəxananın reanimasiya şöbəsinə yerləşdirilib. APA

ŞƏRH YAZ
0

Xəzərdə 13 yaşlı oğlan batdı

Xəzərdə 13 yaşlı oğlan batdı
23:57
07.08.2020
277
Hadisə
A
Xəzər dənizində daha bir nəfər batıb.

"Ölkə.Az" bildirir ki, bununla bağlı Fövqəladə Hallar Nazirliyi məlumat yayıb.

Bildirilib ki, Böhran Vəziyyətlərində İdarəetmə Mərkəzinə Bakı şəhərinin Xəzər rayonu, Bilgəh qəsəbəsində, dənizdə (nəzarətsiz ərazidə) bir nəfərin batması barədə məlumat daxil olub. 

Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən həyata keçirilən tədbirlər nəticəsində 2007-ci il təvəllüdlü İbadov Ruslan Adil oğlunun meyiti tapılaraq aidiyyəti üzrə təhvil verilib.

ŞƏRH YAZ
0
BAĞLA